طلب إلى أختي الوهرانية

Nadjwa270 · 2013-04-28, 18:06

سلام عليكم
نتمنى تكوني بخير
عندي طلب
ممكن تقوليلي بتفصيل كيفية طبخ كرنتيكة ولكين كمية قليلة
لي وزوجي
وأريد كيفية طهيها
أعني نشعل الفرن مالفوق وملتحت ولا كيفاش ندير
راني باغية نديرها غدوة نشالله
والحمص نشره مطحون و لا تطحنه في دارك
شكراً وأنا في إنتضار

الوهرانية 1 · 2013-04-28, 18:52

اوكي حبيبتي ماكان حتى مشكل
125غ حمص مطحون
ملعقتين زيت
نصف لتر وشوية ماء ********زيدي فوق النصف لتر فنجان صغير برك ********
ملح- كمون - فلفل اسود
نصف ملعقة صغيرة خميرة حلوى
حبة بيض اختيارية

اولا سخني الفرن مليح قبل ما تبداي
حطي كل المكونات مع بعض ماعدا الخميرة وخلطي مليح في الاخير دري الخميرة وخلطي
ادهني الصنية بالزيت وصبيها فيه
بالنسبة طياب ادا عندك فرن كبير اشعلي من تحت متوسطة ومن الفوق شوية وخليها تطيب
وادا عندك كويزينيار اشعلي من تحت 40 دقيقة من بعد طفي وحمريها
اختبريها كيما الكيك دخلي ملعقة ولا سكين ادا لصق الحمص راهي طابت
انا الحمص نشريه مطحون حبيبة سلامي ليك وبصحتك مسبقا

Nadjwa270 · 2013-04-28, 19:09

chokran katiran okhti
allah yadj3alha fi mizane hassanatik