أفتوني

[oprah]

السلام عليكم
ادا كانت بنت دخلت دار راجلها بكل نيه صافية و على عكس كل العرايس لخرين اللاتي سارعن قبل وصولها الي الفصل عن عجوزتهم للعيش مستقلين في البيت الواحد فادا وصلت تلك العروس الجديدة بكل نيه لتجد أنها الوحيده التي سوف تعيش مع عجوزتها ,,,,,,,,,,,
لكن كانت الصاعقة أن العروس الجديدة كانت جد فرحة أنها سوف تعيش مع عجوزتها و هنا كانت الصدمة للكناين لخرين اللاتي بدأن بالتباهي أمامها لأنهن مستقلات و يتمتعن بالحرية و و و و و
و لكن العروس الجديده لم يكن يهمها اي شيء سوي الاجتهاد في ترضية عجوزتها اللتي أحبتها حبا جما وصل الي تغير اسم العروس الجديدة الي اسم يوحي بالحب الشديد ,,,,,,,,,,,, و هنا بدأ الشيطان يلعب دوره و بدأ يوسوس للكناين السابقات ليوقعن بالعروس الجديده,
لأكن كل محاولتهن باءت بالفشل و هنا قررن أن يبدأن بالتواصل و التمثيل المستمر على عجوزتهن و الامور الى حد الساعه كلها في العادي لاني تمنيت لوكان كنا كامل محبوبات عند عجوزتنا و نكونو يد واحده
و لكن كان تقربهن من أم أزواجهن لسبب أخر ايضا و هو بالعاميه باش يدخلو تحت راسها و يدوروها عليا,,,,, بالاك تقولو ميقدروش بويسك عجوزتي تحبني,,,,,,,,,,,,,,,,,,, أنا تاني كنت نقول هكدا و هادا لي طمني و خلاني نخليهم يديرو واش حبو بويسك ضامنا عجوزتي ,,,,,,,,,,,,,,,,,, مرات نقول هادا الخطأ لي وصلني,,,,,,,,,,,,,,,
بصح هوما قدرو يدورو عجزوتي عليا............. كيفاش؟؟؟؟ ولاو بفسرولها أي تصرف نديرو بتفسير شيطاني و كل تفسير يزيد الطين بله مع العلم عجوزتي من النوع ماشي فطن و يأمن بلخف و كي يأمن يزدم ديراكت,,,,,,,,,, و يا حسرتاه,
بدات عجوزتي تتبدل معايا في التصرف,,,,, مره معاني,,,,,,,,,, مره تعيط عليا قدامهم,,,,,,,,,,, مره تحشمني,,,,,,,,,, و أنا وليت دايتها غير بكي و ولات حياة راجلي نقمه و أنا ركبني مرض و قالي الطبيب كلو من القلق,
راجلي كان يمعني ليماه برك و بالضحك باش تفهم,,,,,,,,,,,, و مرات يجرب يعاملني باحترام كبير قدامها باش تفهم هي و تحترمني تاني,,,,,,,,,,,,,,,
وصلت يماه لدرجه و لات تحرش راجلي عليا و أنا وليت نحسو يقول كلام ماشي كلامو قاع,,,,,,,,, و كل هادا يصرالي و أنا ماتي فاهمه والو,,,,,,,,,,, بصح ربي كان معايا
أنا من هاد المشاكل و ليت منخرجش من شمبرتي بويسك لوكان نخرج تديرلي يماه جات و أنا نولي نبكي و تغيضني عمري و راجلي يجي يلقا المشاكل,,,,,,,,,,,,,,,,, يعني دايره مغلقة
و هنا ولا التحراش كتر أني غير مبلعه في شمبرتي و كانو العرايس لخرين مغتانمين الفرصه في غيابي و يقربو ليها أكتر
وصلت المشاكل للنهار المشؤوم. مع أنو عجوزتي كانت تضرني بصح كلو بطريقه غير مباشره و لكن هاد المره جات لشمبرتي و بهدلتني,,,,,,,,,,,,,,,,,, علاش؟؟؟؟ و قاتلي كلام جارح بزاف و واحد مور لاخر كأنها حافضاتو, بعني متفاهمين عليه...
طيحت بقيمتي بزااااف,,,,,,,,,,,,,,,
هنا راجلي قرر باش يرياجي بصح هبت الرياح بما لا تشتهي السفن,,,,,,,,,,,,,, في نفس النهار جات أختو و دارت مشكل و ولات تعيط باش تخوفني و هو طردها و هنا ولا كامل المشكل أنو راجلي طرد أختو على جالي و مشكل لي كنت حكيتو كامل متجبدش,,,,,,,,,,,,,,,؟؟؟؟؟؟؟؟؟؟؟؟,,,,,,,,,,,,,,
علابالكم كيما يقولو مصائب قوم عند قوم فوائد,,,,,,,,, هنا كامل الاخوه و الكناين كانو مداورين علي عجوزتي و يبكو معاها و التمثيل,,,,,,,,,, أنا كنت واقفه و مدهوله والله العضيم أني مكناش مدهوله من المشكل ,,,,,,,, و لكن وليت نشوف في كامل الاخوه و نسائهم قناعاتهم تسقط الواحده تلو الاخري,,,,,,,,,,, موقف لا يحسد عليه
و طبعا علابالكم أنا كيفاش كنت نبان.............. ماشي متربيه و عروس جديده على جالها ناض العياط في الدار,,,, الحمد لله
