أنصحوني من فضلكم

مشكلتي · 2013-07-31, 15:52

البسملة1

أنا بنت عمري 18 سنة نجحت في البكالوريا هذا العام و الجامعة لي راح نقرى فيها تبعد عن منزلنا و لهذا ليس لدي الإختيار سوى النوم في الجامعة و لكني خائفة كثييييييرا ناس تتكلم على واش يوقع في الجامعات لهذا انا خائفة و متوترة لأن هذه الدنيا صعيبة و فيها ناس لي ميحبولناش الخير و الله راني خائفة بزااااف .... أرجوكم أنصحوني ما الذي يجب فعله و جزاكم الله خيرااا

~~مشطوب~~ · 2013-07-31, 18:27

أحفظ الله يحفظك

وكما يقول المثل الشعبي

متخلط روحك مع النخالة مينقبك الدجاج

بسمة تحدي · 2013-07-31, 18:36

امال انا جبت االباك على 17 سنة قريت وكملت وخلاص

نقلك حاجة يا اختي الطفلة كي تكون شاد ة روحها وخطيها واحد ميتمسخر ولا يدور بيها

اعطي قيمة لروحك يقيمك الاخرين واذا طلقتي روحك اكيد راح تعاني بزاااف

اختي اتقى الله في كل شئ وديري ربي في قلبك وعيشي مع اسم الله الراقيب

اختري الصحبة الصالحة تعينك على الطاعة الله وابتعدي عن الصحبة السيئة

والله نحمد ربي لقريت فالجامعة لاني تعلمت بزاااف حوايج منها وهي كانت سبب في التزامي

حواء نادين · 2013-07-31, 18:41

اقتباس:

المشاركة الأصلية كتبت بواسطة مشكلتي

البسملة1

أنا بنت عمري 18 سنة نجحت في البكالوريا هذا العام و الجامعة لي راح نقرى فيها تبعد عن منزلنا و لهذا ليس لدي الإختيار سوى النوم في الجامعة و لكني خائفة كثييييييرا ناس تتكلم على واش يوقع في الجامعات لهذا انا خائفة و متوترة لأن هذه الدنيا صعيبة و فيها ناس لي ميحبولناش الخير و الله راني خائفة بزااااف .... أرجوكم أنصحوني ما الذي يجب فعله و جزاكم الله خيرااا

كوني واثقة من نفسك...... انت ذاهبة للدراسة لاغير......... اختاري الرفيقات المثاليات.......... ولا تهتمي لكلام الناس...........للأسف الكثير من يشوه صورة الطالبات الجامعيات.....لكنهم غضوا الطرف عن العفيفات للأسف الشديد..اسأل الله لك التوفيق والسداد اختي.......

sali-sali · 2013-07-31, 18:41

السلام عليكم
مليح تكوني خايفة..على هدا انتي روحي تقراي فقط واهتمي بدراستك اولا و اخطيك من الخلطة

kaderkader1541 · 2013-07-31, 18:52

سنك مناسب جدا للزواج
و ما الجامعة و الاختلاط فيها الا مضيعة للوقت و تكبرين
بعد الجامعة ستبدئين في رحلة البحث عن عمل و اي عمل كله وسط الرجال و العمر يجري بك
بعدها زوج غيور يتقدم لك و يطلب منك التوقف عن العمل
او زوج قليل الغيرة و طماع في الراتب يخطبك و شرطه تكوني مرسمة

~~(الانسان الوفي)~~ · 2013-07-31, 19:07

السلام عليكم ...أختي أقول لك الصراحة ولا تغضبي ...أولا ان قلت لك أن الجامعة محترمة أو الحي الجامعي لا يوجد فيه منكر فاكون اكذب عليك ...الأكيد فيه الكثير من الامور أنا كنت في العاصمة وأنا رجل لكن 4 سنوات لم أسكن في الحي الجامعي ففيه الكثير من المنكر ...لكن والله على ما أقول شهيد توجد بنات في الجامعة أشد من الرجال وأقوى ملتزمات ولا يستطيع أحد أن يقترب منهن ...القضية كلها في الرفقة والصحبة كما قالت أختنا ...لكن هو الأحسن للبنت الزواج في هذا الزمان ...مع أن الجامعة سنواتها جميلة ...الحقيقة الأمر جد صعب لكن كوني على ثقة بنفسك وكوني صحبة جيدة وتوكلي على الله ...شكرا

ولدي فكرة في هذا المنتدى الكثيرات تعرفي على مجموعة من العضوات وكونوا مجموعة من الآن شكرا

Abdoun207 · 2013-07-31, 19:14

كيما قالوا الاخوة أنا نعرف بنات من الحي ماشاء الله ممكن خير من بنات غير مقيمات
اذا كانت الشخصية صلبة واحد ما يهزك

