الى و السطايفيةcronoو خياطات المنتدى

ANNA LEULMI · 2013-05-23, 14:50

مساء الخير نشالله راكم بخير علابالي بلي تاعبين على خاطر موسم نتاع خياطات مي انا حبيت نقصدكم في معاونة و طامعة في كرمكم راني شفت هذا المودال و عجبني بصح راه واسع بزاف من تحت حبيت نجرب طريقة الكلوش حسب ما شفتها في النات بصح القماش نتاعنا هنا في دزاير يجي ناقص عرض ما فهمتش كيفاه ندرلها نشالله تعاونوني حتى ترسمولي في ورقة الباترون ما عليش المهم تعطوني فكرة كيفاه يتفصل و تقبلو مني فائق الشكر و ربي نشالله يعطيكم واش تتمنو من و صحة و مال و هناءء و ذرية صالحة وصحة الوالدين نشالله يا ربhttps://im40.gulfup.com/XXGN4.jpg

ANNA LEULMI · 2013-05-23, 15:16

النجدة يا السطيفيية وينك انتم اهل سطيف كرماء ما تبخلينيش

crono · 2013-05-23, 17:36

أختي تقسمي tour des hanchesعلي 3.14

أو تقسمي le 1/3 du tour de taille +la longueur de jupe

أو حبيتي تفصلي la jupe double forme ou jupe soleil

tracez un carré ayant pour coté la longueur +le 1/6 du tour taille

wla mafhamtiche asabri 3liya wa narsamholak

زنجبيل11 · 2013-05-23, 21:03

صراحة ما نعرفش ان شاء الله يدخلو الي يعرفو

stayfiya · 2013-05-24, 00:33

ياحتي هاذوي شفت الموضوع انا فصلت كيف هذا بصح شريت 3 متر باش كفاني بشرط الكتان يكون بو عرضين يعني متر ونص طولو طبقي الكتان على 4 مثلث و تقيسي عرض الخصر و تقسميه على 4 و تزيديلو حق النقشات و تقطعي القرنية الفوقانية بشكل مستدير قليلا نشالله تفهميني

ام عدي · 2013-05-24, 00:59

عادي اختي الكريمة فصلي الامامي وحده كلوش والوراني وحده كلوش في هذه الحالة راح تجيك خياطة من الامام اذا كان معندكش مشكل في الخياطة من الامام قوليلي وراح نفصلك في الجرنال

ANNA LEULMI · 2013-05-24, 10:30

[QUOTE=crono;1052761613]أختي تقسمي tour des hanchesعلي 3.14

أو تقسمي le 1/3 du tour de taille +la longueur de jupe

أو حبيتي تفصلي la jupe double forme ou jupe soleil

tracez un carré ayant pour coté la longueur +le 1/6 du tour taille
نشالله تكوني بخير و شكرا على الرد نشالله يعطيك ربي ما تتمني ويعطيك صحتك و اسمحيلي في تعبك لو كان ترسميهولي تديري مزية

ANNA LEULMI · 2013-05-24, 10:36

اقتباس:

المشاركة الأصلية كتبت بواسطة stayfiya

ياحتي هاذوي شفت الموضوع انا فصلت كيف هذا بصح شريت 3 متر باش كفاني بشرط الكتان يكون بو عرضين يعني متر ونص طولو طبقي الكتان على 4 مثلث و تقيسي عرض الخصر و تقسميه على 4 و تزيديلو حق النقشات و تقطعي القرنية الفوقانية بشكل مستدير قليلا نشالله تفهميني

شكرا ليك على المساعدة بصح علابالك بلي مكانش القماش نتاع القنادر سرتو في المودال لي في الصورة بو عرضين الكل كيف بعض على هذيك ما فهمتش كيفماه تديري الكلوش و يجيك الفستان طويل لو كان تديري مزية وتفصليهولي في جرنال نكون ممنونة ليك واسمحيلي في تعبك مسبقا

ANNA LEULMI · 2013-05-24, 10:39

اقتباس:

المشاركة الأصلية كتبت بواسطة ام عدي

عادي اختي الكريمة فصلي الامامي وحده كلوش والوراني وحده كلوش في هذه الحالة راح تجيك خياطة من الامام اذا كان معندكش مشكل في الخياطة من الامام قوليلي وراح نفصلك في الجرنال

لو كان ديريلي مزية و تفهميني الطريقة نتاعو بالجرنال لو سمحتي راني نستنا فيك و شكرا على مساعدتك ربي يعطيك ما تتمني

ANNA LEULMI · 2013-05-29, 16:14

يا السطايفية الكل عاونتيهم غير انا ما كملتيش معايا راني زعفانة عليك زعمة شربت من عين الفوارة مي ما حبيتيش تستعرفي بيا ههههههه ديري مزية و فصليهالي في جرنال راني نستنا فيك في الليل كي عدت رئيسة الخفافيش ههههه راني نضحك برك تقبلي كل احترامي

stayfiya · 2013-05-29, 22:04

هاني جيتك وااش تحوسي واش هههههه شوفي ضك سور بلاس نفصلك في كتانة و شوفي

stayfiya · 2013-05-29, 23:35

واش كشما ساعدتك شوي ؟؟؟ غلابالك الصورة نتاعك راحت مشفيتش على الصدر كيفاش جاي

ANNA LEULMI · 2013-05-30, 12:30

.و الله يكتر خيرك وربي يعطيك ما تتمني و الله لا يطيحها بيك ونشالله ديمة عالية في السماء ضاوية ربي يخليك ويسترك و اسمحيلي في تعبك اذا واش كنت نحوس شكرا ليك حبيبتي هكا ناس سطيف تحيا البيضة و الكحلة هههههه

Abouali naima · 2013-06-04, 12:51

تتفصل كيما la robe cache cœur النصف السفلي en forme والفوقاني cache cœur

سهام الجزائر · 2013-06-04, 14:36

السلام عليكم

أن شاء الله يكون الشرح واضح

هادا المودال لازم يجي en forme
ديري حسابك TP و تهبطي من 10---12 سم و تقيسي دوران الخط الثاني

TOUR2 / 3.14

و الطول نتاع المودال = الطول الإجمالي نتاعك - 35 سم

و الطول على حساب واش باغيا ديريه قصير و لا طويل

وزيد في الجناب أطلعي من 3----4 سم

أمانة أدعيلي بالشفاء العاجل و ربي يصلحلي زوجي و يحفظلي أبنتي و قرة عيني