<< كوســـــــة رولي بـــ La sauce Bolognaise >>

[ladymillion]

جبتلكم اليوم قراتان لذيييييييذ وخفيف خاصة في رمضان ويااااارب يعجبكم منطولش عليكم

أولا قطعي الكوسة أو الجريوات نتاعك طوليا كيما في الصورة ماتكون رفيعة ماتكون سميكة وقليها وخليهل بجنب



كيفية تحضير صوص بولونيز* La sauce Bolognaise :

• حبة بصلة متوسطة مقطعةرقييق
• حبة طماطم كبيرة مبشورة
• حبة جزر صغيرة ميشورة
• 2 فصوص ثوم مبشورة
  
• كمية من اللحم المفروم
• نصف حبة فلفل أخضر مقطع رقيق
• ZESTE DE CITRON
• ملح ، م ص فلفل أسود ،نصف م ص كمون ، رشة قرفة

قلي البصل في الزيت مع الفلفل مع التقليب + اللحم والتوابل وقلبي شوي + الجزر ومع التقليب + الطماطم مع كأس ماء وحركي شوي وغطيهم خليهم على نار متوسطة وماتخليهاش نتشف من الماء خليها تغلي لمدة 7د تقريبا وطفي




حضري الكوسة المقلية وكمية قليلة من لحم مفروم نيىء + ملح غيييير شوي وفلفل أسود


حطي قطعة كوسى وديري فوقها شوي من اللحم كيما موضح في الصورة ورولي الكوسة



حطي الصوص في المول لي راح ديري فيه وحطي فوق الصوص قطع الكوسة راني نسيت مصورتش كي حطيت الكوسة واضيفي من فوق فروماج رابي




وحطيها في الفرن طيب ويكون سخون قبل بــ15د بدرجة 180° وطييييييب لمدة 20د
وقدميها ممممممممم نبينة نتمنى تجربوها وتردولي الخبر بالسلب أو الايجاب هههههه



تقبلوا تحياتي أحبتي دمتم بخيير

[أم محمد تاج]

رووووعة يالايدي وأنا نقول وين غاطسة؟؟؟؟ههههههه
بارك الله فيك حنونة وماشاء الله

[ladymillion]

هههههههههه ام محمد تاج كنت غاطسة هنا

[نريمان المسيلية]

selimet ydaki

[*رفيقة الدرب*]

ماشاء اللله يشهيييييي و بنين منين راكي تجيبي الوصفات هذو

[أم ريمة*]

ماشاء الله ليدى تشهى الله يجازيك على هذا المجهود ويعطيك ما تتمناى بنتى

[سوسن222]

بارك الله فيك

[أم هاجر البسامية]

بارك الله فيك أختي باينة بنينة تهبل ربي يحفظك

[موني السطايفية]

يسلموا ايديكي حبيبة

[ريتاج تيارتية]

الله الله كي شفتها جعت يعطيك الصحة وبارك الله فيك

[الأمنيات]

اممممممممممممممممممم راها تبان لديدة تبارك الله

[رزان.]

بارك الله فيك أختي
يعطيك الصحة
يشهي

[ladymillion]

فرحتووووووني بردودكم الطيبة يعطيكم الصحة وربي يفرحكم

[أم شيماءْ]

اممممممممممممممممممممممم روعة يعطيك الصحة حبيبتي

[حياتي نبع امل]

امممممممم يعطيك الصحة تشهي