تفضلوا تشوفوا وتقولوا رأيكم ...................

wahoub · 2013-01-07, 14:37

السلام عليكم البنات اليكم الوصفة لكل اللي طلبتها مني

المقادير :
6 حبات بيض
150 غ سكر
150 غ فرينة
40 غ كاكاو
75 سل حليب
1 خمارة كيميائية
فانيليا

للتحضير :

تفصلي بين صفار وبياض البيض
نستعملو الصفار + السكر والفانيليا ونضربو مليح مليح حتى يعطينا خليط كريمي
ومن بعد نضيفو الحليب و الكاكاو ونرجعوا نخلطوا من جديد
وفي الاخر بعد خلط الفرينة مع الخمارة الكيميائية
نضيف للخليط شوية شوية حتى يتجناس الخليط
من ناحية اخرى
نحطوا البياض اللي خليناه
ونضيفولوا قرصة ملح
ونضربوه حتى يولي ثلج
وبعد ذلك نضيفو شوية شوية
ونخلطوا من تحت لفوق
وبعد دلك نحطوا الخليط في موول
ونخلوها طيب
بعد مانطلعوها نخلوها تبرد مليح
ونكونوا وجدنا الشربات
نقسموها في النص ونشربوها مليح مليح
وفي هاد الوقت نوجدوا la créme chantilly
الاناء اللي نخلطوا فيه لازم نكونوا حاطينه في الثلاجة
ونحطوا فيه الكريما ونطلعوها بالباتوغ
ونغطوا بيها الكيكة تاعنا مليح ونرابيو فوقها الشوكولا
وتحطيها في الثلاجة لمدة نصف ساعة ترتاح وتحكم روحها
ونتمنى تجربوها وتشوفوا كيفاش تخرج بنينة وهششششششة بزاف
بالهناء والشفاء

natacabell · 2013-01-07, 15:01

mmmmm hayla yatik esaha ou puiske ana lawla li radite alik rani dite haki nastkahwa bik machkoura okhti

أم ماجد · 2013-01-07, 15:26

يعطيك الصحة هات الرابط او الوصفة

ميمي مانو · 2013-01-07, 15:31

الوصفة بليييييييييييييييييييييييييييز