هدا الشهر تتغير حياتي - اريد نصائح -

[ilyasoV]

العام نتخرج انصحوني واشندير
نتخرج في جوان

قالولي كاين طريقة تجيب بيها الدراهم بلا ماتخدم - مانعرف انضن عقود ماقبل التشغيل -

انصحوني الله يخليكم

[*تسنيم*]

باش جيب الدراهم بلا ماتخدم لازملك تطــــــــــــلب...
ولاكان حاب الجيبهم بعقود ماقبل التشغيل و القعاد نقولك في هد الحالة الدراهم لي تديهم حـــــــــــــــــــــــــــــرام.
اما نصيحتي ليك لازم تسعى .حوس علي كونكور وحط لي cv تاعك في الشركات العمومية والخاصة واطلب ربي وربي يوفقك.

[صاحب الامل]

المشاركة الأصلية كتبت بواسطة صافينيزا

باش جيب الدراهم بلا ماتخدم لازملك تطــــــــــــلب...
ولاكان حاب الجيبهم بعقود ماقبل التشغيل و القعاد نقولك في هد الحالة الدراهم لي تديهم حـــــــــــــــــــــــــــــرام.
اما نصيحتي ليك لازم تسعى .حوس علي كونكور وحط لي cv تاعك في الشركات العمومية والخاصة واطلب ربي وربي يوفقك.

[الحنان المفقود]

خويا عقود ما قبل التشغيل مش تاع قعدة وسلاك
لالا
تاع ذل وعبودية
والسلاك فيه يطول

[ilyasoV]

هههههه

لالا راح نقطع روحي في الشانطي
وزيد حرام ولا حلال هذاك حقي من الدولة يا خاوتي
- دولةمافيها حتى فايدة

[naiilia]

المشاركة الأصلية كتبت بواسطة ilyasov

هههههه

لالا راح نقطع روحي في الشانطي
وزيد حرام ولا حلال هذاك حقي من الدولة يا خاوتي
- دولةمافيها حتى فايدة

انت قريت اخدم بديبلومك واذا ماتوفقتش اسعى في اي عنل المهم تحدم يا خويا خدام الرجال سيدهم

[talents]

شكون اللي قالك عقود ما قبل التشغيل فيها القعاد و الله رانا نخدموا أكثر من المترسمين ، توكلل على ربي و حسن نيتك ربي يفرجها عليك و تاكل حلال ، ربي يوفقك و تلقى خدمة

[ilyasoV]

طيحتولي المورال والله

[الحنان المفقود]

المشاركة الأصلية كتبت بواسطة ilyasov

طيحتولي المورال والله

خويا نتا برك جيب الديبلوم تاعك وكل شي ساهل
إذا خلات خلاص
دير عقد أخدم بيه ف النهار
وف لعشية أخدم خدمة أخرى مش شرط شونطي لالا
أي خدمة أخرى مافيهاش بزاف تعاب .
نتا راجل تقدرلها مش كيفنا حنا

[soumi7]

المشاركة الأصلية كتبت بواسطة ilyasov

طيحتولي المورال والله

نظن راك تتمسخر او انك طفولي اسفة على هادي الكلمة اولا انت تتخرج في جوان الديبلوم تديه في اوت او سبتمبر هادي اللولا ثانيا عمال عقود ما قبل التشعيل راهم يخدمو اكثر مالعمال الدائمين + هادو العقود و ما يطيروكش لانك يلا كتبلك ربي واتخرجت لانك مزال متحرجتش و هادي دنيا مديرش عليها وعشنا احنا وياك راح تكون جديد ولانام راهي غالقة ومنظنش تفتح ولاداس تلقى الالاف حاطين ملفات قبلك وقاع يلا طارلك منصب رويلا عندك معريفة وتولي تخلص وماتخدمش فاذن بصحتك دراهم الحرام +المورال انت علاه طاحلك انت عمبالك تخرج تلقى الخدمة تقارع هادا واقع و الناس كامل علابالها بيه وراضية باي حاجة المهم تخدم وتجيب لقمة الحلال وكل واحد يتشرط على حساب مستواه وانت عل حساب الشوفة مكش حاب تتعب اذن انت طلع المورال لروحك ماشي الناس , تقبل مروري

[ilyasoV]

