وهران شكون قال ان مسابقة مقتصد و نصف مقتصد كانوا يحكموا الملفات من تحت لتحت؟؟؟

[فرناس وهران]

عندي صديقي كان في مديرية التربية يوم الثلاثاء و قيل له مسابقة المقتصد و نائب المقتصد الغيت
و مساعد تربية أجلت لاعادة النظر في شروط المسابقة
صح المسابقة الغيت و اعيد الاعلان عنها في موقع الوظيف العمومي بمناصب مختلفة عن الاولى

[j.p.sarter]

راحت بكري هذيك يا صديقي كي كان الزيت يتباع بالميترا ....وريلي اي مسؤول يجرؤ على فتح مسابقة سرا ويستقبل الملفات سرا ونحن على ابواب العام 2013 ..........راكم جامعيين محصو الاخبار قبل استعابها.

[mohamed888]

الاشاعات راهي في كل مكان
حتى هنا في باتنة قالك راهم يشدو في الملفات لكن كي رحت قالولي مازال

[و.سعاد]

مرحبا ، أحيطكم علما أن مديرية التربية لولاية عين تموشنت قد نشرت الإعلان و آخر أجل للتسجيل هو 15/12/2012 ، حظا موفقا للجميع

[athmen29]

المشاركة الأصلية كتبت بواسطة j.p.sarter

راحت بكري هذيك يا صديقي كي كان الزيت يتباع بالميترا ....وريلي اي مسؤول يجرؤ على فتح مسابقة سرا ويستقبل الملفات سرا ونحن على ابواب العام 2013 ..........راكم جامعيين محصو الاخبار قبل استعابها.

نقولك حاجة أكثر من 2013 اللي راك تهدر عليها
راك في الجزائر "وكل شيئ ممكن"

[فرناس وهران]

المشاركة الأصلية كتبت بواسطة athmen29

نقولك حاجة أكثر من 2013 اللي راك تهدر عليها
راك في الجزائر "وكل شيئ ممكن"

علايالنا باللي رانا في الجزائر
هاذ الاقاويا اخي لا تمشي معي اخي اسمي فرناس وهران و علابالي باللي كلشي ممكن
من شروط فتح مسابقة توظيف اعلانها في الجرائد كاين اعلان صاحبي و في جريدة وطنية روح انت حوس على هاذيك الجريدة و قراها و ليس من شروط المسابقة الاعلان عنها خارج حدود المؤسسة لكن الاعلان عنها داخل الادارة في مصالحها بالطرق القانونية غادي يعلقها في مكاتب الموظفين هاذا قانوني هل انت تدخل الى مكاتب الموظفين كلهم .
اخي حطيت في مسابقات من تحت لتحت لكن تحت لتحت هاذي بشروط قانونية اخي و لا يمكن لك ان تطعن فيها
راح نحكيلك من تحت لتحت مع ادارة و مسؤول بها:
سمعت انا ككل الناس ان هناك ادارة تمسك ملفات من تحت لتحت اخي رحت انا للادارة سقسيت البلونتو تاع الباب قالي ماكانش مسابقة
قتله صح راني رايح نقابل رئيس مصلحة الموظفين قعد يتقل علي ماراهش هنا غادي يطول
قتله راني قاعد نقارع قعدت نستنى حوالي نصف ساعة ثم قالي راه جا روح عنده
دخلت و اعرف انه لم يخرج من مكتبه منذ دخلت انا و كلمه البلونتو و عندما عرف انني مصم قال له ادخله
دخلت قالي جيت تحط ملف تاع الكونكور قتله واه قالي شكون قالك عليه قتله ولد خالتي قالي واش يخدم قتله يخدم حداكم في الادارة المجاورة
قالي صحة اعطيني الملف حطيت الملف و رجعت بعد فترة اجتزت المقابة و كنا في الحضور 8 مترشحين من اجل منصبين
اخي الكريم الاعلان تاع المسابقة كان في جريدة وطنية لا تصدر بوهران تقريبا و ان وجدت فان الشعب لا تهمه
ان ذهبت في الاول الى تلك الادارة و قالي لي رئيس المصلحة انها لا توجد و انا اعرف انها موجودة و اثبت انه يرفض استقبال الملفات في الاجال المحددة كنت اقوم بطعن يمكن ان يطير فيه رأسه من المصلحة
لان اخي العساس تاع الباب او البلونتوا ممكن ان ينفي انه قال ذلك او انه لم يكن يعلم بها او...لكن ان تأكدت فقط انه يوجد مسابقة و قال لك المسؤول عنها انها غير موجودة فهذا يسبب له المشاكل.
من تحت لتحت اخي بالطرق القانونية ليحمي نفسه
و ليس الطريق التي تتكلم عنها تلك قد ولت كما قال اخي تاع 2013

