3> Les crèpes**Les crèpes مالحين من مطبخي

ladymillion · 2013-06-05, 14:06

أهلا بيكم اليوم تحياتي من مطبخي أتيتكم اليوم بمقبلة الكريب نوريلكم بعض من طرق تقديمها لي موالفة نديرها أنا حبيت نفيدكم بهذه الافكار البسيطة ونتمنى تعجبكم مع أن رمضان الكريم على الابواب جربوها الوصفة في هذا الرابط لان درتهم حلوين المرة السابقة

https://www.djelfa.info/vb/showthread.php?t=1316328

راح نعطيك طريقة التحضير والحشو كيما تحبي ديري فيهم واش عندك OK

1/ كريب بشكل المول :

خذي حبة كريب ومول نتاع حديد كيما لي في الصورة لبسي حبة الكريب على المول بشرط لازم تكون قاعدة أخرى تحت المول باش تعليه ومتخليش الكريت تلصق في الصينية أنا درت لي مول صغار فوق بعض باش علا شوي ودهنيها بالمارغارين ذائبة وزيدي حطي فوقها مول آخر لأخذ شكل المول

وشعلي الفرن من تحت يسخن بعض الوقت 180° وحطيها باش تحمار شوي وهي راح تأخذ شكل المول خليها تتحمر من بعد طفي خرجيها انزعي المول لي فوق وعاودي دخليها تتحمر من فوق لمدة 3 د وهاهي بعد ما طابت

الان قدمي فيها سلطة أو لحم مع بطاطا فريت كيما تحبي أنا درت فيها شلطة عادي وصوص بيشامل مع الطون من فوق

الطريقة الثانية سهلة جدا
ضعي كمية من الجبن وحشوة اللحم لي تحبي والصور تتكلم ههههه

كملي روليها وحطيها في صينية مدهونة بالمارغارين

3/ كريب الرزيمات :
نفس الحشوة ولكي الاختيار الحشوة تكون في الوسط واحكمي اطراف الكريب كلها كي الرزمة وعقديها بورف الالمنيوم طرف صغير برك

4/ كريب مثلث:
أطوي حبة الكريب كيما في الصورة

هزي الشوكة اليمنى السفلية وطبقيها بشكل مستقيم كما في الصورة

زيدي طبقيها للفوق وراح يكون جيب كيما راهو باين في الصورة هنا راح نحطو الحشوة ويبقى طرف صغير نزيدو نطبقوه باش يتغلق المثلث

حطيهم في الصينية مدهونة بالمارغارين ودهنيهن من فوق بالبانسو بمارغارين ذائبة وحطيهم في الفرن سخون 180° لمدة 15د من تحت وزيدي شعلي الفرن من فوق يحمارو شوي وخرجيهم

ها هم جاهزين

وهاذا مجهودي لليوم نتمنى يعجبوكم وتكونة استفدتم من موضوعي لكم مني تحياتي ودمتم في حفظ الله تعالى

اللهم صلي وسلم وبارك على سيدنا محمد

بثينة 123 · 2013-06-05, 14:11

بارك الله فيك اختي شابين بزاف يعطيك الصحة

أم سيرين3 · 2013-06-05, 15:43

وعليكم السلام ورحمة الله
ربي يجازيك كل خير ،المزيد من التألّق.

sissou nrdn · 2013-06-05, 15:50

افكار جميلة و انيقة ...............دمت لنا

HADIL2044 · 2013-06-05, 15:52

يعطيك الصحة
مشكووووووووووووووووورة

مونيا غنية · 2013-06-05, 19:23

بارك الله فيك اختي 444444444444444

miss_santarnou · 2013-06-05, 19:23

بارك الله فيك

Oum yousra · 2013-06-05, 22:55

يعطيك الصحة يا أختي علا المجهود و علي هاد الكيفية الرائعة راهي تشهي و حبيت نسألك علي سر نجاح les crêpes لأنني جربتهم وماصلحوليش جاوني يابسين وشكرا

ladymillion · 2013-06-05, 23:25

اقتباس:

المشاركة الأصلية كتبت بواسطة Oum yousra

يعطيك الصحة يا أختي علا المجهود و علي هاد الكيفية الرائعة راهي تشهي و حبيت نسألك علي سر نجاح les crêpes لأنني جربتهم وماصلحوليش جاوني يابسين وشكرا

والله يا أختي أنا عطيت الوصفة صحيحة والله يعلم بيا نعطيك 2 نصائح وانشاء الله يصلحولك
1 / من الاحسن من الاحسن تشري مقلاة المخصصة للكريب مع انني انا نستعمل المقلاة العادية
2/ وجدي صحن وحطي فوقو منشفة نظيفة نتاع الكوزينة لما طيبيهم حطيهم فوق المنشفة وخطي عليهم راني قلتها في الوصفة متخليهمش معرضين للهواء هكا يبسولك ولما تحبي تحتفظي بيهم في الثلاجة كذلك خليهم في المنشفة مغطيين وزيدي غلفيهم بكيس بلاستيكي يبقاو كيما راهم
ويارب يوفقك فيهم وأي سؤال راني هنا