فهموني ارجوكم ..............

مشكلتي · 2013-07-13, 12:46

السلام عليكم
انا شابة خلصت دراستي هذا العام و الحمد لله ..
ذات يوم جا خويا ل دار و قال ل ماما بلي كان قاعد مع جارنا و قالو خويا : مزال منكلوش الطعام عندكم (يعني مازال متتزوجش) قالوا جارنا: ها انتوما مبغتوش تعطونا بنتكم , صحا باباك يعطيهاني قالو خويا :نورمال في ميزك ..

دعيت ربي سبحانه و تعالى يلا فيه الخير يقدموا و لا في الشر يبعدوا و انا في الحق كي نشوفو يعجبني بزاف ...و لكن المشكلة ان واحد النهار تلاقيت مع وحدة صحبتي سقسيتها على هذا جارنا واش يخدم قاتلي , و منبعد قاتلي ديك المرة قالها امينة راكي عاجبتني صار باباك يقبل يمدك ليا أنا حرت الخيطان تخبلو في مخي
و قلت في قلبي هدا و قيلا الشيرة اللي يشوفها يقول انا منها .....

وزيد خطرة قالتلي واحدة راه مع وحدة استاذة كيما هو و c "est vrai كل يوم في الليل كي نحل التاقة نشوفو مجمع و يحكي من 9h ....و روح

انا راني نصلي الاستخارة و ندعي في ربي ديما و راهم يجوني منامات بصح علااااه ميقدمش ؟؟؟؟ وعلاه يطمع الشيرات ...؟؟؟؟؟؟؟ و لا نحيه من بالي احسن لي ..؟؟؟

* الحلم سكر * · 2013-07-13, 21:20

نحيه من بالك احسن ...
اذا جاكم خمي و درك علاه تعبي في مخك ....؟؟؟
ربي يسرلك اللي فيه الخير

و حاجة برك شدت انتباهي نفس الكلمة اللي قالها لخوك قالها لصاحبتك و اذا هي ما سمعتش افعبارة منك. من قبل يعني هو ......

lynoor · 2013-07-13, 21:23

صح فطوركم
نصيحتي نحيه من بالك واللي فيها الخير ربي يجيبهالك

amina bourennane · 2013-07-13, 21:37

لالالالا اختي غير نحيه من بالك انتي وشفتيه بعينيك يحكي في البورطابل ميلا هادا سلعة راشية ومايجيك منو حتشي مليح مالا اختي لعزيزة نحيه من بالك وكانك واتقة في صاحبتك هادي امينة وواش قاتلك غير فكك وربي يرزقك بولد لحلال الي يشوفك غير انتي ولك الخيار حنونة

♥منسّه♥ · 2013-07-13, 22:08

~نَحِّيـــه من بَآآلك خِيرلك هادا راو بآآين فآآرغ شغل و يلعب ببنات الناس بزاف~
ربِّي يجيبلك مكتوبك ختيِ و تدي سيآآد الرّجـآآلة وزاد مازالك صغيرة أصبري الكاتبة تلحق

وفية زاد · 2013-07-13, 22:18

مادام ماجاش يخطبك صح من عند باباك و مازال ما جابش عايلتو غير نحيه من بالك و ماكلاه تمرضي روحك بحاجة ماكانش اصلا

nouna l maghbouna · 2013-07-13, 22:29

راكي غير تعبي و تعقدي في روحك
خليها على ربي

اذا حاب يخطب الدار و ناسها يعرفهم و اذا لالا ربي يسهل عليه

ربي معاك

naamane3 · 2013-07-13, 22:35

9h تعني ميلينيوم 070 يعني حكايات وبنات
نحيه من بالك وركزي على الدعاء والاستغفار
وربي يرزقك على حساب نيتك
والله المستعان

loulou02 · 2013-07-13, 23:35

هذا كيما نقولو : وين شفتك شبهتك ، أختي توكلي على الله هو الرزاق و إدعيه بإخلاص يرزقك الزوج الصالح .

Sadjia-ikram · 2013-07-14, 00:01

نحيه من بالك و رايحي راسك كثري من الصلاة و ربي يجيب لي فيها لخير

{مـشـاكـسـهـ}~ · 2013-07-14, 00:24

نحيه من بالك احسن ...

ربي يسرلك اللي فيه الخير

moha75 · 2013-07-14, 00:54

نصيحتي لك، لا تفكري في أي شاب لا تربطك علاقة رسمية وشرعية به،
وما تشغلي بالك بحاجة في الغيب،
نعطي مثال:
شاب شافك في الطريق وأمعن النظر فيك،
هذا لا يعني بأن يريد الزواج بك ، وبأنه راح يخطبك،
وتظلي تحلمي بيه ، وتألفي في القصص،

هذا خطأ جسيم وجب الإنتباه منه،
الشاب لما يريدك في الحلال الباب مفتوح،
أما الكلام المعسل والغزل اللي مافي فائدة منو،
قد ولى زمانه ،
والثقة في الوثيقة .

بالمناسبة لازم الفتاة تعرف مليح بأن هناك صنف من الرجال،
يحب تكون ليه أكثر من علاقة بالفتيات،
ويحب يكون كامل الأرقام اللي في الهاتف نتاعو،
تنتهي ب :ة
يعني مريض وعندو هوس بالأنثى ربي يشافيه،
كاين اللي يحب يوقع البنات في شباكو،
كاين اللي يقولك نحكي مع شحال من بنت ونغازلها ،
وأكيد في الاخير راح تنجح علاقتي بواحدة ونتزوجها،
يعني آلاف العقليات وصعب تفهميها الكل.