المشاركة الأصلية كتبت بواسطة soumi7

نظن راك تتمسخر او انك طفولي اسفة على هادي الكلمة اولا انت تتخرج في جوان الديبلوم تديه في اوت او سبتمبر هادي اللولا ثانيا عمال عقود ما قبل التشعيل راهم يخدمو اكثر مالعمال الدائمين + هادو العقود و ما يطيروكش لانك يلا كتبلك ربي واتخرجت لانك مزال متحرجتش و هادي دنيا مديرش عليها وعشنا احنا وياك راح تكون جديد ولانام راهي غالقة ومنظنش تفتح ولاداس تلقى الالاف حاطين ملفات قبلك وقاع يلا طارلك منصب رويلا عندك معريفة وتولي تخلص وماتخدمش فاذن بصحتك دراهم الحرام +المورال انت علاه طاحلك انت عمبالك تخرج تلقى الخدمة تقارع هادا واقع و الناس كامل علابالها بيه وراضية باي حاجة المهم تخدم وتجيب لقمة الحلال وكل واحد يتشرط على حساب مستواه وانت عل حساب الشوفة مكش حاب تتعب اذن انت طلع المورال لروحك ماشي الناس , تقبل مروري

يااختي نحوس ندي حقي من الدولة
مادارولي والو
كاشما نتفيدو في حاجة
وهادي مش حرام خاطر عييت ومبعد نلقى الحيط قدامي

انا مش نحوس نتعب ههههههههه

الديبلوم يسمى اديتو وفي جويلية كلا مت هداك قدر ربي - خاطر اك علبالك ادزاير العام الاخير قاع ينجحو -

نحوس نخدم خدمتين + مكانش اتعب من خدمة الشانطي

واعرفي كيفاه تهدري المرة جاية

[soumi7]

المشاركة الأصلية كتبت بواسطة ilyasov

يااختي نحوس ندي حقي من الدولة
مادارولي والو
كاشما نتفيدو في حاجة
وهادي مش حرام خاطر عييت ومبعد نلقى الحيط قدامي

انا مش نحوس نتعب ههههههههه

الديبلوم يسمى اديتو وفي جويلية كلا مت هداك قدر ربي - خاطر اك علبالك ادزاير العام الاخير قاع ينجحو -

نحوس نخدم خدمتين + مكانش اتعب من خدمة الشانطي

واعرفي كيفاه تهدري المرة جاية

دير في بالك اللي راهم اهنا كامل اقراو كيما انت انا عن نفسي قريت اكثر منك وقاسيت ماشي تعبت وكي خرجنا لقينا الحيط يعني انت ماك فايتنا فوالو هادي الولا اسلوبك في المطالبة بحقك كان نوعا ما مستفز خاصة في الجانب اللي استهزات فيه بالادماج او لربما التلميح الى ,,,,,,لا علينا ربما انا فهمت خطا
قريت اذن من حقك تخدم هذا لا غبار عليه لكن راجع موضوعك راح تلقى انك قلت راك حاب تخلص بلا ما تتعب حتى معظم الردود ركزت على هذا الامر انا رديت انطلاقا من هذا
اخيرا اسفة ان كنت تجاوزت حدودي اخي ولكن تاكد اني ارد وفق اسلوبك اللي كان حاد , تقبل مروري

[N.alger]

المشاركة الأصلية كتبت بواسطة ilyasov

طيحتولي المورال والله

خويا لازم تبدا حياتك بحاجة حلال ربي قالك توكل ولا تتواكل.....واللي تسميه حقك من الدولة هو تستاهل خدمة على حساب قرايتك بكرامتك ومن دون ذل او اهانة لكن اللي قالك عقود ما قبل التشغيل تاع قعاد كذب عليك اللهم اذا كانت عندو معريفة يخلص بلا ما يخدم هاذي كاينة ولكن دراهم حرام شوف حالتنا نحن نعرقو ونتعبو وماشي سالكين

[ameleco86]

السلام عليكم اخي لمادا انت متشائم انا من رايي انك تعمل احسن ودير النية وتثبت جدارتك ممكن يفتحولك بوست وتترسم لما يشوفوك انك كفؤ وشحال من واحد ترسم لما اثبت جدارتو وربي يوفقك

[sinopointic4]

اعطيناا التخصص كي نفيدك أخي ؟؟