عملت ولم آخذ أجرتي

ketkouta · 2013-05-06, 17:59

السلام عليكم ورحمة الله
اخوتي الاعزاء من فضلكم انصحوني ماذا افعل
انا عملت كسكرتيرة ومعلمة في نفس في الوقت في مدرسة خاصة (مدرسة مصغرة لتقديم دروس الدعم) وبما ان عدد التلاميذ تراجع ارتأت صاحبة المدرسة إلى توقيفي عن العمل بحجة انها لا تملك المال الكافي لتدفع لي اجرتي (ولكن السبب الحقيقي غير ذلك تماما وماخفي كان اعظم) فتقبلت الامر بصدر رحب لانني كنت انوي ن اترك العمل قبل ان تقرر هي ذلك الا انها أبت ان تدفع لي أجرتي بحجة انني لا املك دليلا على عملي في مدرستها ولا يمكنني فعل اي شيء، مع العلم ان هذه الاستاذة اي صاحبة المدرسة وهي استاذة لغة فرنسية في إكمالية حكومية تعمل بطريقة غير قانونية اي انها لاتملك لا سجل تجاري ولا ترخيص ولا اي شيء يسمح لها بفتح المدرسة، فانصحوني من فضلكم ماذا افعل لكي احصل حقي
وبارك الله فيكم مسبقا

nouna l maghbouna · 2013-05-06, 18:21

وكلي عليها ربي

~~مراد12345~~ · 2013-05-06, 18:26

قولي لها أعطيني نقودي وإلا سأشتكي بك

ويوقفون لك كل شيء

أبو صهيب ناصر السنة · 2013-05-06, 18:32

السلام عليكم

هدديها بالشكوى الى مفتشية العمل.. القانون الجزائري لا يشترط العقد لاثبات علاقة العمل .. يعني لو أي شئ يثبت أنك عملت عندها حتى لو شهادة أولياء التلاميد ممن سجلوا في المدرسة.. ان كانت لا زالت تزاول النشاط فانها لن تغامر..لأن وضعيتها القانونية صعبة جداً.

ketkouta · 2013-05-06, 18:47

شكرا جزيلا على ردودكم
ولكن يا اخي هي عندها معارف بزاف وماتخافش اني نشكي بيها
قولولي وين جات مفتشية العمل انا من الخروب -قسنطينة

nouna l maghbouna · 2013-05-06, 18:54

اقتباس:

المشاركة الأصلية كتبت بواسطة ketkouta

شكرا جزيلا على ردودكم
ولكن يا اخي هي عندها معارف بزاف وماتخافش اني نشكي بيها
قولولي وين جات مفتشية العمل انا من الخروب -قسنطينة

يا اختي بمعارفها و الله ماعندك ماتديريلها الريح مايقيسهاش
وكلي عليها ربي
الدراهم يخلاصوا كلشي يخلاص العيب برك اللي يبقى
يكفيها راهي تاكل في دراهم حرام
و اتفكري: من ترك شيئاً لله عوضه الله خيراً منه

املي في ربي · 2013-05-06, 19:10

ربي يفرج عليك و يفرجك فيها

sali-sali · 2013-05-06, 19:13

روحي ليها وهديها..واعطيها درس في الاخلاق
+ اشكي بيها
ادا مكان والو
وكلي ربي
وربي يعوضك خير ان شاء الله

ketkouta · 2013-05-06, 19:23

اقتباس:

المشاركة الأصلية كتبت بواسطة nouna l maghbouna

يا اختي بمعارفها و الله ماعندك ماتديريلها الريح مايقيسهاش
وكلي عليها ربي
الدراهم يخلاصوا كلشي يخلاص العيب برك اللي يبقى
يكفيها راهي تاكل في دراهم حرام
و اتفكري: من ترك شيئاً لله عوضه الله خيراً منه

صدقيني اختي لعزيزة والله تساهلت مع الناس بزاف وتعاملت بحسن نية وبطيبة وباخلاص ودايما ياكلولي حقي ونقول ماعليش نوكل ربي
حتى مع هاد الاستاذة والله كنت نخدم فوق المطلوب مني في وقت العمل وفي خارجه ومانهدرش وفي الاخير ماخديتش ابسط حقوقي قال رسول الله صلى الله عليه وسلم: (أعطوا الأجير أجره قبل أن يجف عرقه)
وكلت ربي بزاف وسمحت في حقي بزاف ولكن هاد المرة حلفت مانسكتش ، ماشي على الزوج دورو اللي هوما حقي ولكن لاني تعبت من استغلال الناس، لانه ديننا عمره ما امرنا باش نتخلاو على حقوقنا ونخلو غيرنا يستغلونا ونوكلو ربي ونسكتو
اختي الكريمة، قال رسول الله صلى الله عليه وسلم: ((المؤمن القوي خيرٌ وأحب إلى الله من المؤمن الضعيف))
وانا هاد المرة توكلت على ربي وان شاء الله نكون من النوع الاول المذكور في الحديث الشريف,

ketkouta · 2013-05-06, 19:31

اقتباس:

