دبروا عليا ودعولي

[مشكلتي]

السلام عليكم جميعا
تعيشو أعطوني رايكم بصدق وصراحة وادعولي معاكم ربي يسهل لي
أنا بنت عادية نخدم،تقدم لي واحد الانسان من حوالي 3 سنين،هو شخص متخلق كيما يقولو وخدام لاباس عليه،بالصح بابا ما وافقش عليه والسبب مجهول،بالاك لانه ماهوش من عائلة عريقة وأصيلة هذا مكان،عاودلي العام الي فات وبعث لي مع صحبتي وانا بصراحة ما قلت والو قتلو يعاود يقول لبابا كي قالو ثاني رفض وماعلمنيش،الصح انا زعفت ومن بعد قلت أكيد فيها خير،الاشخاص الاخرين الي تقدمولي كان يقولي عليهم على كل حال ماشي كامل بالصح لي يعجبو هو،خصوصا كي يتقدم لي استاذ وعايش في منطقتنا،أنا في كل مرة كنت نصلي صلاة الاستخارة وما تمش هذيك الخطبة يعني يقولو ومن بعد تحبس بالصح هذا لالا ارتحت بزاف وسبحان الله رغم اني والله مانعرفوحتى في شكله برك نسمع عليه بالصح ارتحت له بزاف وكل مايتمناولي زوج صالح يجي غير هو في بالي،هاذالمرة راهو يقول باغي يجي للدار باش يحط بابا قدام الامر الواقع هكذا سمعت بالصح انا راني خايفة من ردة فعل بابا هو مش من النوع لي يرجع على كلمته وانا بصراحة ما رانيش باغياته يرفضو،بالصح ماعندي ما ندير قدام كلمة بابا انا كامل شوي شوي بالصح والديا مانفوتهمش حتى ولو على حساب سعادتي
راني حايرة واش ندير،خايفة،مقلقة...........بزاف أفكار راهم يتضاربو في عقلي
بالصح راني صابرة المهم مانغيضش بابا،وبابا لحد الان معلابالوش بلي اني سامعة بلي تقدملي خاطر انا خبرتني واحدة نعرفها
دبروا عليا ربي ينور عليكم ودعولي أمانة

[مراد12345]

في

مثل هذه الأمور الصراحة

واجبة

أنت أخبري أمك وهي تخبر أباك

بأنك لن تتزوجي غيره

أبوك سينزعج في بداية الأمر لكن فيما بعد سيوافق

[ayam16]

ana nwessik n9olek haja( el matal li 9al maya3ref rajal ghir rajal maghletch,,balak babak chef fih haja ma 3ajbatouch
diri salat el istikhara w ketri men istighfer w ad3iya

[houda_jijel]

عليك بالدعاء و متدريش بالاك هده المرة باباك يقبل
ربي يوفقك اختي لما يحب و يرضى

[mina18]

ربي يكون معاك وكتبلك الخير ان شاء الله

[libanarim]

ربي يوفقك لما يرضيه
عليك بالدعاء وان شاء الله خير

[loup blanc]

اختاه في هذه الحالة عليك بالحوار والتشاور البناء
اجتمعي مع ابوك وامك واخبريه عن سبب رفضه للخطاب او اخبريه بقلقك او بشكلتك وهما ان شاء الله سيتفهمانك وسيوضحون لك الامور وقراراته عليك بالحوار الهادي وعدم الانفعال وايضا الايمان بقضاء الله عسى ان تكرهوا شيئا وهو خيرا لكم
ان شاء الله الفرج القريب

[عطوفة]

اختي العزيزة.ربي يكون في العون ..خبري امك وهي تحاول مع ابيك ..وان شاء الله هذه المرة يوافق ..يا رب يوافق وتتهناي .اتمنى لك السعادة ..

[رؤيا الظلام 48]

ربي يفرج عليك اختي وييسرلك امورك

[ام عبودة]

[size="7"]يا اخيتي احييك اولا على طاعة والديك وهذا هو الصح لانه لا شئ ولاشئ ولاشئ في هذه الحياة رايح يصدقلك من دون رضاء والديك
انت فقط مستغاظة لماذا ابي لا يوافق ممكن باباك شايف حاجة وانت لا ترينها
ممكن باباك واسمحيلي في هذه الكلمة دايرها مشاحنة
لكن كوني واثقة بان الله اذا كتبلك مع الشخص هذا رايحة تكوني له مهما كان الثمن
المهم الان في هذه الساعة فكري في نفسك لا تشغلي عقلك بالتفكير الدائم والحيرة راكي رايحة تمرضي
فكري بصلاتك وبطاعة ربي والدعاءثم الدعاء
يا سيدي على الاقل كي يجيك اللى تحبيه يصيبك زوينة ولاباس مش يصيبك مريضة من كثرة التفكير والتخمام
هههههه راني نضحك فيك برك
انعلي الابليس وما ديري والو في بالك والله والله مافي شيء في الدنيا يستاهل الزعل[
وانا ندعي لك من قلبي/ يا رب يفرج عليك وان شاء الله تسمعي اخبار طيبة size]

[YASMINE SILA]

يااختي اكثري من الاستغفار و ان شاء الله سوف تريين تاثيره العجيب
يااارب ان شاء اله يفرج عليك و ماتخممي ماوالو الي فيها الخير ربي يجيبهالك و يكتبهالك باذن الله

[Lilly lakamOra]

يا اختي اكثري من الاستغفار و الادعية ولا تعصي امر اباك فقد يكون على حق

[Lilly lakamOra]

يا اختي اكثري من الاستغفار و الادعية ولا تعصي امر والدك لانه قد يكون على حق

[أم عصام وريان]

السلام عليكم و رحمة الله تعالى و بركاته :
بنيتي قد ماتعرفي انت باباك يعرف أكثر منك وحطي في بالك أنك ما تتزوجي غير الي مكتبهولك ربي خلي القدر والاحترام بينك وبين باباك خيرلك

[مريم الصابرة]

السلام عليكم اختي
اختي باباك هو غير سبة فقط مكتوبك مازال ما تحركش حتى لو باباك رفض راجل الأول ممكن هذا يقبلو وردّك وإحترامك لوالدك رائع وعلى نيتك هذي ربي راح يمدلك رجل صالح إنت كمّلي كيما راكس وطيعي باباك وهذا الشخص إدعي ربي يكون من نصيبك وأحكي مع يماك واكثري الدعاء في الليل وتوجهي لربي وربي يهدي باباك ويقبل موفقة أختي ننتظر اخبار مفرحة موفقة.