في عز الشتاء صور مثلجاتي للصيف الماضي

ام ظافر · 2013-01-20, 11:29

اسمحولي هذا وين لقيت الصور قلت نحطهم تستفادو منهم
هذه طورطة مثلجات بطريقة ابو حامد من التلفاز وهي مجربة مرارا وجد لذيذة ولادي هبلو عليها

[IMG][/IMG]

[IMG][/IMG]

الوصفة هي
نصنعو المورانق الايطالية (3 بيض نضربهم مليح مع شمة ملح ونزيدلهم سيرو متكون من ثلاث ارباع كوب ماء مع 200غ سكر ويغلي حتى تطلع الفقعات على السطح ) وديما المضرب يكون بسرعة كبيرة ونخلطو حتى يبرد المورانق ويولي يبرق مع الضوء والعمل يكون فوق حمام مائي في البداية ثم نخليوه يبرد

من جهة اخرى نطلعو 200غ كرام شانتي مع كاس حليب بارد جدا (كاس اينوكس )

ثم نخلطو المورانق الايطالية مع الكرام شانتيي مع بعض بالسباتيول ونحطوهم في مول يكون مغلف ببلاستيك حتى تسهل عملية تقليب المثلجات ونحطهم في الثلاجة يوم كامل يعني 24 ساعة
التزين حسب الذوق ويمكنك تعمليها باذواق مختلفة والوان مختلفة ايضا انا هنا عملتها ذوق فرولة وزدتلها ملون احمر خفيف جدا

sousou hz · 2013-01-20, 11:33

جيبلنا الوصفة رانا موتنا بسخاناااااااااااااااااااااا هههههههههههههههههههه والله روعة

الحركاتية · 2013-01-20, 12:22

الله يبارك هااااااايلة
خفي هاتيلنا الوصفة قبل ما تجي الشتاء

zhor1970 · 2013-01-20, 12:47

هاييييييييييييييييييييييييلة يعطيك الصحة في انتظار الوصفة

faizarbh · 2013-01-20, 12:47

ام ظااااااافر جيتي و الله جابك هههههه انا نديهم في الشتاء و نااكلهم هههههه بصح انا موالفة ندير وصفة ميميشة و راني حابة تعطيلي هاد الوصفة تاع ابو حامد