المشاركة الأصلية كتبت بواسطة املي في ربي

ربي يفرج عليك و يفرجك فيها

امين يارب ربي يجازيك اختي العزيزة

اقتباس:

المشاركة الأصلية كتبت بواسطة sali-sali

روحي ليها وهديها..واعطيها درس في الاخلاق
+ اشكي بيها
ادا مكان والو
وكلي ربي
وربي يعوضك خير ان شاء الله

ان شاء الله يا ربي
يا اختي انا بعتلها رسالة وهددتها لكن مارحتلهاش لاني نحشم بزاف ومانعرفش نواجه ونفرغ اللي في قلبي وعلى هادا اداتلي حقي
انا يا اختي حابة نعرف كيفاش نشكي و وين نروح؟

nouna l maghbouna · 2013-05-06, 19:44

اقتباس:

المشاركة الأصلية كتبت بواسطة ketkouta

صدقيني اختي لعزيزة والله تساهلت مع الناس بزاف وتعاملت بحسن نية وبطيبة وباخلاص ودايما ياكلولي حقي ونقول ماعليش نوكل ربي
حتى مع هاد الاستاذة والله كنت نخدم فوق المطلوب مني في وقت العمل وفي خارجه ومانهدرش وفي الاخير ماخديتش ابسط حقوقي قال رسول الله صلى الله عليه وسلم: (أعطوا الأجير أجره قبل أن يجف عرقه)
وكلت ربي بزاف وسمحت في حقي بزاف ولكن هاد المرة حلفت مانسكتش ، ماشي على الزوج دورو اللي هوما حقي ولكن لاني تعبت من استغلال الناس، لانه ديننا عمره ما امرنا باش نتخلاو على حقوقنا ونخلو غيرنا يستغلونا ونوكلو ربي ونسكتو
اختي الكريمة، قال رسول الله صلى الله عليه وسلم: ((المؤمن القوي خيرٌ وأحب إلى الله من المؤمن الضعيف))
وانا هاد المرة توكلت على ربي وان شاء الله نكون من النوع الاول المذكور في الحديث الشريف,

اا اسمحيلي اختي الغلطة تاعك لازم تكوني قافزة فايقة شوي يعني علابالك بلي راهي تخدم تعمل بطريقة غير قانونية
و خدمتي عندها?
خمي بعقلك هاذي توصي للجاية
الخطرة الجاية اعرفي وين تخدمي و عند من
هاذي هي الدنيا العبد النية و العاقل يروح حقوا

ketkouta · 2013-05-06, 19:51

اقتباس:

المشاركة الأصلية كتبت بواسطة nouna l maghbouna

اا اسمحيلي اختي الغلطة تاعك لازم تكوني قافزة فايقة شوي يعني علابالك بلي راهي تخدم تعمل بطريقة غير قانونية
و خدمتي عندها?
خمي بعقلك هاذي توصي للجاية
الخطرة الجاية اعرفي وين تخدمي و عند من
هاذي هي الدنيا العبد النية و العاقل يروح حقوا

شوفي اختي اللي جرّب وش معناها يتخرج من الجامعة ويقعد في الدار 5 سنين يعرف (très très bien) علاش قبلت خدمة كيما هادي ... وفي هاد الحالة مايفيدك لا عقل لا قفازة و فياقة

آمِيْرَتُه · 2013-05-06, 19:52

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

ketkouta · 2013-05-06, 19:53

اقتباس:

المشاركة الأصلية كتبت بواسطة nouna l maghbouna

هبلتي? Jamais تبعثي رسالة تهديد لاي واحد

لالا ماتخافيش انا تاني مابعتلهاش تهديد بالقتل هههههههه قلتلها برك باللي ملازمش تحقرني بزاف لاني قادرة ندير عفايس بزاف

ketkouta · 2013-05-06, 19:56

اقتباس:

المشاركة الأصلية كتبت بواسطة الاميرة منيني

مدام معندهاش سجل تجاري متقدري ديريلها والو تقدر تبلعط في البلاص
نقولك روحيلها هديها ممكن تعطيك حقك و إذا معطاتكش حقك وكلي ربي

شكرا جزيلا اختي
بصح مانقدرش نزيد نروحلها باسك خرجتلي للعيب وانا راني نطلب في حقي ماشي في الصدقة