اذا كنتم تتأثرون ..أنا أتحداكم

[maargueb]

وصل الباك يا لبنات * وما بقى غير الذكريات *كل واحد فينا راهو يضرب في لحسابات *يا ترى ينجح ولا يبقى كي العادات *بين جدران الثانوية يتز فيه الريح صباح او عشية*ولا يروح للجامعة او يضرب فيها حطة أو لبسة رسمية *في ديك 15 يوم ماتلقى ذبان يحوم*كل واحد في دارو *يناقش في حوالوا* منهم جماعة الخير اللي يخموا على ارواحهم باش مايطيحوش في البير *يجبدوا ملخصات يراجعوهم في 5 ساعات *ويبقاو مرتاحات* متمنيين وكتاه تجي ساعة الامتحانات* ومنهم جماعة الشر-* تلقاهم تشواو كي الدجاج لحمر* في كاش المكتبات * يخرجوا في قصاصات* مكتوبين بلسان لبروات تحير واش من عين تقراهم ياسادات* فيهم يخبيهم في الجكيتات * او لحقت حتى تحت الصباطات* في رمشة عين تخطفو قاع لورق كي لحمام والطير*زلزلت لرض ولا ثار البركان المهم تلمو لورق واللي يصير يصير*

فوصل يوم الامتحان والغاشي كي الذبان*بالرغم من الحواجز والجدران تعدى عليها شعبنا بكل سهولة وأمان* الشباب والشابات *او لحقت حتى لعجايز والشياب*راهم ملهوفين بالعياط أو الهدرة او هما مكفوفين*أو في العقلية حابسين*او في العنف واحد مايغلبهم ياسامعين*ياترى واش يجيبهم عند ديك الشمس الحارقة *يعني باش يديو الباك غير المافيا أو السرارقة* أو في ليلة موبيليس تلقى الناس تفتش في لبورتابل كي لابوليس *او منا شوي توسويس تحطلهم الماء يلصقوا كي لاغريس-او من ثمة تبدا الخلعة أو العين راهي هيات للدمعة* او لاطونسيو نتاع القلب طلع لسبعة* والناس طالعين هابطين *لا تبين منهم ملاح ولاصامتين* *قاع ولاو مصفارين* من الخلعة والدمار ذايبين*

افتح عينك مليح الطفل سمع رسب *او بدا بلعياط او لكفر*ماقدر يصبر*حطم الرقم القياسي *ويقول شوفو قرايتي ياناسي *وصار يغني أو يلحن كي الشاب العراسي *يمشي في الزنق ويقولكي لمهبول لعلاني مسحور *دارولي لبخور باش نخلط السطور*او لقرايتي ماننجحش *او لربي مانومنش *او للدنيا مانعرفش*
او في هذيك الشوكة تلقى الطفلة *دارتلنا شكشوكة *بالبكى او النديب كلات وجهها كي الذيب*
او كي ندور رؤاسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة

[maargueb]

ارجو ان تنال اعجابكم كثيرا بعثتها لخاطر الباك مابقالوش اعطيولي رايكمن فيها

[salaa23]

كووووووول يا صديقي
إنشاء الله توعض الناس بيها

[منعم م]

wachi hada

[abderrezak-2]

مشكور اختي

[ABDELKADER2008]

هههه الله يهديك أخي
خوووووووووفتني

[sean paul]

sorry but i dislike it. and it's a song ok

[مشاعر سرمدية]

ههههههههههههههههههههه

هاااااااااااااااااااااايلة...

رب يخليك...

شكرا...

[sabrina78]

ما شاء الله شابة بززززززززززززززززاف

[lili2]

عندك الحق وش قلت

[خليدة عليوي]

بارك الله فيكم

[Fynix]

فوووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووور بززززززززززززززززززززززززززززززززززززززززززززززززز زززززززززززززززززززززززززززززااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااف

[اريج النهار]

بصح خوفتنننننننننننننننننننننننننننننننننننننننننننننن نننننننننننننننننننننننننننننننننننننننننننننني

[sarah14]

والله عندك حق
شكراااااااا

[الانيق 1991]

او كي ندور رؤاسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة
او كي ندور رؤاسي نسمع في كل دقيقة 20 بارودة او 20 تزغريدة * بعد سنة كامل تمرميدة *او ريحة الطمينة طير القديدة


راني نحوسك تسمها عندي وعند كل مترشح ان شاء الله ياربي