جلة نور · 2013-07-31, 19:30

احكمي سابعك واحد مايهدر معاك هدا مكان ما تخالطيش بزاف اعرفي شكون تصاحبي اول فتةر اجبدي روحك منبعد راكي تعرفي لبنات فيهم المليح وفيهم لقبيح دخلي روحك مع البنات الملاح تلقاي العوام راهم يفوتوا بالخف اهم شي التاي بقرايتك هداك مايفيدك ما تتخلايش درك قريتي هدا كامل وهنا توقفي اتوكلي على ربي وامضي وحققي احلامك

هند222 · 2013-07-31, 21:34

اقتباس:

المشاركة الأصلية كتبت بواسطة kaderkader1541

سنك مناسب جدا للزواج
و ما الجامعة و الاختلاط فيها الا مضيعة للوقت و تكبرين
بعد الجامعة ستبدئين في رحلة البحث عن عمل و اي عمل كله وسط الرجال و العمر يجري بك
بعدها زوج غيور يتقدم لك و يطلب منك التوقف عن العمل
او زوج قليل الغيرة و طماع في الراتب يخطبك و شرطه تكوني مرسمة

كلمات في الصميم

بارك الله فيك واحسن اليك

لأنه الواقع بحد ذاته

spremshoot · 2013-07-31, 23:00

في كل مكان يوجد الجيد و الرديء
عليك باختيار أحسن الصديقات و الرفيقات و الإبتعاد عن رفيقات السوء
و لا تحيدي عن مبادئك أبدا و لتضع نصب عينيك أنك أتيت للدراسة لا غير و هي مدة و ستنقضي
أسأل الله أن يوفقك لما فيه صلاحك

moha75 · 2013-07-31, 23:08

اقتباس:

المشاركة الأصلية كتبت بواسطة بسمة تحدي

امال انا جبت االباك على 17 سنة قريت وكملت وخلاص

نقلك حاجة يا اختي الطفلة كي تكون شاد ة روحها وخطيها واحد ميتمسخر ولا يدور بيها

اعطي قيمة لروحك يقيمك الاخرين واذا طلقتي روحك اكيد راح تعاني بزاااف

اختي اتقى الله في كل شئ وديري ربي في قلبك وعيشي مع اسم الله الراقيب

اختري الصحبة الصالحة تعينك على الطاعة الله وابتعدي عن الصحبة السيئة

والله نحمد ربي لقريت فالجامعة لاني تعلمت بزاااف حوايج منها وهي كانت سبب في التزامي

ما شاء الله 17 سنة وكنت واعية ورزينة،
وفي المقابل كاين بنات في هذا السن يقولوا راني صغار الله غالب،
ويعطوا لأخطائهن مبرر السن،
والله السن لا علاقة،
كاين شابة في 17 وما شاء الله عقل ورزانة،
وكاين في 25 سنة وتلقاها عقلية ذراري،
يعني هذا راجع للتربية و الاخلاق،
ربي يكثر من أمثالك إن شاء الله،
ويحقق كل تتمني من الخير .

Angleeyes · 2013-07-31, 23:31

اختاري الصحبة الصالحة و ماتخالطيش و ديري ربي في بالك و ماتخليش مبادئك و اهتمي بدراستك فقط و اهم حاجة احذري و لا تقتربي من جنس آدم.

اناناسة · 2013-07-31, 23:32

السلام عليكم ، اختي تشجيعي مادمت متأكده من مبادئك و متمسكه بيهم حتى حاجا ما تصر الك انا كنت مثلك او أكثر لم اخرج من بلدتي و عندما ذهبت اليوم الأول عدت الى البيت و قررت ان لا أعود ثانيه لكن مصلحتي جعلتني أنسى كل هذه الأقاويل الصح رأسك واش فيه الان الحمد لله انا اشعر باني استطيع ان أواجه العالم ليس كما كنت ساذجه و لو لم يمسكني احد من يدي لا أتحرك و زيد الإنسان من واجبه ان يطلب العلم اين ما كان معناه حتى لو تطلب منك الأمر الذهاب الى دوله ليست بعربية و انتي الحمد لله غير في الدزاير و ناسك ساعات و يكونو حداك نحن في زمن المسافة لم تعد موجوده فيه .... تشجعي و فرحينا بشهاداتك و نجاحاتك عالم جديد بحلوه و مره ينتظرك لكن عليك فقط الثبات على الصحيح و الباقي على توفيق الله عز وجل بالتوفيق

AMINA.Z · 2013-08-01, 00:23

الصحبة الطيبة

و الشخصية القوية

و الرغبة في تحقيق اهدافك و حلمك

هادا واش لازمك في الجامعة