ورشة الصدر الوردي

[inasso R]

هذا الصدر إلي رايحين نخدمو عليه


وهذا بزوج ألوان
نستعمل 4 كبب خيط 4 بلون واحد أو 2 أبيض و2 لون آخر -22 من ليزانو وليبول بنفس اللونين والحاشية بنفس اللونين
نبدأ على بركة الله وأعتذر على رداءة الصورة
نشدو وحدة من ليزانو نغلفوها كامل كيما في الصورة


نطلع بأربع سلاسل

ندير 16 من حلقة



في الحلقة إلي حبسنا فيها نطلع 3 سلاسل وندير 8 أعمدة

بعد مندير 8 أعمدة نطلع بسلسلة


ونكمل وحدة بوحدة وحدة ندير فيها 8 أعمدة وحدة سلسلة ونقرص حتى نتحصل على 8

كي نعود رايحة نكمل في الحلقة الخيرة ندير 2 سلاسل ونغلق في العمود الأول وين بدينا 8 اعمدة
وهنا نكون كملنا الوردة

ضرك إلي تكون رايحة دير لون واحد دير 22 وردة
وإلي تكون رايحة دير لونين دير 11وردة بيضة و11 لون إختياري كي نكملو 22 وردة نتلقاو ونكمل الباقي
إن شاء الله الشرح يكون مفهوم
يتبع....

منعرف إلا زهري وإلا زهركم نهار حطيت الورشة جاتني صعوبات بزاف منا منتدى الجلفة مقدرتش ندخل فيه النت ثقيلة وزاد خسرلي البورتابل إلي موالفة نصور بيه المهم نوريلكم شوي وإن شاء الله تفهمو بيد منلقى كيفاش نصوركم بصورة أوضح

كيما شفتو في الصورة نجو في أحد الأعمدة 8 يعني ما بين 4 أعمدة وأربعة أعمدة نطلع بثلاث سلاسل وندير 6 اعمدة بعد ما ندير 6 اعمدة نمشي بأربعة سلاسل


شوفو الصورة إن شاء الله تكون واضحة راني درت 6 أعمدة ومشيت 4 سلاسل


شوفو بعد ما ندير 4 سلاسل نجي في 8 الأعمدة إلي بجانب الأعمدة إلي قبلها كيما في الصورة ندير 11 عمود بلفتين ونزيد ندير 4 سلاسل ونزد ندير 6 أعمدة في 8 الأعمدة إلي قدامها كما موضح في الصورة


ومباعد نزيد ندور وندير نفس الشي بين 3 و3 اعمدة ندير 6 أعمدة وأربعة سلاسل
ومباعد ما بين العمود الأول والثاني ندير غرزة حشو ونكمل في كل عمود درناه من قبل ندير غرزة حشو ونكمل هكذا حتى نطلعو في الثامنة نعود ندير غرزة حشو في العمود الأول ونكمل حاة نوصل ل11
نزيد ندير 12 ونلف لفتين وندير في وسط الأعمدة في الجهة المقابلة يعي نقرنهم ونقص الخيط


يلزم شوي تركيز باه تفهمو
المهم راني نعاودلكم التصوير باه إلي مفهمتش تفهم

اإلي حبت دير زوج ألوان تخزر للصدر الفوقاني الأصفر والبرتقالي
ديرو 11 لون و11 لون أبيض في الوردات والأناناسات أعكسوا اللون مثاا الوردة بيضاء الأناناسة نديرها لون آخر وإلي قدامها نديرها لون آخر والأناناسة بيضاء شوف الصدر الفوقاني تفهمو أكثر
أي إستفسار راني هنا

[amira79]

صحيتي يا الفحلة كلنا شوق لورشتك

[zahra30]

صدور جميلة ..... بالتوفيق ......

[inasso R]

شكرا لمروركما
أميرة غدوة إن شاء الله نتلاقاو

[amira79]

المشاركة الأصلية كتبت بواسطة inasso r

شكرا لمروركما
أميرة غدوة إن شاء الله نتلاقاو

ان شاء الله اختي ..............راني واجدة من دورك هههههههههههه

[أم ياسين الزهراء]

ماشاء الله هايل ربي يوفقك

[mimi372]

روووووووووووووووووووووووووووووووووووعة
تسلم ايديك

[djihanegirl]

يعطيك ما تتمناي كنت نستنا بفارغ الصبر كاشما واحدا توريه لن

[djihanegirl]

واش نقولك أنا معاك مي أنا عندي الخيك هاداك لي ما فيهش السلك جاي شغل حرير هل يصلح ولا لا

[وردة المنتديات]

هايل يعطيك الصحه

[inasso R]

المشاركة الأصلية كتبت بواسطة djihanegirl

واش نقولك أنا معاك مي أنا عندي الخيك هاداك لي ما فيهش السلك جاي شغل حرير هل يصلح ولا لا

يصلح البرتقالي والأصفر خدمتو بالخيط الحرير
شكرا لمرورك

[inasso R]

شكرا لمروركن

[وليد مولودية]

بارك الله فيك و جعلها في ميزان حسناتك

[inasso R]

المشاركة الأصلية كتبت بواسطة وليد مولودية

بارك الله فيك و جعلها في ميزان حسناتك

آمين شكرا لمرورك أختي

[fadilasor]

هايل ايناس ربي يوفقك اختي