رايكم في بطبوطي

[rosa allia]

السلام عليكم يا الشاطرات
شفت la recette نتاع البطبوط المغربي
في واحد الكتاب عندنا قلت نجربو
شوفوه وقيموه
جاني مليح و لالا

و هذو المقادير:

بالنسبة للعجين: 250 غ دقيق+ 100 غ فرينة، 1/4 م ملح، مغرف صغيرة خميرة الخبز، كاس كبير ماء دافي
تخلطي المقادير كامل مع بعضهم مليح حتى تتحصلي على عجينة طرية ، خليها ترتاح مدة 10 د ومن بعد حليها و أطبعيها دوائر بواسطة الكاس و غطيها و خليها حتى تطلع.
من بعد طيبيها في مقلة ولا في طاجين الشخشوخة سخنيه مليح و حطي الدوائر اللي رايحين يطلعوا بفعل الحرارة.

بالنسبة للحشو: طيبت الدجاج و تبلتو مليح و زدتلو البصلة والثوم والفلفل و الهريسة والطماطم و قبل ما نحشيه في البطبوط خلطو مع المايونيز و زينتهم بالسلاطة
تجيك تقريبا كيما الشوارما، جربوها ما تندموش تجي بنينة على ضمانتي