من يريد نصائح

نور العلى · 2013-07-09, 15:36

صح رمضانكم ومبروك عليكم الانتقال الى 2 ثانوي أود أن أقدم لكم نصائح باش تستفادوا منها
1-علوم 2 ثانوي جد صعبة بالمقارنة بالعلوم اللي كنت تقراوها من قبل و مالازمش تعتمدوا فيها فقط على الفهم بل هي تحتاج الى التدرب على حل
تمارين مثل الرياضيات و الفيزياء وهدا خطأ الكثير حنا في قسمنا في الفصل الأول في الفرض مكانش لي حصل على المعدل لخاطر كونا حاسبين العلوم

تاع فهامة برك لكني ننصحكم بكتاب الوافي و بالكتاب المدرسي حلوا أكبر قدر ممكن من التمارين راهم كاينين الحلول في الموقع الأول للدراسة في الجزائر نفس الشي مع الرياضيات

2-الفيزياء أسهل بكثير من فيزياء 1 ثانوي هي جد رائعة تلقاو فيها متعة لكن هي تحتاج أيضا الى حل تمارين وننصحكم بكتاب الهباج هو كتاب رائع فعلا يبانلكم في الاول ما تفهموش دروس الفيزياء لكن بمجرد أنكم تفتحوا تمارين تلقاو كلشي ساهل خاصة عند الاستعانة بسلسلة الهباج

3-المواد الأدبية اياكم تهملوها ادا ما قدرتوش على المواد الاساسية و خدمتوا في المواد الادبية تتحصلوا على معدل من 10 حتى ل12 لدلك مدولها اهمية

وحبيت نقولكم بلي يكدب عليكم لي يقولكم علوم تجريبية ماشي صعيبة ALR ننصحكم باش توجدوا رواحكم من الأول لخاطر رايحين تتلقاو صعوبة وتتبدل عليكم الحالة بعض الشيء أنا مارانيش حابتكم تخافوا مي راني نقولكم هكا باش ما تستهزاوش و تقراو أنا استهزيت بزاف ومن معدل 15 هبطت لمعدل 12 خاصة كانوا عندي ظروف لكن أدركت دلك في الفصل 2 و تحصلت على معدل 14 ورجعت لمستواي مارانيش حابتكم توقعوا في نفس الغلطة اللي وقعت فيها ربي يوفقكم و أي حاجة تحبوها راني هناااااااا.

јỬšt ĞiRl · 2013-07-09, 15:42

بـــــــــآآرك الله فيك أختي على النصائح القيمة، ونفع بك + عندي سؤال لكـ

ẕσњěĩя · 2013-07-09, 15:44

شكراااااااا أختي على النصائح

aminemoc25 · 2013-07-09, 15:44

شكرا لك اختي بارك الله فيك و جزاك خيرا و اتمنى لك التوفيق في البكالوريا انشاء الله تديها بامتيااز و هل العلوم تبقى المراجعة فيها معتدة على ما في المصنف يعني حفظ و فهم في نفس الوقت و قولي لي كيف كنت تراجعينها

نور العلى · 2013-07-09, 15:47

اقتباس:

المشاركة الأصلية كتبت بواسطة јỬšt ĞiRl

بـــــــــآآرك الله فيك أختي على النصائح القيمة، ونفع بك + عندي سؤال لكـ

تفضلي حبيبتي

јỬšt ĞiRl · 2013-07-09, 15:51

اقتباس:

المشاركة الأصلية كتبت بواسطة نور العلى

تفضلي حبيبتي

أختي الغالية نور أتعلمين أنا أهملت سنة أولى ثانوي نهائيا ،، لم أدرس ولم أحضر نفسي يوما واستهنت بجميع المواد، وكنت أعتمد على ما أتلقاه في القسم وفقط،، ونسيت أمر الرياضيات نهائيا حتى أنني أهملتها بشكل نهائي،، وإهمالي للمواد ليس من باب أنني كسولة أو غيرها،،بل أملك الثقة العمياء في نفسي أني أستطيع الاجابة دون بذل أي جهد وأقول لا اداعي لأتعب نفسي سأجني نقطة ممتازة بإذنه تعالى،، لكني الآن ندمت مع مرور الوقت،، خاصة عندما سمعت أن دروس الرياضيات أغلبها تعتمد على سنة أولى ثانوي مع أننا نتوسع في البرنامج،، فمباذا تنصحينني هل أعيد دراسة الرياضيات من جديد،، والوقت ضيق خاصة مع دخول شهر رمضان لا أظن أنني سأتفرغ للمراجعة أو غيرها..أود منك نصيحة قيمة،، وكذاا ما هي الدروس التي يجب علي مراجعتها في الرياضيات التي قد تصادفني في العام المقبل،، وآآسفة على الاطالة،، وباارك الله فيك أختي الغالية وفقك الله في الباكالوريا.