ممكن هذا الشاب عندو نية في الزواج صحيح،
وحاب يتعرف على اكثر عدد من البنات،
باش في الأخير يختار واحدة منهن،
مع أن هذا الأسلوب خطأ لأن فيه مضرة للبقية،

في المقابل كاين رجال والله تقولي بالمال نشريهم،
مش كل الشباب متشابهين،
ومش كل البنات متشابهات،
هنا فروق اكيد،
والمهم اللي خبط الباب أهلا وسهلا بيه،
واللي التزم الصمت ما تخميش فيه.
ربي يوفقك وسائر بنات المسلمين أمين.

بسمة تحدي · 2013-07-14, 13:15

اقتباس:

المشاركة الأصلية كتبت بواسطة moha75

نصيحتي لك، لا تفكري في أي شاب لا تربطك علاقة رسمية وشرعية به،
وما تشغلي بالك بحاجة في الغيب،
نعطي مثال:
شاب شافك في الطريق وأمعن النظر فيك،
هذا لا يعني بأن يريد الزواج بك ، وبأنه راح يخطبك،
وتظلي تحلمي بيه ، وتألفي في القصص،

هذا خطأ جسيم وجب الإنتباه منه،
الشاب لما يريدك في الحلال الباب مفتوح،
أما الكلام المعسل والغزل اللي مافي فائدة منو،
قد ولى زمانه ،
والثقة في الوثيقة .

بالمناسبة لازم الفتاة تعرف مليح بأن هناك صنف من الرجال،
يحب تكون ليه أكثر من علاقة بالفتيات،
ويحب يكون كامل الأرقام اللي في الهاتف نتاعو،
تنتهي ب :ة
يعني مريض وعندو هوس بالأنثى ربي يشافيه،
كاين اللي يحب يوقع البنات في شباكو،
كاين اللي يقولك نحكي مع شحال من بنت ونغازلها ،
وأكيد في الاخير راح تنجح علاقتي بواحدة ونتزوجها،
يعني آلاف العقليات وصعب تفهميها الكل.

ممكن هذا الشاب عندو نية في الزواج صحيح،
وحاب يتعرف على اكثر عدد من البنات،
باش في الأخير يختار واحدة منهن،
مع أن هذا الأسلوب خطأ لأن فيه مضرة للبقية،

في المقابل كاين رجال والله تقولي بالمال نشريهم،
مش كل الشباب متشابهين،
ومش كل البنات متشابهات،
هنا فروق اكيد،
والمهم اللي خبط الباب أهلا وسهلا بيه،
واللي التزم الصمت ما تخميش فيه.
ربي يوفقك وسائر بنات المسلمين أمين.

كلامك قمة والله

بارك الله فيك

أمة الله 12 · 2013-07-14, 14:40

اقتباس:

المشاركة الأصلية كتبت بواسطة moha75

نصيحتي لك، لا تفكري في أي شاب لا تربطك علاقة رسمية وشرعية به،
وما تشغلي بالك بحاجة في الغيب،
نعطي مثال:
شاب شافك في الطريق وأمعن النظر فيك،
هذا لا يعني بأن يريد الزواج بك ، وبأنه راح يخطبك،
وتظلي تحلمي بيه ، وتألفي في القصص،

هذا خطأ جسيم وجب الإنتباه منه،
الشاب لما يريدك في الحلال الباب مفتوح،
أما الكلام المعسل والغزل اللي مافي فائدة منو،
قد ولى زمانه ،
والثقة في الوثيقة .

بالمناسبة لازم الفتاة تعرف مليح بأن هناك صنف من الرجال،
يحب تكون ليه أكثر من علاقة بالفتيات،
ويحب يكون كامل الأرقام اللي في الهاتف نتاعو،
تنتهي ب :ة
يعني مريض وعندو هوس بالأنثى ربي يشافيه،
كاين اللي يحب يوقع البنات في شباكو،
كاين اللي يقولك نحكي مع شحال من بنت ونغازلها ،
وأكيد في الاخير راح تنجح علاقتي بواحدة ونتزوجها،
يعني آلاف العقليات وصعب تفهميها الكل.

ممكن هذا الشاب عندو نية في الزواج صحيح،
وحاب يتعرف على اكثر عدد من البنات،
باش في الأخير يختار واحدة منهن،
مع أن هذا الأسلوب خطأ لأن فيه مضرة للبقية،

في المقابل كاين رجال والله تقولي بالمال نشريهم،
مش كل الشباب متشابهين،
ومش كل البنات متشابهات،
هنا فروق اكيد،
والمهم اللي خبط الباب أهلا وسهلا بيه،
واللي التزم الصمت ما تخميش فيه.
ربي يوفقك وسائر بنات المسلمين أمين.

يعطيك الصحة , كفيت ووفيت

zalamite · 2013-07-14, 15:01

للاسف راك دايرة فيلم و حدك انسايه خير لك و لا تعقدي عليه امال كبيرة ربما ياتيك زوج اخر من حيث لا تحتسبين.