طاجين محشي الكرمب بالخطوات المصورة من مطبخي

oum anas 69 · 2013-04-30, 13:24

السلام عليكم
اليوم جبتلكم كيفية طاجين محشي الكرمب مناسب جدا للضيوف أو في رمضان هكذا باش نوعوا شوية في الأطباق
عندي سنين و أنا ندير فيه لذيذ و زاكي و يحمر الوجه
نحتاجو رأس كرمب ننزعلوا الرأس و نحاولو نحفرو بالسكين كيما في الصورة لتسهيل نزع الأوراق فيما بعد و نحطوه مقلوب في طنجرة فيها ماء سخون و نخلوه يغلي حتى يطيبو الأوراق و نحوهم بكل سهولة و هكذا حتى نكمل عدد الأوراق لي نحتاجوهم

نحتاجوا أيضا للحشو هو عبارة عن كمية من اللحم المفروم +قليل من الأرز نصف طايب +بصل +ثوم+بيضة+معدنوس +ملح+فلفل+قرفة +لفاح+خلط

ننزعوا بالسكين العمود القاسي و نضع القليل من الحشو و نطبقو مثل منعملو مع البوراك مع الضغط الجيد ثم نغلق بقليل من البيض و نتركه جانبا حتى نكمل أنا عملته نهار من قبل باش نسهل على روحي

نحضر مقادير مرق أبيض عادي مثل الكباب نقليهم و نضيف الحمص و الماء و نخلي الدجاج يطيب ثم ننزعه و نحط المحشي و نعاود نغلق حتى يطيب و يتجمر مليح طفي عليه +رشة ليمون ومعدنوس
الدجاج رشيه بشوية ملح و حمريه في المقلاة

أم ياسين الزهراء · 2013-04-30, 13:50

اه ياام انس نموت على مواضيعك بصح المشكل في الصور كبار ويطولو باش يكملو خسارة ربي يعيشك القاي الحل شحال من موضوع فاتني بلا ماشفتو

اميرة في دنيا حقيرة · 2013-04-30, 14:18

مممممممممممممممممممممم يا ام الناس راني جاية في الططريق ازبي خبيلي سهمي لياكلوه هههههه و يا لحنونة انا عنندى ميكروبورتابل بصح ما عنديشالمشكل نتاعك و الي يحب وصفاتك يستني في خاطرك حتى تكمال الصور

ام اسماعيل2009 · 2013-04-30, 15:00

طبق رائع مع أني ما ناكل وش بصح شهتيني يا الفحلة

oum rahma · 2013-04-30, 15:14

مممممممم ، نموت عليه ، روووعة ومشهي

تسلمي ويعطيك الصحة

مقدسية · 2013-04-30, 15:17

الصور لم تظهر لكن اكيييييد روعة من يديك ياام انس
تسلمي حبيبتي

ساندي 28 · 2013-04-30, 15:25

رائع من ايديكي اكيد لكن الصور كبيره جدا لم استطع مشاهدتها ليا عوده باذن الله شكرا

la princesse · 2013-04-30, 18:22

أم ياسين الزهراء · 2013-04-30, 19:18

وحتى لو استنيت ماتبانش عيت ونخليها ونولي والو

ام سارة 285 · 2013-04-30, 22:00

يعطيك الصحة ام انس جربي المرة الجاية تصغري الصور ثم حمليها باش تطلع بسرعة

ام سارة 285 · 2013-04-30, 22:22

شوفي اختي ام انس روحي للصورة قبل ماتدخلي ليها اكليكي باليمنى ladroite ومن بعد ديري modifier ضرك تخرجلك الصورة كبيرة جدا في الحجم و تخرجلك في paint و من بعد اكليكي في نفس الوقت على control (ctrl و w يخرجلك جدول فيه pourcentage تلقاي العدد 100 امحيه و اكتبي 30 او 20 سوف تصغر الصورة و انت واش تحبي الحجم انتاعها و ديري حفظ اكليكي على هذيك الديسكات باش تتحفظ الصورة
ان شاء الله نكون شرحتلك كفاية واذا ما فهمتيش اطرحي السؤال في قسم سؤال و جواب رايحين الاعضاء يشرحولك الطريقة بالصور
و الطبق راهو يشهي يعطيك الصحة راني نستنى في الشرح

انتي بلون الورد · 2013-05-01, 12:35

يعطيك الصحة ام انس

سؤدد الجنة · 2013-05-01, 13:08

جاك هااايل
أعطيك الصحة وتسلم الأيادي

souhaalgérie · 2013-05-01, 13:18

طبق رائع موالفة نخدمو يعطيك الصحة

أم ماجد · 2013-05-01, 13:28

كي عدت نعلم جيدا روعة وصفاتك دائما نبقي ننتظر حتى تظهر
يعطيك الصحة طبق هايل