موضوع مميز * كيكة باردة * و مزياااااااااااااااااااااانة ههههه

أنا أمهم · 2013-03-29, 21:27

السلام عليكم و رحمة الله و بركاته
بسم الله

فايزة حلي فمك و ذوقي ههههههه :

صور الوصفة : من البورتابل :

كيك بالكاكاو (أنا استعملت جينواز بسيطة ب3بيضات) تقدري تستعملي الكيك الجاهز اللي يتباع لمجة للصغار, المهم تفتتيه و تضغطي عليه مليييييح بايديك في قالب كيك (اللي جوانبه ينفصلو, أنا ستعملت الطبق الصغير اللي يتباع في مجموعة 3 أطباق) :

حاولي يكون ارتفاع طبقة الكيك المفتت أعلى من الخط الدائري السفلي للطبق.

تسقي الكيك المفتت و المضغوط, بصوص : 3 م ك حليب غبرة مع 1 م ك نسكافيه مذوبين بشوية ماء دافي

بعد ما تتشرب الصوص , اضغطي عليهم ببسكويت الشاي, المكسر , نضميه بهذا الشكل و اضغطي ملييييح :

الطبقة الثانية هذه مكوناتها : 2 باكوات فلان مع 2 كيسان ماءو 4 م ك حليب غبرة, حطيهم على النار مع التحريك حتى الغليان, و من ناحية أخرى حطي بسكويت (حوالي 150غ) , كاس ( jeux de table)تقريبا معبي بحليب و زبدة (ربع الكاس) و م ك نسكافيه,في خلاط العصير

هنا الفلان حضر (و هو سخون ) : صبيه في الخلاط مع بقية الخلطة اللي فيها البسكويت

هذه نتيجة الخلطة متاع البسكويت و الفلان و بقية المكونات : صبيها في طبق الكيك

(إذا تحركت قطعة بسكويت من مكانها فقط اضغطي عليها بملعقة بسرعة )

حطيه في الثلاجة حتى يتماسك, ما ياخذق برشة وقت , شوفو شكله :
(هههه كانت توجد بعض الفقاقيع ما عجبنيش شكلها فضغطت عليها ههه)

الطبقة الثالثة : 2 باكوات فلان , 2 ك ماء, 1 م ك كاكاو, 4 م ك حليب غبرة , حطيهم على النار

(ملاحظة : لما تطبخي الفلان هذا حاولي تخلطي المكونات بطريقة هادئة حتى لا تتكون الكثير من الفقاقيع و تخربلنا شكل سطح الكيكة)

هنا حضرت : تلاحظو غياب الفقاقيع فقط طبقة تشبه للغيمة و هذا راح يعطي للسطح شكل يشبه للرخامة :

صبيها برفق فوق الطبقة الثانية : و حطي كيكتك في الثلاجة لحين التقديم

صور النتيجة بالكاميرا (بعد شحن البطاريات هههههه) :

(شوفو شكلها يشبه للرخامة اللامعة :

أنا هنا قصيتها بسرعة ما خليتهاش ترتاح , كل ما ترتاح أكثر يكون قص طبقة الكيك أجمل و أجمل :

هنا تقدرو تلاحظو الطبقات يممممممممممي يمممممممممممي (هههه للتعذيب ) :

ههههههههههههههههه من غير مبالغة : و إنتي تاكلي فيها تحسي بإنك من طبقة راقية جدا ههههههههههههههه مع إنها غير مكلفة ههههههه

ملاحظة : من الأحسن لما تشتغلي على الكيكة تحطي الطبق فوق طبق آخر مسطح حتى يسهل عليك نقل الكيكة للثلاجة في كل مرة.

سامحوني كثرت الصور , لكن و الله الوصفة ساهلة , فقط حبيتها تكون واضحة

ملاحظة : الوصفة مشابهة بعض الشيء لوصفة عزيزتي الأمنيات و أم أسماء2, هذا الرابط هنا تلاقيوها : https://www.djelfa.info/vb/showthread.php?t=1249022

faizarbh · 2013-03-29, 21:29

فاصل و اعود

شاملة لينة · 2013-03-29, 21:30

باينة بنينة
ممكن الوصفة ربي يبارك فيك ؟

faizarbh · 2013-03-29, 21:30

ههههههههههه راني فتحت فمي حتى سمعوني كامل الجيران
يا يما يا يما واش هدا كلو
الله يبارك و يزيد ما شاء الله
راكي قتلتيني و ذوبتيني هههههههههههه
و دوكا مدي الوصفة و خليني نتمتع

فيفي سكيكدية · 2013-03-29, 21:50

يعطيك الصحة أختي شهيتينا ممكن الوصفة لو سمحتي وبي يجازيك كل الخير

انتي بلون الورد · 2013-03-29, 21:59

تهبلللللللللللللللللللللللللللل تشهي تسخففففففففففففففففففففففف طليتي علا قلبي من الصباح وانا نحوس علا طريقة كيفها مي ساهلة و تاعك راها تبان ساهلة المقادير تعيشي