بنات عاونوني بليييييييييييز

أم ياسمينdz · 2013-02-17, 11:32

يالحبيبات حابة مساعدتكم

في طريقة تحضير عجيبة التريدة

لي تتقص مربعات عندنا في الشرق

وتفوت قبل على الماشينة

نتمنى تعطيوني الوصفة بالتفصيل

القسنطينية 84 · 2013-02-17, 13:01

انا قسنطينية ونخدموها ونطيبها مي نجيبها من عند ماما واجدة الله غالب مازال ماتعلمتهاش مي نسقسيلك ونرجعلك نشاء الله

أم ياسمينdz · 2013-02-17, 13:20

اقتباس:

المشاركة الأصلية كتبت بواسطة القسنطينية 84

انا قسنطينية ونخدموها ونطيبها مي نجيبها من عند ماما واجدة الله غالب مازال ماتعلمتهاش مي نسقسيلك ونرجعلك نشاء الله

اهلا خيتي
الله يحفظلك ميمتك
حنا نشريوها واجدة
وحبيت نتعلمها
راني نسنى في الوصفة كي تسقسي رجعيلي

أم ياسمينdz · 2013-02-17, 13:21

راين نستنى فيكم ياالبنات لي تعرف متبخلش عليا

كوزينة هديل · 2013-02-17, 13:27

ماعندي حتى فكرة عليها إن شاء الله لبنات يفيدوك

مينو2006 · 2013-02-17, 13:44

شوفي يا اختي ديري لعجين نتاعها كالتالي دقيق مايكونش حرش متوسط ممكن يكون رقيق راهو يصلح بلي الكمية اللي راكي حا تخدميها بالما و شوية ملح كيما عجينة الشخشوخة اعجنيها مليح كلش على العجن اعجنيها مليح مليح حتى تخرج من عقلها ادا كان عندك العجانة راكي تهنيتي كي تخلصي من العجن ديريها لويزات صغار يعني دوائر لكان عنك الماشينا حليها في الرقم الاخير على قد ما تكون العجينة رقيقة تجي مليحة قبل ما تبداي تحلي ديري اللوايزة في النشا و حلي و حطي درا حليه و خليهم يشيحو المهم ما تخليهمش حتى يتكسرومن الشياح بزاف كي تشوفيهم شاحولك حطي 2 او ثلاث طبقات من التريدة فوق بعض و قسمي الى 3 اقسام باه تجي على يدكاحكمي قسم و بسكين حاد قطعيمستطيلات حاولي تكن قد بعضاها و من بعد برفق حركي المستطيلات اللي قصيتيهم على يدك باش تسهل العملية زيدي قطعي مربعات حسب الحجم اللي تحبيه كي تخلصي حليها مليح و خليها تشيح مليح تاني ومن بعد هزيها في سيار انفضي عليك النشاء و كاش تفاتف انا هكا نديروها انا وعجوزتي تجي مليحة انشاء الله نكون افدتك والشرح تاعي يكون وافي

أم ياسمينdz · 2013-02-17, 14:33

اقتباس:

المشاركة الأصلية كتبت بواسطة مينو2006

شوفي يا اختي ديري لعجين نتاعها كالتالي دقيق مايكونش حرش متوسط ممكن يكون رقيق راهو يصلح بلي الكمية اللي راكي حا تخدميها بالما و شوية ملح كيما عجينة الشخشوخة اعجنيها مليح كلش على العجن اعجنيها مليح مليح حتى تخرج من عقلها ادا كان عندك العجانة راكي تهنيتي كي تخلصي من العجن ديريها لويزات صغار يعني دوائر لكان عنك الماشينا حليها في الرقم الاخير على قد ما تكون العجينة رقيقة تجي مليحة قبل ما تبداي تحلي ديري اللوايزة في النشا و حلي و حطي درا حليه و خليهم يشيحو المهم ما تخليهمش حتى يتكسرومن الشياح بزاف كي تشوفيهم شاحولك حطي 2 او ثلاث طبقات من التريدة فوق بعض و قسمي الى 3 اقسام باه تجي على يدكاحكمي قسم و بسكين حاد قطعيمستطيلات حاولي تكن قد بعضاها و من بعد برفق حركي المستطيلات اللي قصيتيهم على يدك باش تسهل العملية زيدي قطعي مربعات حسب الحجم اللي تحبيه كي تخلصي حليها مليح و خليها تشيح مليح تاني ومن بعد هزيها في سيار انفضي عليك النشاء و كاش تفاتف انا هكا نديروها انا وعجوزتي تجي مليحة انشاء الله نكون افدتك والشرح تاعي يكون وافي

يعطيك الصحة يالحبيبة راكي عاونتيني بزاف
راه عندي البيتران ونعجنها بيه
ان شاء الله تصلحلي نتبع الخطوات لي قتيلي عليهم
وراني نردلك لخبر
الله يعطيك ماتتمناي

القسنطينية 84 · 2013-02-21, 19:16

سامحيني اختي سبقتني الاخت وحطت الوصفة حنا هكذا نديروها ناكد فقط على ملاحظات و الاخت قالتهم العجينة ماتكونش يابسة بزاف والعجين حتى يطيحو كتافك بلاما تقطعي العجينة والحلان بالنشاء في ارق رقم والموس حاد جدا وتخليها تشف حتى تولي تتكسر موفقة نشاء الله