أنا رحت لأني مانيش منافقه و منعرفش نمثل؟؟؟؟؟؟؟؟؟ و منقدرش نروح نعنق عجوزتي و نبكي لاني مغلطتش و هوما غلطو في حقي و معطاونيش فرصه اصلا باه نحكي............ راجلي كي شاف يماه تبكي قتلو روحلها فهمها بشويه و لكن هي ولات تتهرب و تقولو برك تبدلت,,,,,,,,,,,, راجلي ديما يقول علاش النسا يطلقو السم من التحت لتحت و يحسبو الراجل ماهوش فايق و كي يرياجي يولو يبكو,؟؟؟؟؟؟
شاءت أقداري انو المساله تبقى معلقه لحد الساعه يعني لا أنا حكيت و لا هوما سقساو,,,,,,,,,,,,
يماه هودت التحت عند عروستها لخري طبعا باش تبان مليحه و كامل ولاداها و كناينها مداورين بيها كأنهم مصدقو قلعوني من القائمه,,,,,,,,,, و أنا قعدت و حدي و كنت في حالة دهول برك و قعدت 5 أيام مناكلش لاني حشمت ندير لاكوكوت و يسمعوها يقولو يعني كانت برك حابه عجوزتها تخليها وحدها و راني فرحت دوكا,,,,,,,,,,, و هوما كامل ملمومين و الضحك و الكامله صدقوني صح ماشي فلم........... مع العلم أنا وحيده هنا,,,,,,, منعرش لا البلاد لا العباد,,,,,,,
يما عيطت لعجوزتي باه تقولها المشكل الحقيقي و لاكن عجوزتي ركزت برك على بنتها لي تطردت......... و بنات الناس؟؟؟ و الطامه الكبرى كي قالت عجوزتي انو أنا ماشي متربيه و أمي و أنا حرشنا ولدها؟؟؟؟؟؟؟؟؟ تخيلو الموقف
يعني ما بين ليله و نهار كلش راح , كلو من حسد و غيرة النساء
لحد الساعه راني وحدي يعني لوكان نكوت ميجيبوليش خبر حتي يجي راجلي على 6
أختو راهي تجي نورمال و تجي حتي لعند بابي و تهدر في غياب زوجي باش تبين بلي راهي تجي يصح السؤال المطروح هل عندي مشكل معاها؟؟؟؟
أكتر حاجه تضرك أنك تنضلم م يشوهولك صورتك و مام با ميخلولكش الفرصه باش تدافع على روحك,,,,,,,,,,,,, الحمد لله
كامل سلافاتي و لا واحده منهم جات حتى سقسات عليا و لا قاتلي واش كاين؟؟؟؟؟؟؟؟؟؟؟ أكيد جبدو رواحهم كامل لانهم وصلو لغايتهم مع العلم كامل كنت مليحه معاهم و واحده الي كانت وراء هاد المشكل وحمتها و وصلت بيا سيقتلها شمبرتها كي كانت حامل و هي دايره رجل على رجل ,,,,,,,,, أحتسبته كله لله
اخوانه و لا واحد منهم حاول يتدخل بالعكس كامل ستشفاو فيه لانه كان هو المحبوب عند أمه و بهاد الفرصه كل واحد يحاول يتقرب منها أكتر كانهم يبرهنو أنهم الاكتر خوفا عليها و حبا لها,,,,,,,,,,,,,,
و الان المشكله راهي داخله الشهر التالت و نحن بهاد الحال,,,,,,,,,,,,,,,,,,,,,
أنا في معضله و الحمد لله
راجلي ماهوش يحكي مع أمو و امو زادت كرهتني أكتر لدرجه مره شافتني سبتني,,,,,,,,,,,,,,
مهما حللت راجلي ياه يروحلها قالي مانيش معدب فيها و لاكن لازم نخليلها الوقت يفطنها بواش دارت,,,,,,,,,,,,لانها مآمناتوش واش كان يحكي لدرجه حلفلها المصحف و لاكن سمعت و آمنت و فضلت ناس وحدوخرين, قالي لوكان تحليها انت تزيدي تركبي التهمه على روحك و تبينيلها بلي انت صح ماشي مليحه و عرفتي غلطتك و جيتي تحلي,,,,,,,,,,,,
أنا ميهمونيش لعباد حتي و ادا مرات تغيضني أنو كل واش درتلهم و خاصه عجوزتي لي كانت تنادي الماسه وصلت بيها تسبني,,,,,,,,,,,,, علاش الناس ولات متخافش ربي؟؟؟؟؟؟؟؟؟ و علاش في دقيقه ينساو كامل واش دارلهم هاد الانسان؟؟
أنا الحمد لله على حاجه هي لي مخليتني نرقد هانيه أني لحد الساعه مازال مسمعتش مني عجوزتي حتي كلمه جارحه,,,,,,حتى كي ضرتني جبدت روحي برك
دوكا علابالكم خدايم السلافات,,,,,,,, الضحك و ووووو لدرجه أنها هاديك الي وحمتها نحتلي البارح ضو كان في جيهتي و دارتو فوق في جيهتها و أنا كنت على الضلمه حتى جا راجلي يعني ضو و حافاوني فيه يعني مكفاهمش كي راني وحدي هنا معندي حد غيرهم,,,,,,,,,,,,,, حسبي الله و نعم الوكيل
أنا يهمني ربي سبحانه,,,,,,,, ادا كانت قد جرت الاقدار ضدي ,,,,,,,,,, و أنا نيتي صافيه من الاول و لاكن كيما يقولو طلاوني بالحموم,,,,,,,,,,,, آسكو يحاسبني ربي؟؟؟؟ و على واش