نور العلى · 2013-07-09, 15:52

اقتباس:

المشاركة الأصلية كتبت بواسطة aminemoc25

شكرا لك اختي بارك الله فيك و جزاك خيرا و اتمنى لك التوفيق في البكالوريا انشاء الله تديها بامتيااز و هل العلوم تبقى المراجعة فيها معتدة على ما في المصنف يعني حفظ و فهم في نفس الوقت و قولي لي كيف كنت تراجعينها

ان شاء اله أخي ربي يوفقك العلوم تعتمد من الدرجة الأولى على الفهم مع الاستاد الفهم الجيد ثم مراجعتها في المنزل مع حل تمارين وماتخليش حتى لنهار الفرض أو الاختبار أنا كنت نفهمها مع الاستادة ثم نحل تمارين الكتاب المدرسي و بعض تمارين الوافي باش نتعرف على منهجية الاجابة لخاطر ماتجاوبش كيما تعودنا عشوائيا لازم تستعمل كلمات علمية باش تدي العلامة الكاملة قادر تكون اجابتك صحيحة لكنها لا تحتوي على مفاهيم علمية لي تناولتها أثناء الدرس وفي هده الحالة تعتبر خاطئة وأي استفسار تاني راني هنا

نور العلى · 2013-07-09, 15:59

اقتباس:

المشاركة الأصلية كتبت بواسطة јỬšt Ğirl

أختي الغالية نور أتعلمين أنا أهملت سنة أولى ثانوي نهائيا ،، لم أدرس ولم أحضر نفسي يوما واستهنت بجميع المواد، وكنت أعتمد على ما أتلقاه في القسم وفقط،، ونسيت أمر الرياضيات نهائيا حتى أنني أهملتها بشكل نهائي،، وإهمالي للمواد ليس من باب أنني كسولة أو غيرها،،بل أملك الثقة العمياء في نفسي أني أستطيع الاجابة دون بذل أي جهد وأقول في نفسي لا اداعي لأتعب نفسي،، لكني الآن ندمت مع مرور الوقت،، خاصة عندما سمعت أن دروس الرياضيات أغلبها تعتمد على سنة أولى ثانوي مع أننا نتوسع في البرنامج،، فمباذا تنصحينني هل أعيد دراسة الرياضيات من جديد،، والوقت ضيق خاصة مع دخول شهر رمضان لا أظن أنني سأتفرغ للمراجعة أو غيرها..أود منك نصيحة قيمة،، وكذاا ما هي الدروس التي يجب علي مراجعتها في الرياضيات التي قد تصادفني في العام المقبل،، وآآسفة على الاطالة،، وباارك الله فيك أختي الغالية وفقك الله في الباكالوريا.

نعم هدا الشي دائما يحصلنا شوفي أختي دروس 1 ثانوي ما عندهومش علاقة كبيرة بزاف بدروس 2 ثانوي شوفي لازم عليك تعاودي تراجعي الدوال كيما مجموعة التعريف التمثيل البياني ...الخ وتلقاي الدرس على شكل يوتيوب تقدري تفهميها مليح ديري يوتيوب عموميات على الدوال هي ساهلة بزاف وكاين تاني الدائرة المثلثية جربي تعاودي تفهميها اما بقية الدروس تختلف تماما مثل النهايات المتتاليات المرجح هادوا كامل جدد وانتظرني خلال رمضان نحطلك ملخص لي تقدري تفهمي به واش راحلك ما تخافيش حبيبتي راني معاك ما تتقلقيش دروس ما عندهومش علاقة كبيرة ببعضاهم

نور العلى · 2013-07-09, 16:00

اقتباس:

المشاركة الأصلية كتبت بواسطة ẕσњěĩя

شكراااااااا أختي على النصائح

العفو

aminemoc25 · 2013-07-09, 16:05

اقتباس:

