ديري دقيق متوسط حسب الكمية المرغوب فيها شوية ملح وبليها بالماء دافيئ واعجينها ملييييييح وخليها ترتاح قدر ربع ساعة
في هذاك الوقت كانت عندك روبو قري البصل وقطعيه والفلفل الحار والحلو وارحيهم فيه تو يتقطعولك رقاق والا قطعيهم بالموس عادي وحطيهم في مقلة مع شوي زيت على نار قليلة حتى يذبالو
ارجعي للعجينة ادلكيها مليح مليح وكي تشوفيها تعجنت وبياضت ابداي زيديها بالشوي في الماء حتى توليلك لينة يعني قدر 3 مرات والا 4 في صينية مدهونة بالزيت شكليها كويرات وخليها تزيد ترتاح مليح كان عندك البلاستيك غطيها
ارحي الطماطم الحب وصبيها على الفلفل والبصل وديريلها شوي توابل مع الثوم مدقوقيق وضيفيهم وديري الا حبيتي نص مغرفة نتاع طماطم مصبرة وشوي هريسة وخليها طيب مليح ومن بعد طفي وما تنسايش الملح وخليها تبرد
الا تحبي طيبيها على الريشو والا الكويزنيار باش تجيك اسهل حطي مقلة تيفال وعلى نار تكون شوي متوسطة خليها تسخن
ادهني صينية والا الرخامة بالزيت وابسطي حبة العجين حتى تتحل مليح اطوي الجيهة اليمنى للوسط والجيهة اليسرى كذلك يعني يتحطو فوق بعضاهم حطي الخلطة فيهم ومن بعد رجعي عليهم الجيهة العلوية والجيهة السفلية وحطيها طيب وقلبيها على الجيهة الاخرى
وبالصحة والهناء
ان شاء الله منكونش طولت عليك وفهمتي طريقتي
( تقرير عن مشاركة سيئة )، و الموجودة أسفل كل مشاركة .
2013-06-29, 21:25
عاجل
العرض العادي
