استفسار عن الطاجين تاع الطين

[*أم أسامة*]

السلام عليكم
عندي سؤال بخصوص الطاجين تاع الطين اللي يطيبو فيه الشليطا.
شريت واحد وقالولي ماطيبيش فيه مباشرة لازم تغلي فيه الحليب قبل.
اللي تعرف تجاوبني. esq نطيب فيه مباشرة ولا كاشما نديرلو قبل مانطيب فيه.
بارك الله فيكم

[*بيتي مملكتي*]

ماهي الشليطة عزيزتي
إذا كنت تحكي على الطاجين اللي يطيبو فيه الكسرة و المطلوع فإنه ما يصرالو والو طيبي مباشرة فوقه
و إذا كنت تحكي على القدرة نتاع الطين فلازمك تطبخي فيها الحليب نتاع الساشي و كي يطيب فرغيه و خليها تبرد ثم اغسليها و استعمليها عادي

[*أم أسامة*]

بارك الله فيه اختي ام اياد
الشليطة هي اكلة قبائلية وكاين اللي يقوللها الحميس. وهي الفلفل طرشي او الحار مع الطماطم مشوين وامبعد يقطعوهم صغار ويطيبوهم فوق هاد الطاجين مع الملح و زيت الزيتون.
وهاد الطاجين يشبه تاع الكسرة.

[زينة بجاية]

بنسبة لقدرة الفخار و طجين مغربي دهنهم بشوية عسل و زيت و قبل ما طيب فيهم بيتهم ليلة كاملة في الماء و بصحتك اواني فخارية.

[jackin]

بالصحة والهناء

[maloo]

زينة بجاية كيفاش طاجين من الطين نبيتوهم في الماء ....ما يصرالهم والو,,?

[wala]

السلام عليكم واش حوالكم ادعولى بالشفاء ربى يحفضكم المهم لى تشرى قدرة ولا طوجين تع الطين كاين طريقتين بيتى القدرة فى الماء ليوم او يومين حسب نوع الطين ثم ضعيها تنشف ثم ادهنيها بالزيت كامل وفى الغد اوبعد يومين فيضى فيها الحليب ثم تصبح صالحة اما الطريقة الثانية ادهنيهاكامل من داخل والخارج وضعيها فى ساشى كل ماتنشف زيدلها لمدة اسبوع ثم ضعى داخلها الحليب وغليه

[*أم أسامة*]

بارك الله فيكن اخواتي
غليت فيها الحليب واستعملتها

[أم ماجد]

ربي يباركلك في اوانيك

[oume ranime]

ana tani chrite wahade mes mazale masta3maltouche bassahe rani saksite wahda ,kalatli nbaytahe fele maaa lila kamla oulle rade mane dake nahkmahe ou nhotahe fouk nare klila bazafe nosse nhare ou nasiha wahdakhra mine thotihe foke nare diri tahtahe hdida tkoune rkika ou rabi yahafdare oukhtie

[*أم أسامة*]

بارك الله فيه اختي ام رنيم وجزاك خيرا

[naiilia]

اذا سخنتي الطاجين وحطيتي فيه الماء او الحليب راح يتشقق

طاجين الكسرة نستعملوه بلا ما نطبخوا فيه اما القدرة الي نطيبوا فيها الحريرة ولا الشربة انتاع الفريك هاذاك تطبخي فيه الحليب قبل ومن بعد تغسليه