[jomana jiham]

في ولاية عين تموشنت الدومين داروا اعلان مسابقة التوظيف 3 ايام برك و حتى فات الحال عاد اسمعنا بيها.

[dibelghaba]

اشــــاعات فقط يا جماعة

[razed]

المشاركة الأصلية كتبت بواسطة j.p.sarter

راحت بكري هذيك يا صديقي كي كان الزيت يتباع بالميترا ....وريلي اي مسؤول يجرؤ على فتح مسابقة سرا ويستقبل الملفات سرا ونحن على ابواب العام 2013 ..........راكم جامعيين محصو الاخبار قبل استعابها.

لا لا يا أخي مازال في جزائر 2013 يتباع الزيت بالميترا و الهواء بالكيلو ولكن ,,,,,,,,,,,,, بالقانون,,,,,,,,,,, يعني يقدروا يديروا كلشي بالقانون ,,,,, يعني يقدروا يستقبلوا الملفات سرا بالقانون ,,,,,,,كيف ؟؟؟؟؟؟,,,,,,,يحطوا الاعلان في جريدة يقروها غير هوما يعني ما يسمع بالمسابقةغير هوما ،اليست سرا و بالقانون ؟؟؟؟؟؟،هذا مثال فقط و ما خفي أعظم ,,,رانا في بلاد فيها كلشي ممكن و رانا كامل جامعيين و واش قرينا في الجامعة شيء و ارض الواقع شيء أخر ,

[فرناس وهران]

صح ممكن انهم يضعون اعلان و يقدم فيه شخص واحد فقط بالقانون
اعطيك مثال بسيطا
في جريدة لم يسمع بها احد و تخصص محدد فقط
و شرط الخبرة المهنية في المؤسسة ذاتها
حط انت معا هذا بتواطئ الوظيف العمومي

[j.p.sarter]

المشاركة الأصلية كتبت بواسطة razed

لا لا يا أخي مازال في جزائر 2013 يتباع الزيت بالميترا و الهواء بالكيلو ولكن ,,,,,,,,,,,,, بالقانون,,,,,,,,,,, يعني يقدروا يديروا كلشي بالقانون ,,,,, يعني يقدروا يستقبلوا الملفات سرا بالقانون ,,,,,,,كيف ؟؟؟؟؟؟,,,,,,,يحطوا الاعلان في جريدة يقروها غير هوما يعني ما يسمع بالمسابقةغير هوما ،اليست سرا و بالقانون ؟؟؟؟؟؟،هذا مثال فقط و ما خفي أعظم ,,,رانا في بلاد فيها كلشي ممكن و رانا كامل جامعيين و واش قرينا في الجامعة شيء و ارض الواقع شيء أخر ,

معك حق لكن هذه الطريقة في التدليس في طرق الاعلان تكون ربما في للادارات والمؤسسات غير المعروفة والتي لا تاتيها مناصب كبيرة يعني منصب واحد او اثنين وليس سنويا ...لكن تاكد ان هذا الاجراء لا يكون في المؤسسات والادارات التي تقتح مناصب دورية وكثيرة مثل مديرية التربية .

[cobra31]

من التحت للتحت مركة ما دارتش