تحضيرات يوم قبل رمضان

ام احمد وصال · 2013-07-09, 14:53

مساء الخير عليكم يا حراير واش راكم ان شاء الله بخير هدا وين خلصت اخر التحضيرات لرمضان وحبيت نشاركم معايا ماشي حاجة كبيرة بصح قلت بلاك كاين الي يستفاد منها وخاصة العرايس الجدد نخليكم مع الصور و الشرح بسم الله

هدا اللحم الي جابو الراجل الزين لحم بقري مسحتو بالكتانة اي قطعة قماش كيما نديرو في العراس ومن بعد مصمصتو غير شوي قيس ماتنحالو العظام وكاشي تراب تاع الدبيحة ومن بعد حطيتو في كسكاس يقطر مليح

هنا قسمتو طراف جاوني 11 وخليت هبرة قطتعها طراف صغار لطاجين لحلو

هادو تاع طجين الحلو

هنا درتهم في الساشيات باه نخبيهم وخليت طرف لغدوة ان شاء الله

وهدوتاع طجين الحلو

وهدا الطرف تاع غدوة مع تاع طجين الحلو

هنا لميتهم كامل في شكارة وتاع الغدوة في باطة

هداتاع غدوة

هنا حطينهم في الكونجيلاتور

وهدي الدبشة و المعدنوس ثاني خبيتهم نقيتهم وربطتهم كل وحدة وحدها وجبت الجرنان ورشيتو مليح مليح بالماء وحطيت فيه الدبشة وروليتو وحطيتها في كيس بلاسكي والي الثلاجة

هنا زدت شويت الفلفل وقطعتو وخليت يقطر نديرو حميس الا سهل ربي

وهدا فلون للسحوربحول الله

هداكل ماعندي نتمنى تستفادو من هدا الموضوع وصح رمضانكم وكل عام وانتم بخير

marambest · 2013-07-09, 15:06

يعطيك الصحة ورمضان كريم

sidali 2007 · 2013-07-09, 15:06

يعطيك الصحة وصح رمضانك

خربشة ناعمة · 2013-07-09, 15:08

صح كاين عرايس جدد و بلاك ما يعرفوش مين يبداو

يعطيك الصحة نفس طريقتي بالضبط في اللحم
اما القسبر بعدما ينشف نديروا في طرشونة خشينة باش مايفسدش و تحكملي مدة طويلة
مبارك عليك الشهر انت وعائلتك

Wunderbare fehlt · 2013-07-09, 15:10

يعطيك الصحة يا فحلة انا مزاااال ههههههههه
بالاك مبعد ولا

خديجة ام صالح · 2013-07-09, 15:12

عطيك الصحة

oum abderrahmene · 2013-07-09, 15:37

شكرًا لك، أنا مازال ما قضالي راجلي راني غي قاعدة !!
المعدنوس أنا نغسلو و نخليه ينشف و نديرو في علبة

soriaalg · 2013-07-09, 15:48

بارك الله فيك صحا رمضانكم

رحمة من المولى · 2013-07-09, 15:50

يعطيك الصحة حنوووووووووووووونة

أم ماجد · 2013-07-09, 15:52

فحلة با ام اماني انا حضرت كل شئ نهار السبت لكن للاسف ماانتبهتش نصور خبيت اللحم كيفك والدجاج قطع في الصاشيات وقضيت اللوازم الضرورية والحمد لله

ام طيري الجنة · 2013-07-09, 15:58

اما انا عزيزتي فقد نظفت القصبر والمعدنوس والكرافس ووضعت كل واحدة في بوقال زجاجي محكم الاغلاق دون غسلهم لاحافظ عليهم اطول مدة ممكنة
ثم طيبت الخضار واللحم نتاع الحريرة وطحنتها فحصلت على بيون نتاع 4 ايام وضعتها في علب في الكونجيلاتور اما التي ساحتاجها غدا باذن الله فقد وضعتها في الثلاجة في الاسفل وغدا ان شاء الله اتمم تحضيرها
ثم شويت الفلفل وحضرت البوراك نتاع 3 ايام ووضعته في المجمد و الكمية الخاصة بيوم الغد ان شاء الله وضعتها في الثلاجة
اما اللحم فقد قسمته الى قطع حسب الحاجة لان عائلتي صغبرة اما يوم اللي يكونو الضياف اضاعف عدد الاكياس المستخرجة من المجمد
وهذه تحضيراتي وهذه اول مرة اقوم بالتحضير المسبق
رمضانكم كريم وكل عام وانتم بالف خير وتقبل الله منا ومنكم

ikhlasse25 · 2013-07-09, 16:04

يعطيك الصحة اختي ما شاء الله عليك وعلى زوجك

ام رميساء · 2013-07-09, 16:23

تسلم ايدك يا الشاطرة و رمضان كريم

غزة في عيوني · 2013-07-09, 16:37

الله يعطيك الصحة انا حضرت طاجين الحلو وراني رايحة نحضر العجينة المورقة وخبيت اللحم كيما انت نفس الطريقة واشنو انا نحط كل مورسو وحدو من بعد كي يتكونجلا نحطهم في سواشي ونغلق عليهم والجاج نفس الطريقة
رمضان كريم للجميع

ام اجياد · 2013-07-09, 17:11

ماشاااااااااااااااااااااااااء اللتبارك الله عجبتني خدمتك نضيفة ومتقوووووووووووووووونة والباقي كلشي ندير كيفك والدبشة نحيلها الاغصان نتاوعهاو يبقاو لورق نديرهم في صاشي وننسفها تبق جديدة