تابع همي من دمي

[مشكلتي]

السلام عليم ورحمة الله تعالي و بركاته
اولا نشكركم كلكم اللي قريتو معاناتي و حسيتو بيا و عطيتوني نصائح و الله معنويا اثر فيا ايجابيا هاذا الشيء
المهم حبيت برك نوضحلكم امر كاين اللي قالولي كملي بالمراسلة نقولكم ايه انا كي وليت نلوم في بابا علي الاهمال نتاعو ليا يعني لما بطلت قرايتي زعما سجلت بالمراسلة وكملت حتي لحقت للباك هاذاك العام جوزتز كحل لانو كيما تعرفو مانقدرش نقرا وحدي ما حبش يخليني ندير دروس خصوصية قالي لازم ديري عند استاذة ماشي استاذ و انا فهاذاك الوقت مالقيتش لقيت غير استاذ هبلني حتي بسيف و حتي راح و تاكد بنفسو وشاف الاستاذ كبير و كلش باه خلاني و طبعا هو يديني و يستناني كي نكمل يرجعني للدار
كلش كان مليح حتي لنهار اللي جوزت الباك علابالكم من كثر انو كان عليا ضغط كبير يعني امي صحاباتي الكل كانو يقولولي بلي هاذي الفرصة تاعك الوحيدة باه تتهناي منهم يعني و الله كنت خايفة مانجيبوش و لما دخلت لقاعة الاختبار ما قدرت نكتب والو كلش راحلي تخيلو بلوكيت و طبعا ما جبتش الباك و هو ولا يمشي و يهدر انا تعبت معاهاا اربعة اشهر و انا نديها و نجيبها و نجري عليها (وكانو يعني دار فيا معروف كبير ) و فالاخير ماجابتوش و ماقراتش الخ يعني تخيلو وخطو نفسكم مكاني و شوفو واش تحسو كل ما نسمعو حكا الهدرة هاذي نشد غير الطرف و نعود نبكي ماعندي مانهدر
حبيت نعاودو لكن مانكذبش عليكم الهدرة تاعو فشلتني و خلاتني نخاف لوكان مرة اخري انجيبوش و يبدي يحكي هاكذاك
المهم حبيت ندير كاش دبلوم و لا ستاج بما انو عندي مستوي ثالثة ثانوي و بعد ماحللت بابا و مارانيش عارفة كيفاش فجاة فطنت عندو مشاعر الابوة خلاني ندخل للسيافا و لكن كالعادة اخي اعترض و رفض يخلني قتلو معليش ندخل للسونتخ ندير قالك لا لا
هوما واش حبو الا حبيتي ديري خياطة ندوك و نرجوك المشكل انو اي واحد منكم يقدر ينجح في حاجة او يتعلم حاجة وهو ما يحبهاش او ما عنجدوش ميول ليها و عدت غير نقولو ندير حاجة يقولي نتي كي قتلك ديري خياطة ما حبيتيش و درك تحوسي حاجة اخري
المهم بما انو حتي واحد ماعائلة ماراهو حاب ندير كاش حاجة
حبيت للمرة الاخيرة نزيد نحاول معاهم و بالاك بما انو خطيبي صديق اخي اللي راهو داير فيا كل هاذا الشي ندخل خطيبي يهدر معاه ونشوف
لكن عندي استفسارات اللي يعرف يعني كاش دورة تكوينية يعني غير الشبه طبي لانو بابا رفض قالي فيه الخلاط و كلش المهم اي حاجة نقدر نديرها بمستوي تاعي اللي المدة نتاعها ماتفوتش عامين لانو كيما قلتلكم خطيبي قالي ديري ستاج في داركم مانقدرش نخليك ديريه عندي يعني لما نكمل ستاج هو يخليني نخدم
الله يحفظكم خاوتي ممكن تساعدوني و دلوني علي كاش ستاج مليح باه نشوف للمرة الاخيرة بالاك يخلوني


و شكرا مسبقا الله يجعلها في ميزان حسناتكم ان شاء الله
قال رسول الله صلى الله عليه وسلم : ( من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسّر على معسر ، يسّر الله عليه في الدنيا والآخرة ، ومن ستر مؤمنا ستره الله في الدنيا والآخرة ، والله في عون العبد ما كان العبد في عون أخيه

[نورسين.داية]

