أرجــوووكـــم مــســاعــدة

Rabha winy · 2013-05-17, 19:47

أنــا أدرس عـلوم تـجريــبية و عندي مشكلة مع الفلسفة
ماني حافظة حتا مقالة , حفظت شوية مالدروس لكن راني خايفة
أرجوكم قولولي الطريقة الأمثل للفلسفة مانيش حابة نسمح فيها
و جزاكم الله خيرا

Remàn · 2013-05-17, 22:01

انا تباانلي بكري الصباح باه تحفظي وتعقلي على الحفظة وبالتوفيق

Imene1994 · 2013-05-17, 22:45

شوفي أختي انا في رأيي رغم أنو الكثير لي ما يوافقنيش فيه هو انو اقراي الدروس و افهميهوم مليح اومباعد احفظيهم اذا قدرتي و لازم ثاني تعرفي و تفهمي مليح المنهجية تاع الطرق مثلا جدلية و استقصاء .......الخ لازم تعرفيهم مليح وخلاص هاذي هي الطريقة المثلى لأنو طريقة حفظ الممقالت في رأيي ماعندهاش معنى لأنو آلاف المقالات المتوقع انو تجي .. شوفي انا ديت فالامتحان الأول 5 بصح فالثاني فهمت برك الدروس و الطرق و جبت 14 فما بالك اذا حفظتي الدروس راح تجيبي 17 كي والو
ربي يوفقنا جميعا

Rabha winy · 2013-05-20, 12:29

شــكرا جزيـــلا أخــتي ربي ينجحك انشاء الله

Rabha winy · 2013-05-20, 12:30

الله يحفظك

Intissar A · 2013-05-20, 12:42

اختي العزيزة انا راني مع ايمان لحفيظة اخطيك انا كنت نفهم الدروس ملييييييييييييح ملييييييييييح و الطرق اكثر
لانو الطرق هي القالب تلتزمي بيهم المقال يجي بالشكل و الموضوع المثاليين و بالاضافة للذخيرة تع المعلومات من ومن لازم تكوني تعرفي كلش الرياضيات المادة الحية المنطق الخ..........هكدا اختي تدي 18 لما لا انا هدي طريقتي ربي يوفقنا( بالاكي تحفظي الا اذا حررتي مقال خاص بيك فاي موضوع و حبيتي تحفظيه كنوع من الاضافة فقط) ربي يقدركم خياتي و ينجحنا كامل اسمحولي على الاطالة فالكلام....

iukamos · 2013-05-20, 13:52

مكاش حاجة يسموها الحفظ بالنسبة للطالب العلمي صدقيني وخيتي لوكان غير تفهمي المنهجية نتاع المقال ( جدل و الإسقصاء '' بالرفع والوضع '' والمقارنة ) وتزيدي شوي من معارفك تقدري تجيبي 13 ولا 14

الذكي يعرف كيفاش يدبر الامور في أقصر وقت

ربّ يوفقك