رقاق بدجاجة معمرة بالتعمير بمناسبة المولد النبوى

moslihe29 · 2013-01-28, 09:34

السلام عليكم ورحمته وبركاته

الرقاق من الاطباق التقليدية لجهة الغرب وهذا لمنلسبة المولد النبوى الشريف هذا عشانا لهذه الليلة

المرق

2حبات بصل +2 بطاطا +3جزر +3 لفت +2طماطم +حمص +قرعة +قصبر وكرافس +م ط طماطم مصبرة +ملح +فلفل +عود قرفة +كركب +رند زيت للقدر نقطع البصل والطماطم وباقى الخضر نضعها كاملة باش نحطها على الرقاق والتوابل ونمرق بالماء الساخن

نحضر الدجاجة

الدجاجة لما نشتريها لازم الجلديكون ماشى مثفوب لاته راح نعمرها مابين الجلد واللحم ندخل اصبعنا جهة الرقبة وننزع الجلد عن اللحم بحذر ونصنع بورق صالح للطعام نلوى عليه ساشى تاع الكنجلتوع مثل البوشون باش نغلق بيه الثقب الموجود عند الرقبة الى يوصل لجهة الاحشاء باش لما نعمر التعمير مايتسربش الى المرقة

نحضر التعمير

كاس شابلير +نصف كاس سميد حرش +نصف كاس زبدة ذائبة +كاس حليب +نصف ساشى خميرة الحلوة +ملح
فلفل +قرفة +كركب +نعناع يابس+8بيض نخلط الجميع

ونبدا نعمر الدجاجة من العنق

مانعمرهاش بزاف لانهاراح يتضاعف حجمها وتتطرطق نغلق الرقبة بالخيط ونتقبها باءبرة وندخلها القدر بحيث يكون الصدر للاعلى ونقص للنار ونتركها تنضج على نار قليلة

وباقى التعمير حسب الصور

وهذا بعد ما نضجو

بعد ماتنضج الدجاجة نصفى المرق من الخضار وندخل الدجاجة تحمار فى الفرن

وهذا الشكل النهائى

وشهية طيبة اى استفسار او اى اخت مافهمتش رانى فى الخدمة

أم ماجد · 2013-01-28, 10:08

الله يبارك اول مرة نشوف الوصفة لم افهم الورق في الرقبة واين يتسرب الطعام وضحي من فضلك

أم أولادي* · 2013-01-28, 10:15

يعطيك الصحة

hadjer · 2013-01-28, 10:19

الله يبارك ..والله غير يعطيك الصحة

sarah1424 · 2013-01-28, 10:21

wallah yaatik essaha hada fan f tabkh ana rani net3alam wjatni s3iba bzfffff
wzeda ana k nadef djaja mankhali fiha walou not9bha nmermedha meskina
bessaha habba netaalmha psk wassfa thamar lwejh fahmini ktar stp

moslihe29 · 2013-01-28, 10:58

اقتباس:

المشاركة الأصلية كتبت بواسطة أم ماجد

الله يبارك اول مرة نشوف الوصفة لم افهم الورق في الرقبة واين يتسرب الطعام وضحي من فضلك

شوفى اختى ام ماجد لو وضعت اصبعك عند رقبة الدجاجة ون الداخل راح تجدى حفرة تدخلك اى مكان الاحشاء اى فى وسطه لولم نغلق هذه الحفرة بهذا البوشون الى صنعناه راح التعمير لما نعمرها يخرج من الثقب الى منطقة الاحشاء ثم الى المرق

moslihe29 · 2013-01-28, 11:02

اقتباس:

المشاركة الأصلية كتبت بواسطة sarah1424

wallah yaatik essaha hada fan f tabkh ana rani net3alam wjatni s3iba bzfffff
wzeda ana k nadef djaja mankhali fiha walou not9bha nmermedha meskina
bessaha habba netaalmha psk wassfa thamar lwejh fahmini ktar stp

مشكورة حبيبتى حتى لو ثقبتى الدجاجة ماشى مشكل اعملى لها عملية جراحية وذالك بالابرة والخيط خيطيهالم افهم ماهو الشيئ الى نوضحه اكثر ياريت تكتبى بالعربية

moslihe29 · 2013-01-28, 11:17

وهذاالرقاق الى حطيناه من الاسفل واضفنا فوقه الدجاج بالتعمير

basmala farah · 2013-01-28, 11:25

انا فهمت كل شيء بصح وين راه حقي راكي تشهي فيا باطل

والله يعينك على داك المجهود تاع داك اليوم

مشكوووووووووووووووووووووووووووووووووووووووورة

لميس اميرة · 2013-01-28, 12:07

44444444444444444444

taranim · 2013-01-28, 13:02

اختي يعطيك صحة بصح حابة نسقسيك طاجين ديالك ماشي كيما الاخرين قوليلي كيفاه طيبتي عليه و شكرا مسبقا

كوزينة هديل · 2013-01-28, 13:06

شهيتيني ختي يعطيك الصحة

nounoudjs · 2013-01-28, 13:06

شكرا على الوصفة الجديدة

moslihe29 · 2013-01-28, 13:15

اقتباس:

المشاركة الأصلية كتبت بواسطة basmala farah

انا فهمت كل شيء بصح وين راه حقي راكي تشهي فيا باطل

والله يعينك على داك المجهود تاع داك اليوم

مشكوووووووووووووووووووووووووووووووووووووووورة

منين تجى عندى ضيفة وتباتى نديرلك واحدة وديرلك الحنة

moslihe29 · 2013-01-28, 13:19

اقتباس:

المشاركة الأصلية كتبت بواسطة taranim

اختي يعطيك صحة بصح حابة نسقسيك طاجين ديالك ماشي كيما الاخرين قوليلي كيفاه طيبتي عليه و شكرا مسبقا

اختى الحبيبة اسنى تاعى او الطاجين هو عبارة عن سنى الى يحطو فيه القهوة الى كان يجى زمان بدون رجلين لما حبيت نتعلم الرقاق وما كانش الطاجين موجود اخذت الستى وقلبته وعملت عليه ومن ذالك الوقت وانا نعمل عليه واصبح لونه اسود