إليكي عزيزتي sonia 13 وإليكن أخواتي أخواتي وصفة palmier بالخطوات من مطبخي

oum anas 69 · 2013-06-20, 10:18

السلام عليكم
صباح الخير على عزيزاتي حبيباتي في قسم الطبخ
كنت شفت طلب أخت sonia 13 لوصفة palmier و كانت تحوس عليهم بالتفصيل الممل فحبيت نلبيلها الطلب فعملتهم البارح و صورتهم و جبتلكم حتى أنتن أخواتي تتعرفو على الطريقة الصحيحة هكذا تتعلموهم و تعملوهم لعائلاتكم و أحبابكم و تفرحوهم و تستمتعوا بطعمهم اللذيذ و الهش و المقرمش في نفس الوقت
المقادير سهلة نحتاجو عجين مورق ، سكر عادي، كيس فانيليا هذه إضافتي ممممممممم

نخلط السكر مع الفانيليا مليح

نرش سطح الطاولة بالسكر و نضع العجين و نزيد نرش عليه و نبدأ نحل بالحلال و في كل مرة ندخل السكر لي على الطاولة حتى نتحصل على مربع هكذا

ثم نبدأ نطوي و لكن على شكل طيات متساوية و نبدأ بجهة و نزيد نطوي الجهة الأخرى يعني مرة بمرة أوكي لاحظو كيفاش

حتى نوصلو للمنتصف و لازم يكون عدد الطيات متساوي

نزيد نحطهم فوق بعضهم هكذا و نقطع بواسطة سكين بسمك 1.5 تقريبا أو 2 سم
بصح حذاري تقطعوا غطاء الطاولة ههههههه مادروش كيفي و إذا تقطع أنا خاطيني هههههههههه المبتدئات أنزعوا غطاء الطاولة ... راني حذرتكم

رايحين تتحصلو على هذا الشكل ..... إنتباه هنا

نقرص هنا مليح

ونزيد هنا

ونزيد هنا

ستفيهم متباعدين خطرش يتنفخوا ممبعد في الطياب و دخليهم الفرن على نار هادئة باش مايتحرقوش بسرعة بلا مايطيبو ....كي تشوفيهم حماروا من تحت أقلبيهم بالشوكة و حذاري السكر يحرق يديك خطرش يذوب

و هكذا حتان يكملو الطياب و قدميهم لعائلتكي

نتمنى تجربوهم لأنهم رائعين بنتهم عجيبة قرمشة و هشة و الحلاوة و الفانيليا ممممممممم
ممكن تعملو كمية كبيرة و حطيهم في علبة معدنية باش مايفقدوش القرمشة و رايحين يحبوهم الأولاد كثيرا و ملاح لسهرة رمضان مع الأحباب
و كيما شفتوا عزيزاتي ساهلين ماهلين مافيهم والووأنا نقولكم ماتزيدوش تشروهم
و ماتنساوش دعيوة خير لبيتي و أهلي و لوالديا خاصة بالشفاء العاجل

SarSouRa28 · 2013-06-20, 10:29

يشرفني نكون اول وحدة ترد عليك حبيبتي

مبدعة كالعادة وقيلة راني رايحة نرحل لليون غير على جال الماكلة تاعك

نجي قريبة ليك بلاك تتفكريني مرة على مرة

ربي يهنيك ويحفضلك رالك ولليداتك

oum ibrahim · 2013-06-20, 10:35

يعطيك الصحة يا الغالية روعة طريقة سهلة و متحوفة

أم عامر · 2013-06-20, 10:41

بارك الله فيك لاهتمامك و مساعدة الغير
ربي يجازيك كل خير

تغرينية · 2013-06-20, 10:42

ماشاء الله شكرا

linat · 2013-06-20, 10:45

رووووووووووووووووووووووووووووووووووووعغة
اممممممممممممممممممممممممممممممممممممممممممممممم
شهتيني
جزاااااااااااااااااااااااااااك الله خيرااااااااااااااااااااااااااااااااااااااااااااااا ااااا

بشرى2008 · 2013-06-20, 11:52

بارك الله فيك

maiar · 2013-06-20, 12:11

يعطيك الصحة

شوق وحنين الى الجنة · 2013-06-20, 12:32

يعطيك الصحة جاوك هايلين ربي يحفظك و يحفظلك اولادك ووالديك

ladymillion · 2013-06-20, 12:36

معرفتش وشنقولك يا أم أنس الله يجازيك كل خير والله عجبوني وعجبتني الطريقة انشاء الله نجربهم راني جربي بوتي فور جا رووووووعة راني راح نحطو في التطبيقات وصفاتك كامل هايلة

staifia · 2013-06-20, 13:44

يعطيك الصحة اختي يهبلو
كي شفت العنوان قلت ندخلو نشوفو هادي palmier كيفاش دايرة
ما تضحكيش عليا موالفة ناكلهم نشريوهم بصح والله ما نعرف اسمهم ههههههههههههههههههههه ناكل برك
شكرا ع المعلومة و الطريقة
لكن قوليلي العجينة المورق شريتيها ولا خدمتيها

hanane220 · 2013-06-20, 13:57

رائعة يا حبيبة بركة الله فيك على وصفة انجربها عن قريب

sidali 2007 · 2013-06-20, 14:28

يعطيك الصحة روعة مبدعة كلعادة والله نستني دايما كشما تحطلنا ههههه نطبق دركت

أنآحلُم · 2013-06-20, 17:10

ماشاء الله درتيهم روعة مراة ونص ام انس ديما نستنى جديدك

soriaalg · 2013-06-20, 17:23

روعة روعة روعة ما شاء الله عليك ام انس الفنانة