السلام عليكم

و الله الصراحة ما عرفت واش نقولك .............و ما أضحكني مع إحترامي لكي طبعا الخطيب الدي قال لكي ما ديريش الستاج عندي

و الله بكل صراحة ...............أمرهم غريب .........لكن أقول لكي شيئ مهم أنه من حق الأباء أن يخافو على أبنائهم ......و أقولها لكي أنتي جد محظوظة ...............كاين لي ما علابالهمش بيهم أـصلا لا طلعو لا هبطو ....................لا إنتقلوا الى الحياة الأخرى

لكن أعتقد بالنسبة لي طبعا أن أحسن تخصص تدرسينه في المعاهد المتخصصة هو الإعلام الآلي ..........وفقكي الله عزيزتي

[hassendz]

السلام عليكم و رحمة الله تعالى و بركاته
اختي الكريمة يمكنك التسجيل في معهد التكوين المهني بولايتك و اختاري "عون حفظ البيانات'' أو ''مخزني'' و تقدري ديري تربص في آن واحد سأشرح لك:
1-سجلي في معهد التكوين المهني سيطلبون لك في الملف البحث عن مستخدم و هنا يقصد بها واحد ديري عندو سطاج لذلك اقصدي المتوسطات و الثانويات و مدير احد المتوسطات او الثانويات يوقعلك على العقد.
تولي تقراي يوم واحد في المعهد و باقي الايام تعملين في المؤسسة التربوية و لكن بدون أجر لأنك تتعلمي فقط (بعد مرور 6 أشهر المعهد يسلكك بحوالي مليون سنتيم).
الدراسة في المعهد + التكوين في المؤسسة = سنة واحدة و مبروك عليك الديبلوم.
و ان شاء الله كي تتزوجي تقدري تدفعي دوسي تع كونكور في لاكاديمي (مديرية التربية) لولايتك لأنها في كل سنة دير مسابقات التوظيف.
--------------------------------------------------------
الحل الثاني:
مديرية التربية في كل ولايات الوطن تقريبا يديرو مسابقات للتوظيف
ممكن في سبتمبر يديرو مسابقة عون مكتب تقدري تتدفعي الدوسي تاعك بشهادة مدرسية الثالثة ثانوي.
----------------------------------
أختي الكريمة حاولت مساعدتك بالمجال لي راني فيه و الطريقة الاولى انا استعملتها.
حبست القراية في 2007 و دخلت للمعهد التكوين المهني و قريت طباخ و كنت في تربص في ثانوية لمدة سنة و كي اعطاوني ديبلوم شاركت في مسابقة العمال المهنيين لمديرية التربية و نجحت في الامتحان و اليوم الحمدلله عندي 4 سنوات عمل كطباخ في متوسطة و لاباس علي.
بالتوفيق

[chouchou ayouta]

أختي الفاضلة أنا قد قرأت قصتك و تأثرت

و بعد أن قرأت قصتك ذهبت إلى قسم مشكلتي و قمت بقراءة موضوع أخر و قد أثر في أيضا

و ظن أنه عكس موضوعك و هذا هو الرابط https://www.djelfa.info/vb/showthread.php?t=816735

و أظن أنك إذا قرأته ستحسين معنى أن يكون لك أبا و أخا و الدفء العائلي الذي يتمناه الكثير

و السلام عليكم و رحمة الله و بركاته

[سنة4]

انافي رايي تقراي اعلام الي او ربي يوفقك

[hamza touazi]

اختاه مشي عيب كي ماجبتيش الباك انا تان كما نتي جوزتو بالمراسلة ومكتبليش ربي مع انو درت ليكوغ فكل المواد مي كمكتبش ربي متفشليش عاوديه العام لجاي ان شاء اللله تجيبيه ومافيها والو وكان تعاوديه لابغا عشرة مرات بزاف نناس عاودوه بزاف باش جابوه وزيد اهلك يخافو عليك على هادي راهم يقولولك هكاا معليش روحي معاهم بالساسة برك والله راح يفهموك

[صفــاء]

انصحك أختى بالتوجه الى المعاهد المتخصصة في التكوين المهنى

وديري تخصص اعلام ألى

واذا ماقدرتيش ديري في التكوين عن بعد واختارى شهادة تقنى سامى في احدى التخصصات

وراح تقراي في الدار غير الامتحانات تفوتيهم في المؤسسة

ربي يكون في عونك خيتو