حابة نعاون خطيبي

[مشكلتي]

السلام عليكم ورحمة الله وبركاته
خطيبي عندو دين وملزوز لازم يسلكو.هو الصراحة مستحيل يحكم من عندي دراهم لكن انا حبيت نعاونو ونبعث الدراهم لماماه وهكا تتحتم عليه يحكمهم.وان شاء الله يحكمهم.
لكن مشكلتي انا حابا نبيع 2 لويزات مشبكين يجيبولي 4-5 ملاين ومالقيتش كفاه نقول لماما حشمت منها وجاتني صعيبة باه نقوللها.ماما ماعندهاش مشكل نعاونو مي مشكلتها كفاه نبيع حاجة من ذهبي ... وانا نوجد في روحي باه نزيد حاجة نولي نقص.
عاونوني كفاه نقولها.

[سراب06]

عاونيه بعدم تكليفه فوق ما يستطيع من مهر وتكاليف الزواج حتى أصبح في الحالة إلي راهو فيها تنازلي عن بعض الأمور في التجهيز وقوليلو يبيعها ويسلك دينه فرج الله همكما
لاتعوديه من الآن في بيع ذهبك حتى لايتعود الإتكال عليك أتركي هذه التضحيات إلى مابعد الزواج
هناك أنت زوجته وعليك الوقوف إلى جانبه

[ام ايمان16]

اختي من رايي ذهبك ماتبيعيش منو حتى حاجة انتي واهلك تعبو باش داروهلك وماتعرفيش الزمان واش راه مخبيلك
لانو كاين بزاف نسا يحبو يعاونو خطيبهم اوازواجهم لكن للاسف نجد بعضهم يستمرون فقط بالاستغلال للمراة بقول (ماعنديش )حتى ولو كان عنده يقولها (معنديش)
وهذي حقيقة تعيشها بعض المتزوجات خصوصا العاملات فنجد ان ازواجهم يستغلونهن في تسديد ديونهن وكانهم مجبرون على ذلك دون رد الجميل اليهن وحتى ولو بكلمة طيبة
وبكون الرجل طبعا لايخبر امراته حالة وضعه المالي الحقيقي فيكتفي دائما بقول(مازال عندي الدين .........؟)
وهنا احتمالين ممكن يكون صادق ممكن يكون يتلاعب بعقل بزوجته حتى لاتطالبه بشيء؟


اختي واذاكنتي حابة تعاوني خطيبك فبمكانك ماتطلبيش مهر او شروط اخرين منو وانتم تستكلفو بمستلزماتك كلها

وان شاء الله خطيبك يكون من النوع المُقدر لماتفعليه لاجله
ربي يعطيك على حساب نيتك ويسعدك في حياتك

[naiilia]

انا رئيي من رئي الاخت سراب نقصولو من الشرط واصبري عليه حتى يخلص دينوا واياك اتبيعي ذهبك بلا علم ماماك

يا بنتي مازال القدام ويحتاجك راجلك وتوقفي معاه بصح ماشي من ذرك مازال قدامكم دار وولاد ومسؤولية كبيرة خلي انتروحي الدارو

[أمة الله 12]

رأيي من رأي الاخوات, بيع ذهبك و اعطاء المال ليس محمودا على الاطلاق في هذع الفترة

يمكننك مساعدته بتخفيف من متطلبات زواجكما و دعوة الخير ليس الا

[أمآآآآني البنفسج]

إن كان خطيبك من النوع الذي ذكرتي فلا أنصحك بأن تعطي المبلغ لأمه

فهنا لن يتقبل منك هذا الموقف

نصيحة فقط أختي هو رجل و يعرف كيفية التصرف

لذا فلا أنصحك ببيع ذهبك و كما قالت الأخت عاونيه بتخفيف التكاليف عليه

[imi02i]

الرجل الحقيقي لا يراها مساعدة بقدر مايراها إهانه لا سيما وأنكما لا زلتما في فترة الخطوبة
يمكن أن تساعديه بهذا الأمر بعد الزواج حيث لا دخل لأي أحد بأموركم الخاصة
هذا إذا كان يقدر حقا مساعدتك له
ولا تبالغي أيضا في المساعدة

[jihanne]

الخطبة لا تعني دائما الزواج.....عندك تتشوكاي
+
ولفيه تبيعي و ربي يهدي ما خلق

[lolo mimi]

انا رئيي من رئي الاخت سراب نقصولو من الشرط واصبري عليه

[سماح 2]

والله في رأي لا تبيعي دهبك

اداا كنت ع ابوااب الزواج دعيه عسى ا ن حلاا لمشكله

فمادا ان بعت دهبك قبل الزواج و انتهت ديونه

ورمااك ولم يتزوجك

الله يععلم

[mdldhx]

انا رأي اخطيك و شدي ذهباتك لانك ريحا تفتحي ابواب على نفسك و تولفي الراجل و يصبح اتكالي يشوف ديما لك تساعديه و صدقني اذا بعت مرة من حوايجك عمرك ما تعوضيهم و عمر ماراح يردهملك على بالي بلي حبا تظهري امام بلي راكي مرة و نص عند الحاجة مي مش رجالة هذا الوقت لتوقفي معهم هذا الموقف نصيحتي لك طنشي مركيش مسؤولة على دينو انتي ثاني رها لحقاتك امور كثيرة زيدهم في عمرك بالك ثم بالك تبيعي حوايجك هذا من تجربتي .

[doba]

ربي معااااااااااااااااااك

[حميد.ص]

بارك الله فيك على المبادرة الطيبة أختي الكريمة.......

[نورسين.داية]

السلام عليكم

الخطبة عزيزتي في التعريف القانوني هي مجرد وعد بالزواج ....يجوز للطرفين العدول عن الخطبة
إذا ترتب عن العدول عن الخطبة ضرر مادي أو معنوي لأحد الطرفين جاز الحكم له بالتعويض
لا يسترد الخاطب من المخطوبة شيئا مما أهداها إن كان العدول منه و عليه أن يرد للمخطوبة مالم يستهلك مما أهدته له أو قيمته .
و إن كان العدول من المخطوبة فعليها أن ترد للخاطب ما لم يستهلك من هذايا أو قيمته
طبقا لنص المادة 5 من قانون الأسرة الجزائري
أنتي عزيزتي سوف تسددين دين بدون وثيقة تثبت دلك ...................تذكري هذا جيدا ......................

و إذا حبيتي تمشي بالنية .................المغلفة بغلاف الإتكال على الله .......و نسيان أو إغفال إعقلها و توكل .....أو خدوا حدركم ...........أعطيه ...و زيدي بيعي كل ما تملكين ...........................ماش خسارة فيه .......................و شوفي واش إجيك منو

والله صح نحن لا نتعلم ...............

وفقكي الله أختي

[صالح القسنطيني]

السلام عليكم

هو ليس زوجا لك حسب كلامك فهو خطيبك و فقط لهذا فلا تعيننيه