اغيثوني من تانيب الضمير

[قطرة ندى حنونة]

.....................................
[/size]

[lynoor]

با اختي الزواج نصيب و الموت حق وماشي انتي اللي قتلتيه استغفري الله هذي وساوس الشيطان ادعيلو بالرحمة وانتي ان شاء الله يجيك اللي ترضاي بيه
ما تفكريش بزاف في الموضوع هذا و اشغلي نفسك بحاجة تحبيها

[imane-2020]

ربي يرحمو ويوسع عليه
اختي كلشي بالمكتوب ولكل أجل كتاب
هو ربي كتبلو هك انتي ماعندك ما تديري
واذا كان ظميرك انبك لأنك ما قبلتيش بيه ما عندك حتى دخل هذا مكتوب ربي انتي ما تديري والوا في بالك واطلبيلو ربي يرحمو ويغفرلو وانتي ربي يسرلك ويجيبلك ولد لحلال لي يهنيك حتى لو قبلت بيه كنتي راح تحكمي الموت عليه وما يموتش؟ هذا قضاء وقدر
قولي قدر الله وما شاء فعل لله ما اعطى ولله ما اخذ وادعيلو بالرحمة وخلاص
ان لله وانا اليه راجعون
[عش كما شئت فإنك ميت واحبب من شئت فانك مفارقه

[lynoor]

انا راني فاهماتك راكي تحسي بللي كان مناسبك و انتي رفضتيه بلا اي سبب ربي ماكانش مقدرو ليك اختي هذا ماكان ربي يعرف وين كاين الخير لعبدو ربي لطف بيك
انتي لازم تنحي هاذ الفكرة من بالك .....ماتقوليش ما قدرتش و اعرفي بللي سبب شعورك بالذنب مجرد فكرة في راسك وهي اللي راها تزيد هاذ الشعور
اطلبي من ربي سبحانه ينزل عليك الطمانينة و صدقيه حين قال عز وجل الا بذكر الله تطمئن القلوب

[yousra14]

وعليكم السلام اختي

اولا رحم الله هذا الشهيد و كل شهداء هذا الوطن الغالي العزيز وحسبنا الله ونعم الوكيل في كل من يقتلهم


وفي كل من يزرع البلبلة لاغراض اعداء وطننا .



هوني عليك حبيبتي انت كنت صادقة لم يعجك رفضته وما من مشكلة في ذلك اما بالنسبة لوفاته فهذا قضاء



وقدر و لا مفر منه اذا جاء الاجل لايستاذن ولا يتاخر الله حكيم ويعرف كيف يسير ئؤون عباده جعلك ترفضين


اولا رحمة بك حتى لا تبقي ارملة ربما وثانيا وبما ان الله هو العليم ويعلم ان هذا الشاب سيستشهد اختار له حور العين


احسن مني ومنك ادن ما حدث مؤلم لاكن فيه الخير للجميع فقط الله يصبر اهله على فراقه ولو اننا كلنا لها ولا مفر منها




اختي قبولك به ما كان ليبعد عنه الموت ولاتؤنبي ضميرك اكثر فلا دخل لك فيما حدث وهو بمجرد الموت سينتقل لعالم اروع


بشهادته تلك بعيدا كل البعد عن حياتنا وما فيا بالعكس عوض الجلوس مع تانيب الضمير اعملي اكثر لاخرتك حتى تلحقي


المكانة التي هو فيها يارب يلحقنا بها جميعا بلا استثناء حاولي النسيان ويارب يرزقك بمن يعوضك عنه اشغلي نفسك


بالقران و لا تنسي ان تهديه ثواب ما قراته سيصله ان شاء الله وسامحيني اذا لم اشف غليلك فهذا لك ما وجدت لاقوله لك ورب


معك ولك مني الف سلام

[مريم الصابرة]

السلام عليكم
لا إله إلا الله محمد رسول الله في جنات النعيم يا رب ربي يرحمو ويصبر اهلو هذا راه شهيد ربي يرحمو
أختي إنت وين كنت عارفاتو رايح يموت ثم المكتوب ما كتبش وعادي هذا امر الله وإنت ما عندك حتى ذنب علاه قتلتيه ممكن هو حبك صح ونواك للحلال وصح لو راني في بلاصتك ناكل روحي نقول ظلمتو لكن اختي معليش اطلبيلو الرحمة والمغفرة إنت ما عندك علاه ربي يرحمو

[kaouther cha]

السلام اختي كيما قالت الاخت مش نتي لي قتلتيه والزواج قسمة ونصيب
و انتي تهناي 100/100 ما كان حتى خطا في هذي الحكاية درتيه ...ok..
والسلام

[أمة الله 12]

اسمحيلي اختي لكن المسلسلات التركية اثرت عليك بفضاعة,

انا كي قريت العنوان حسبت واش صرا

اذا حقا تخمي فيه و غايضك, ادعيلو بالرحمة

ربي يهدينا و يتوب علينا

[mitrochka]

أختي
الزواج مكتوب الله تعالى
هو ربي يحمه و يكتبه من الشهداء و يجعل مقامه في جنات النعيم
لا أظن أنه موضوع زواجك به مهم لهذه الدرجةفي الحياة الأخرى
أفضل ما تفومين به هو الدعاء له و الصدقةعنه
رحمه الله رحمة واسعة
و يرزقه من الحور العين في الجنة

[عبد الله 22]

الله يرحموا ،
بسم الله الرحمن الرحيم...

يقول عز وجل في منزل تحكيمه::::

"كُلُّ مَنْ عَلَيْهَا فانٍ . وَيَبْقَى وَجْهُ رَبِّكَ ذُو الْجَلالِ وَالإكْرَامِ" سورة الرحمن
كون قبلتي به يموت و كون رفضته يموت الموت فيها فيها ، المهم الاستفادة من هذا المسألة من حيث موته اول ومن حيث الزوج واسباب الرفض و القبول التي تبني على الدين لأن هذه
أخرته ، قبل ساعة من كتابة هذه الكلمات كنت في زناجة لشابين في مقتبل العمر والسؤال الذي يحضر في ذلك المشهد متى دوري وعلى إي حال ستفارقني روحي يأختي ضميرك وضميرنا في مثل هذه الموقف عليه ان يؤنبون على الغفلة

[نسمة تفاؤل]

غاضني مسكين الله يرحمو ويوسع عليه نصيحتي باه يسامحك حتى وانت مادرتي حتى ذنب لانو الزواج قسمة ونصيب اقراي دايما قرءان واهديهلو وادعيلو دائما بالرحمة ربي يكون معاك