المشاركة الأصلية كتبت بواسطة نور العلى

ان شاء اله أخي ربي يوفقك العلوم تعتمد من الدرجة الأولى على الفهم مع الاستاد الفهم الجيد ثم مراجعتها في المنزل مع حل تمارين وماتخليش حتى لنهار الفرض أو الاختبار أنا كنت نفهمها مع الاستادة ثم نحل تمارين الكتاب المدرسي و بعض تمارين الوافي باش نتعرف على منهجية الاجابة لخاطر ماتجاوبش كيما تعودنا عشوائيا لازم تستعمل كلمات علمية باش تدي العلامة الكاملة قادر تكون اجابتك صحيحة لكنها لا تحتوي على مفاهيم علمية لي تناولتها أثناء الدرس وفي هده الحالة تعتبر خاطئة وأي استفسار تاني راني هنا

شكرا كثيرا لك اختي ساعمل بنصائحك ان شاء الله

јỬšt ĞiRl · 2013-07-09, 16:08

اقتباس:

المشاركة الأصلية كتبت بواسطة نور العلى

نعم هدا الشي دائما يحصلنا شوفي أختي دروس 1 ثانوي ما عندهومش علاقة كبيرة بزاف بدروس 2 ثانوي شوفي لازم عليك تعاودي تراجعي الدوال كيما مجموعة التعريف التمثيل البياني ...الخ وتلقاي الدرس على شكل يوتيوب تقدري تفهميها مليح ديري يوتيوب عموميات على الدوال هي ساهلة بزاف وكاين تاني الدائرة المثلثية جربي تعاودي تفهميها اما بقية الدروس تختلف تماما مثل النهايات المتتاليات المرجح هادوا كامل جدد وانتظرني خلال رمضان نحطلك ملخص لي تقدري تفهمي به واش راحلك ما تخافيش حبيبتي راني معاك ما تتقلقيش دروس ما عندهومش علاقة كبيرة ببعضاهم

بآآرك الله فيكـ أختي الغالية وجزاك الله كل خير سأحاول أن أعمل بما قدمته لي ☺،، شفيتي غليلي والله،، بقي لي استفسار،، ماذا عن دروس الأشعة والهندسة الفضائية،، درسناهم في الفصل الثالث لكن أنا تستطيعين القول أنني لم أحضر للقسم أبدا في الفصل الثالث إلا بعض الحصص،، لم أدرس لا درس الاشعة ولا درس الهندسة الفضائية بالرغم من أنهم درسوه عني في القسم،، فهل لهما دخل في العام المقبل ام لا،، لأنني أحس بالندم تدهور معدلي من 17 إلى 15

aminemoc25 · 2013-07-09, 16:13

اختي ماذا عن اللغات و مواد الحفظ

نور العلى · 2013-07-09, 16:17

اقتباس:

المشاركة الأصلية كتبت بواسطة јỬšt ĞiRl

بآآرك الله فيكـ أختي الغالية وجزاك الله كل خير سأحاول أن أعمل بما قدمته لي ☺،، شفيتي غليلي والله،، بقي لي استفسار،، ماذا عن دروس الأشعة والهندسة الفضائية،، درسناهم في الفصل الثالث لكن أنا تستطيعين القول أنني لم أحضر للقسم أبدا في الفصل الثالث إلا بعض الحصص،، لم أدرس لا درس الاشعة ولا درس الهندسة الفضائية بالرغم من أنهم درسوه عني في القسم،، فهل لهما دخل في العام المقبل ام لا،، لأنني أحس بالندم تدهور معدلي من 17 إلى 15

لا أطن بلي يأثروا عليك meme ادا كانت عندهم علاقة لخاطر حنا ماقريناهمش في السنة 1 ماكملناش البرنامج وكلشي جاز عادي لا ماتخافيش حبيبتي ترجعي لمستواك ان شاء الله و امل أنك تكوني تعلمتي من الخطأ اللي درتيه وماتعاوديش تهملي الدروس خاصة دروس 2 لخاطر la base تاع lbac

نور العلى · 2013-07-09, 16:22

اقتباس:

المشاركة الأصلية كتبت بواسطة aminemoc25

اختي ماذا عن اللغات و مواد الحفظ

سبق وقتلك اياك ان تهملهم لخاطر هما لي يطلعولك المعدل خاصة مادة الاجتماعيات اتعلم تحفظ المصطلحات و الشخصيات وهي جد سهلة تقدر تحصل على 20 بسهولة نفس الشي بالنسبة للادب و الفرنسية و الانجليزية تحصل حتي على 18 بسهولة لخاطر تعاود غير واش قريت خاصة الانجليزية مكان حتى حاجة جديدة كلشي قريتوه من قبل أما شرعية فيها وحد الدروس معقدة تاع أحكام القران لازم تفهمها جيدا مع الاستاد لانها صعبة نوعا ما شكرا على حماسك

aminemoc25 · 2013-07-09, 16:27

مشكورة مرة اخرى