[meriama13]

حبيبتي ايمان ربي يكون في عونك

ان شاء الله تكون المياه عادت الي مجاريها و تحسنت احوالكم

[قطــــوف الجنــــة]

اختي الكريمة الرسالة طويلة بصح قدرت قريتها ...انا نكلمك بالعامية كما كتبت ..المشكلة هنا ليس فقط حماتك ام زوجك وسلفاتك او زوجات اخو زوجك .بل انت ايضا..اختي انت صغيرة وهم وجدتيهم بعدك اي كبار عليك ..اختي الحكمة تتطلب منك ان تتنازلي شويا من عليائك هذا لا يعني اني اضع الظلم عليك فقط هاذي طبيعت النساء وين تروحي الغيرة والجهل والمؤامرات والدسائس ..احمدي الله ان زوجك لم ينقاد اليهن
لكن هذا لا يعني ان يعادي امه هذا شئ خطير جدا واظنك مسلمة لن تجعلي شئ يضر زوجك او يقع في الموبقات في عدائه لامه مهما كان هي امه حملته 9شهور وولدته وكبرته في فترة وجيزة يتزوج ويتنكر لها مهما كان مهما فعلت هي والدته لا يقل لها اف حطي هاذي في وذنك لن يرحمك الله وسينتقم منكم ولو بعد حين على هذه الكبيرة عقوق الوالدين ..اختي حاولي ان تتصالحي معهم اي الكناين الكبار عليك حاولي ان تجدي جانب الخلل وتحليه وتحاولي ان تتجنبيه ..نعرف ان هذه الحالات تقع في معظم العائلات لكن الزوجة الذكية الصالحة الصبورة تعرف كيف تتجنب هذه الامور ..رغم ان الزوجة الملتزمة تحب ان تسكن وحدها ليس من اجل دنيا ولكن تجنبا للمعاصي والانفراد بغير محرم ...المهم حاولي ان لا تخبري زوجك مشاكل النساء الذي تحصل بينكم وخاصة امه حاولي ان تجعلي هذا الامر بينكن ولا تملئي رأس زوجك بالوسواس ..حتى لا يتعقد فالكثير من الرجال اصابهم الجنون والتعصب وحتى كره ارحامهم من امهاتهم واخواتهم من جراء اخبار الزوجة زوجها كل شاردة وواردة ربما هي تافهة ان وصلت لرجال تصبح معضلة..اختي لا تهدمي بيتك كوني انت السباقة وعالجي مشكلك
بروية وحكمة وذكاء وحاولي إرضائهم معليش وان كان فيه عزة نفس فشويا تنازلي لمن هم اكبر منك وحاولي ان تكسبيهم جميعا كما هم كسبو ام زوجك ..اهزميهم باخلاقك ..وحاولي ان تعتذري لاخت زوجك وحاولي ان تجعلي زوجك يترضاها مهما كانت هي الظالمة ..اختي لا يوجد اجمل واحلى من الاخلاق هو الحل في انهزام الشيطان الذي بينكم ...اعذري صراحتي انا هكذا دائما حينما التقي بالنساء لا حب المحاباة او مداهنة بل اهاجمهن بقوة لمصلحتهن دائما والمثل العامي يقول خوذ راي لبكيك واضبي على قراءة القرآن والدعاء الخالص وتجني السماع الكلام الزائد ولا تعيري اي اهتمام لهذا تفلحي الدعاء الدعاء دعوة المظلوم مستجابة .....في الاخير اللهم يصلح شأن اهل زوجك وشأنك والله يسعدك ..