عاونوني راني كرهتتتت

[رحيل الجزائرية]

السلام عليكم
خاوتي انا علمية فوت الباك مرتين وماديتش ونفس المشكل نخدم وممبعد نلقى روحي راسبا
نصحوني قالولي دي9رادي ادبية
واش بالكم انصحوني بلييييييييييييييييييييييييييييز اني حصلت
انا راني ضعيفة فالفرنسية والانجليزية
والفلسفة باينة ماشي كي العلميين
هاد المرة ديت 10 فالفرنسية
والانجليزية 7

[عادل190]

أسأل الله لك النجاح في السنة المقبلة-

[bella12]

ربي ينجحك
ان شاء الله
و عسى ان تكرهو شيأ و هو خير لكم

[kawtar koukou]

اصبري ولا تياسي ابدا قوي ارادتك وستدرجين ان شاء الله ضمن قائمة الناجحين

[hamza touazi]

اختي فاللغات راكي مليحة لانو اغلب الادبيين يدو تحت المعدل انا ادبي والفلسفة لازم تهرطي بزاف وتعمريلهم الورق شوفي نتي ادا تقدري للحفيظة تاع الاجتماعيات والعربية والفيلو هما الصح

[lamia_23]

السلام عليكم
انا عن نفسي اقعدي علمية احسن وننصحك ديري دروس خصوصية برك وربي يكون معاك
انا ادب وفلسفة عاودتي 2 مرات والعام ادا وين نجحت التالت ولازم في الادب وفلسفة تحفضي وتفهمي ياسر
ومينجحوش الادبيين راكي شفتي اختي والراي رايك ربي يكون معاك وينجحك ان شاء الله

[رحيل الجزائرية]

شكرا خاوتي بارك الله فيكم

[Al-Wassim]

غير شعبة الادب متقدميهاش
لا مستقبل فيها
مجهود اكثر فقط وتنجحي ان شاء الله

[Assouma 93]

nans7ak bel philo madamek faible f les langues et bon courage

[hamza touazi]

ربي معاك اختاه انا تان منجحتش راح نهبل

[lynoor]

نصيحتي ماتبدليش الشعبة العلميين عندهم فرص في تكوينات عديدة زيدي عاودي الباك وربي يوفقك

[hadjer hadjora]

ana pour moi eb9ay sientifique khir o siyi e9ray b1 math physique sience mahmch s3ab bzf 7eti rasek berk
o nes2al elah etawfi9 nchlh

[ابن باديس سنة]

السلام عليكم ورحمة الله وبركاته

انظري إلى القمم وحلقي بعيدا لاتلتفتي إلى الخلف ركزي جيدا المواد التي أنت فيها متفوقة لاتركزي عليها كثيرا ابدئي من اليوم في التحضير الهمة العالية والتوكل على الله القدير والتقوى والخوف من الله والتضرع له آناء الليل واطراف النهار إذا كنت قوية في الأدب والفلسفة والتاريخ فسجلي أداب أما إذا كنت في الرياضيات والعلوم والفيزباء فسجلي علمية والله الموفق

[أمال123]

حنونتي ننصحك تكملي في شعبة العلووووم بيسك كن تدلي تولي تعاودي من جديد القرايا أم دوكا زيدي بازي غير على النقائص نتاوعك مثل الفلسفة و الإنجليزية و ان شاء الله ربي يوفقك أختي
و اذاا مزالك متردااااا صلي صلاة الإستخارة و ان شاء الله يكون معاك

[صقر الشرق]

المشاركة الأصلية كتبت بواسطة رحيل الجزائرية

السلام عليكم
خاوتي انا علمية فوت الباك مرتين وماديتش ونفس المشكل نخدم وممبعد نلقى روحي راسبا
نصحوني قالولي دي9رادي ادبية
واش بالكم انصحوني بلييييييييييييييييييييييييييييز اني حصلت
انا راني ضعيفة فالفرنسية والانجليزية
والفلسفة باينة ماشي كي العلميين
هاد المرة ديت 10 فالفرنسية
والانجليزية 7

يا أختي الكريمة أنت الآن تمرين بنفس الحالة التي مررت بها ......عقبت الباك مرتين وما جبتوش malgré كنت نقرا مليح وموجد روحي bien للباك العام لول جبت 9.28 والعام الثاني جبت 9.98 يعني بإختصار ماكانش كاتب يأست وقلت الباك هذا مانزيدش نعاودوا خلاص...ومع الوقت بدلت راي وعاودتو ليبر وفي نفس الوقت مركيت في باكالوريا جامعة التكوين المتواصل ا والحمد لله ديتهم في 2 واحد ب11 ولوخر ب12.27 وذرك راني متخرج بليسانس قانون أعمال وماستر لغة وأدب عربي وعمري لا يتجاوز 25 سنة . ودرست في إكماليات وإبتدائيات كأستاذ مستخلف.........................بإختصار يا أختي ما تيأسيش من رحمة ربي الخالق عمروا ما يضيع بالاك العام هذا تجيبيه بمعدل كبير. وفي ما يخص تغير الشعبة أأيدك في هذا ولا تخافي من الفلسفة راهي حفاظة برك يعني كوبي كولير وبرنامجها ماشي طويل ياسر مايخلعوكش ماكان ماكان وفي ما يخص الفرنسية والأنجليزية مايهموش اأنا ديت في الفرنسية 7 والأنجليزية 5 وفي الفلسفة14.5 وفي اللغة العربية 14 وفي التاريخ والجغرافيا 11 وفي الرياضيات 17 وفي الرياضة 18.25 وجبت الباك ب 12.27 المهم أنت عملي على ربي وعاوديه. صديق درس معي يكبرني ب6سنوات كان علمي وغير للأدبي ودا الباك وكان من الأوائل في الجامعة . بالتوفيق وبربي العام الجاي تفرحينا بخبر نجاحك يا رب أنت وجميع الأشخاص الي محالفهمش الحظ