قاطو سوسات قلاصي

omiyad49 · 2013-07-31, 12:03

500غ مارغرين اي وحدة راهم اكل ملاح 6 صفار بيض 400غ سكر قلاصي 40مغارف كبار كاكاو 2عصير قارص 2 خميرة ونلم بالفرينة حتى تتلم العجينة نديرها في الصاشية ونخليها ترتاح 15 دقيقة الكرام كاس حليب 2مغارف فرينة 90 غ زبدة ستار كاس سكر قلاصي واي لون ونكهة هذا اختياري نسخن الحليب ونزيدلها الفرينة ونحرك حتى تعقد نخليها تبرد نخدم السكر والزبدة بالباتور حتى تولي قشدة نفرغ الكريمة 01 بالملعقة في الكريمة 02 ونضيف الملون والنكهة لتحبو ونخلط بالخلاط نخليها ترتاح نولي للعجينة نحللها بالحلالة ندير طابع اوفال راهو يتباع نطيبهم حتى تخلاصلي العجينة نخليه يبرد القاطو ندهن الحبة بالكرام ونجيب هذاك المطرق تاع الطبيب ليديرو بيه AAراهو يتباع عند الفارماسي بي عشرة لاف نقسمو على نص ونحطو ونحط فوقو حبة القاطو الاخرى نذوب الشيكولة تاع منى 4 باطات مع الكرام فراش باش يجي لون الشيكولة برك نفرغ داخلها 100غ كاوكاو مقلي ومرحي خشين ونخلط مليح نغطس الحبة داخلها ونخليها حتى تنشف الشيكولة وبصحتكم هايا راني نستانا ردودكم راني حطيتلكم شجعوني باه نحطلكم المرة الجاية راهو مازال الجديد عندي راني درتو عندو 7 سنين نستناكم باه ديروه تقبل الله صيامكم وقيامكم رددددددددددووووددددددددددد اذا مافهمتوش قولولي نفهمكم راني في الخدمة

الحطاب سهام · 2013-07-31, 12:19

تبان تشهي يا ريتك درتينا الصور رايح يكون افضل شكرا اختي

مبروكة الصحراء · 2013-07-31, 12:30

تبان حاجة شاااااااااااااااابة و لكن الطريقة غير مفهومة ياااااااااااااااااااااااااااااااريت تحطيلنا صور يكون أحسن

omiyad49 · 2013-07-31, 12:34

انا قلتلكم لينحطهملكم بلا تصاور قولتولي ايه واش مافهمتوش راني لهنا

omiyad49 · 2013-07-31, 12:43

روحو وين كتبتلكم نحطلكم الوصفات هذو وشوفو الطلبات

صابرة2013 · 2013-07-31, 12:50

omiyad49 · 2013-08-01, 13:02

واش ماعجبكم القاطو راني دزعت منكم

مريم سلمى الجزائرية · 2013-08-01, 13:31

السلام عليكم و رحمته تعالى و بركاته:
بارك الله فيك أختي ، لم أفهم الجزء الأخير أي كيفية إلصاق " المطرق" كما سميتيه و بقية المراحل " هل يلتصق العود بشكل كافي بحيث يمكن حمل هذه الحلوى بدون أن تسقط؟؟؟؟؟؟؟؟".
أثابك الله فلقد أضحكتني بأسلوبك الفكاهي فربحت معك وصفة و ابتسامة .
صيام مقبول و ذنب مغفور