الله يعطيها ما تتمنى اللي تعاوني

الصمت حكمة · 2013-05-02, 17:32

نحوس على هاذي الفصالة بالتفصيل الممل، خاطر دايما نحس روحي محتاجتها، و تفهموني كيما نقولوا شحال نزيد من سم على المقاس الحقيقي للبنت، إن شاء الله تساعدوني قبل انقطاع النت عندي، و ألف الف شكر مسبقا

الصمت حكمة · 2013-05-02, 17:55

ما صدقتش كي شفت ردك يا وليد مولودية ربي يفرحك في الدنيا و الآخرة ، بالصح ما هوش نفس الموديل و لو أنه الموديل اللي عطيتيه لي أعطاني أيضا بعض الأفكار، راكي عارفة اللي عندها البنات، الله يحفظك و شكرا مرة أخرى

وليد مولودية · 2013-05-02, 18:16

اقتباس:

المشاركة الأصلية كتبت بواسطة الصمت حكمة

ما صدقتش كي شفت ردك يا وليد مولودية ربي يفرحك في الدنيا و الآخرة ، بالصح ما هوش نفس الموديل و لو أنه الموديل اللي عطيتيه لي أعطاني أيضا بعض الأفكار، راكي عارفة اللي عندها البنات، الله يحفظك و شكرا مرة أخرى

انا اعطيتك تاخدي افكار و موديفي عموما ربي يخلي لك بناتك و يتعيشي وتخيطي

اي سؤال راسليني انا مش خياطة بصح نقدر نساعد ان شاء الله

الصمت حكمة · 2013-05-02, 18:25

ألف شكر و الله يكثر من أمثالك، و يدير لك واش في خاطرك.................... أحلى سلام

وليد مولودية · 2013-05-02, 18:31

الله يسلمك اختي بلا مزية مني رانا اخوات هدي تكمل الاخرى

ربي يبقي عليك الستر

الصمت حكمة · 2013-05-02, 22:47

اقتباس:

المشاركة الأصلية كتبت بواسطة وليد مولودية

الله يسلمك اختي بلا مزية مني رانا اخوات هدي تكمل الاخرى

ربي يبقي عليك الستر

والله غير اللي ندعيها لك قليلة عليك و هذا جميل كبير درتيه فيا، بلاك راكي مستصغرة واش درتي لي مي أنا بالعكس راني نشوف فيها باللي ............ما علاباليش واش نقولك، ربي يحفظك و يزيدك من نعيمه[، و لك مني دعاء صادق بظهر الغيب بإذن الله في قيام الليل كلما تذكرتك.

حبيت نقولك حاجة و ما تزعفيش، مواضيعك قع ما نراتيهمش، خاطر دائما يعجبوني، بالصح دائما مستغربة في إسمك؟؟؟؟؟؟؟؟؟؟

stayfiya · 2013-05-03, 01:02

والله يا ختي غير رسمتلك الباترون هذوين و ماحبش ي\خلي التيليفون الصورة غدوة نشالله نسيي نحطهالك سامحيني برك

الصمت حكمة · 2013-05-03, 07:41

اقتباس:

المشاركة الأصلية كتبت بواسطة stayfiya

والله يا ختي غير رسمتلك الباترون هذوين و ماحبش ي\خلي التيليفون الصورة غدوة نشالله نسيي نحطهالك سامحيني برك

يا ختي و الله غير انتي اللي سامحيني، تعبي في روحك و تكسري في راسك على جالي على قداش؟ على الزوج نتاع الصباح، غير اللي ما يعرفش قيمة الناس، واش نقولك على قلبك ما نظنش كيما قلتي ...... هذا ما يتلون ما يصغر جامي، ألف شكر ، و ربي يجازيك خير على كل مجهودات ، الله يعطيك خيري الدنيا و الآخرة.................. ألف سلام

crono · 2013-05-03, 08:20

متقلقيش روحك دورك نرسملك الباترون

الصمت حكمة · 2013-05-03, 23:06

شكرا لكل واحدة مرت من هنا و حبت تعاوني............... ألف سلام

stayfiya · 2013-05-03, 23:11

هههههه راني جيتك ياخي قتلك راني رسمتلك الحية لي تحوسي عليها هههه والله فسدلي لبارح الخيط اليوم الجمعة بالسيف لقيت واحد حال يبيع شارجور بورتابل المهم رايحة نحكيلك قصة حياتي هههههه هاو ليك الرسم خيتي

الصمت حكمة · 2013-05-03, 23:26

أنا غير بلعاني غير باه نعرف قصة حياتك، أكثر من الباترون،هههه عنداك نقصر برك

ألف ألف شكر راهي قليلة، و دعاوي الخير كلها قليلة على صاحبة القلب الكبير ما لا خليني حتان نصيب الكلما اللي يعبروا لك على واش في قلبي و فرحتي بيك خاطر الكلمات كامل جاوني قلال، كثرت عليك السماطة ياك ، باينة، و الله يا أختي أحبك في الله و الله يعطيك خيري الدنيا و الآخرة و كل ما تتمناي عاجل غير آجل و نتمنى كل واحدة تدخل تقول آمين ، و كل واحدة تستفاد تدعي لك بالخير......................... ألف سلام و ليلة سعيدة

stayfiya · 2013-05-04, 00:03

هههههه كتلتيني ياو نوووورمااااال مالا كي نطيح ان اونبان كيفاااه ماتعاونونيييش!!! بارك الله فيك على لكلام الزين يالزينة