دبروا عليا واش نلبس

[angel_girl]

صباح الخير عليكم
اليوم حبيتكم الدبروا عليا راني معروضة عند لا فامي ديال راجلي ولدهم ربح شهادة التعليم الابتدائي وراهم دايرين عرضة المهم راني حايرة واش نخيط أنا عادلي عام ونصف زواج و مع الظروف مانروحش بزاف للمناسبات كي يعرضوني و ذكا حرت واش نلبس المناسبة بسيطة يعني نخيط جية بالميكرو شارجي ةخلاص ولا نخيط قفطان سامبل بالسروال والله راني حايرة العرضة راهي نهار السبت يالا دبروا عليا
مع العلم أنا خياطة وعندي الميكرو و البتي فيل

شوفو مابين هادو الموديلات وقولولي أناهو المودال الأنسب لمناسبة كيما مع العلم بلي لاتاي تاعي مليحة 42 نلبس و الي عندها فكرة خلاف تقلي

[l'imperatrice]

انا رايي تلبسي منصورية خفييييييييييييييييييييييفة وسامبل خلاص ولا قندورة يكون القماش تاعها مليح تاع مناسبات

[زكرياء امين]

صباح الخير اختي.انا ندبر عليك تلبسي حاجة خفيفة كيما هاديك العنابي ولا الزرقة بالبرتقالي انا عجبوني خيطي ليك وحدة و وحدة ليا لتاي تاعي كيما تاعك.نتمنالك حفلة ممتعة

[crystale49]

انا من راي البسي حاجة خفيفة لانو المناسبة ماهيش كبيرة و شكرا

[terrou]

اختي البسي حاجة تكون شابة و جلية على لاتاي تاعك ماتكونش خفيفة و تاني ماتكونش شارجي ياسر راكي مازالك عروسة و كيما تقولي ماتروحيش لاهل زوجك بالاك هدي المناسبة الاولى الي تحضريها ما يهمش واش هي المناسبة صغيرة ولا كبيرة لازم تكوني كالعروسة

[la charmant]

انا رايي تلبسي التالي قاع شباب هايل

[سليلة ذات النطاقين]

البسي قندورة ميكرو

[زكرياء امين]

وينك وين رحتي؟

[نورسين سوف]

البسي الاخييييييييييييييرة

[غزة في عيوني]

عجبتني الاخيرة هايلة وسامبل

[immunobiologie]

أنا عجبتني الأخيرة لأكن ديريلها كمامات كروشي ، كيما قالت الاخت المناسبة صغيرة بصح ركي عروسة لازم حاجة نص نص ماشي ثقيلة ولا خفيفة و باهية و الله يسهل

[الروح الطيبة.]

البسي قندورة ميكرو

[سمية محمد عطية]

المناسبة راهي صغيرة بصح انت لعروسة وكل العيون عليك اختاري روبة فرنسيس طويلة وشيك او تكون شوية قصيرة برك تحت الركبة بشبر معاها لي اكسسوار انتاعها بدون مبالغة بزاف

[souraia7]

ألبسي الزرقاء أتهبل

[*منى*]

ان رايى الثالثة روعة مع زديها شوي حطة دهب او اكسسوارات وماكياج تجى فور خاصة وانت مازالك عروس العيون تترقبك واش تلبسي وصح العرضة مقدما