وزن ابنكي او بنتكي

aminabil · 2013-03-10, 14:28

السلام عليكم اود من كل الامهات ان يقولن لي اذا كان وزن ابنتي عادي ام لا لما ولدت كان وزنها 2.7كغ وهي لديها الان شهرين ونصف و تزن 4.9 كغ اريد من كل ام ان تقول ماذا كان وزن ابنها او بنتها بالنسبة لسنه و شكرا

ام عبودة · 2013-03-10, 17:23

السلام عليكم
حبيبتي لا تخاف من الوزن ابدا المهم انها تكون طبيعية ولا تشكو من اي مرض
ودائما ارجعي الى الدفتر الصحي وقارني بمخطط الوزن ولا تجعلي وزن ابنتك همك الوحيد ، اهتمي بغذائها ونومها
بنسبتي لي وزنها عادي ومليح. اذا كانت الرضاعة طبيعية
وما تقلقيش من الوزن لان الطفل حتى عمر السنة رايح يزيد وينقص بسبب الاسهال والاسنان ......
ان شاء الله كنت افدتك شوي

ايمان2009 · 2013-03-11, 12:57

وزنها عادي احمدي الله وو فري لها الرضاعة والنوم الصحي انا ابني زاد يوزن 2.9 كلغ و الحمد لله

aminabil · 2013-03-11, 14:24

شكرا لكن على الردود .اختي ايمان انا فقط كنت اريد ان اقارن وزنها ب
اوزان اطفال اخرين

زينوبة ام سامي · 2013-03-12, 11:28

سلام
شوفي حنونة بنتك راه الوزن نتاعها عادي و في الطبيعي بالعكس راهي كبرتلك بسرعة بالمقارنة مع الوزن الي زادت بيه
انا ام جديدة زعما زعما............هههههههههههه
وليدي زاد 3كيلو و800 غ
الطبيب قالي في العادي البيبي يزيد في الشهر من 500غ حتى 750غ
و انا الجمد لله وليدي كل شهر يزيد 750غ
و راكي عارفه مع لسنان وخطرات لا غريب ينقص شوية او مبعد يعاود يزيد
درك راه عندو 7 اشهر وزنز 9كغ و500غ
الله يبارك والله يحفضهولي ان شاء الله و يحفضلكم ولادكم

كيما قتلك متتقلقيش روحك بالعكس الطبيب قالي لازم تتقلقي كي يكون الوزن زايد.........تخافي من امراض انا ننصحك ما تحوسيش تسمنيها او تحصلي .............راح نعطيك تجربة بنت خالي بنتها زادت نفس الوزن كيما بنتك الناس كامل قالولها ضعيفة............طاحت عليها بالحليب كل ساعة تطيها ترضع الطفة ضرك كبرت ولا عندها عام كل ساعة تحب تاكل قاتلها الطبيبة رديتيها ملهافة وعلى جال الوزن نتاعها ما تقدرش تتحرك ولا تمشي......لوكان تشوفيها تقولي عليها مولات 3 سنين
...................الطبيبة قالتلها لازملها رجيم و لكن ما قدرتش الطفلة وافت كل ساعة تدخللها الماكة لكرشها
انا ننصحك اتهلاي في صحت بنتك و رضعيها بانتضام...............والله يبارك راهي لباس عليها المهم تكون صحيحة

اسمحيلي ادا طولت عليك

aminabil · 2013-03-12, 14:16

شكرا جزيلا لكي اختي ام سامي راكي ريحتيني بزاف انا بنتي الاسبوع الجاي انشاء الله يكون عندها 3 اشهر انا نعطيلها الحليب كل 3 ساعات و نديرلها 120 في البيبرون راني منظمتلها وقت الاكل نتاعها الحمد الله

زينوبة ام سامي · 2013-03-12, 17:29

الله يسلمك حنونة بلا مزية وانت راكي تاطيها البيبرون كيما كنت كي كان وليدي قد بنتك الله يحفضهالك