كراتان البطاطا بطريقة بسيطة من مطبخي

الوهرانية 1 · 2012-12-05, 13:38

اقدم لكن اليوم طريقتي في كراتان البطاطا طبعا تختلف طريقتها من واحدة الى اخرى لكن دائما نبحثو على الطريقة الاسرع والاسهل خاصة بالنسبة للمراة العاملة لربح الوقت تابعي الموضع وانشاء الله تستفادي منو اختي الكريمة
كراتان البطاطا

1/ في الوقت الي تكوني تقشري البطاطا حطي قدر الماء والكسكاس على النار اكيد منين تكملي التقطاع البطاطا دوائر يكون الماء بدى يغلي
حطي البطاطا في الكسكاس وخطيها بكيس وخليها تفور طبعا ملحيها ونسميها بالفلفل الاسود

2/ غلي الحليب انا استعملت تع الكيس ممكن تستعملي حليب غبرة

3/ نحتاجو ايضا الى جبن انا استعملت قطعة من هاد النوع هو جبن طري لكن كنت حاطته في مجمد لان العلبة فيها 6 قطع كل مرة نرمي وحدة او اثنين في المجمد ونجبدهم وقت الحاجة

4/ نحضر الصنية - البطاطا - الحليب مع فلفل وملح

5/ ستفي البطاطا في الصنية وابشري فوقها جبن مبشور شوية برك غادي يدوب لان البطاطا ساخنة

6/ فرغي فوقها الحليب

7/ حطيها في النار ماشي الفرن هنا دا السر غادي تغلي بسرعة وتتشرب البطاطا الحليب وماراكش بحاجة انك تضيف الحليب كل مرة كيما منين تكون في الفرن يعني مرة واحدة فقط
شةفي قبل ما حطيناها

وبعد 10 دقائق

8/ نقلعوها من النار ونرشوها بالخبز المرحي لاشبلور

والى الفرن يكون مسخن من قبل من تحت النار متوسطة ومن الفوق قاوية باش تتحمر وكي نخرجها نبشر فوقها مباشرة الجبن المتبقي

وهاهي في الصحون

كاين الاخوات الي يديرو بطاطا خضرة لكن تستهلك كمية كبيرة من الحليب

شهيتكم طيبة حبيباتي
ملاحظة / نعرف انها قادرة تكون ماشي حاجة جديدة عليكم لكن هدا منتدى وفيه مبتدئات
تحياتي

mimi ramos · 2012-12-05, 13:42

ياطيييييييييك الصحة اخت الوهرانية موالفة نديرها او جي بنينة بزاف ربي يخليك على الوصفات اختي تقبلي مروري

أم التوأم · 2012-12-05, 13:43

شكرا أختي الوهرانية على الطبق اللذيذ أظن أنه لي فأنا الأولى في الرد ههههههه
ربي يرزقك الجنة هو طبق لذيذ أنا نديرو بصح البطاطا خضرة وهذه فكرة مليحة ان شاء الله نعتمدها

الوهرانية 1 · 2012-12-05, 13:46

اقتباس:

المشاركة الأصلية كتبت بواسطة mimi ramos

ياطيييييييييك الصحة اخت الوهرانية موالفة نديرها او جي بنينة بزاف ربي يخليك على الوصفات اختي تقبلي مروري

الله يسلمك حبيبتي الغالية

الوهرانية 1 · 2012-12-05, 13:47

اقتباس:

المشاركة الأصلية كتبت بواسطة أم التوأم

شكرا أختي الوهرانية على الطبق اللذيذ أظن أنه لي فأنا الأولى في الرد ههههههه
ربي يرزقك الجنة هو طبق لذيذ أنا نديرو بصح البطاطا خضرة وهذه فكرة مليحة ان شاء الله نعتمدها

بهده الطريقة تربحي وقت وتوفري حليب لان البطاطا خضرة تحتاج باش تطيب الى كمية كبيرة المهم شكرا على المشاركة

بنت عين وسارة · 2012-12-05, 14:05

شكرا يعطيك صحة

رُقية · 2012-12-05, 14:18

مشكوووووووووووووورة

أم ياسين الزهراء · 2012-12-05, 14:24

يعطيك الصحة مواضيعك راح يفيدو بزاف المبتدات ونقلك انا نزيد معاها كرام فراش امممممممممممممممممم

الأمنيات · 2012-12-05, 14:26

ما شي شرط مبتدئات خيتي انا مانديرهاش خبرة في المطبخ بصح البطاطة هاك ما نديرهاش هههههههههههههههه
راح نجربها ونرجعلك الخبر بالصور واذا ماكلاوهاش واش ندير لها وهرانية بنت عمي ههههه
شكرااااااااااااااااااااااا فحلة تاع الصحة

zenouba · 2012-12-05, 15:01

الف شكر اختى الواهرانية الله يبارك دائما متئلقة فى وصفاتك الله يعطيك ما تتمناى
سوف اجربها و نحطها بحول الله

الوهرانية 1 · 2012-12-05, 15:05

اقتباس:

المشاركة الأصلية كتبت بواسطة zenouba

الف شكر اختى الواهرانية الله يبارك دائما متئلقة فى وصفاتك الله يعطيك ما تتمناى
سوف اجربها و نحطها بحول الله

الله يسلمك حبيبتي الغالية انتظر تطبيقك

الوهرانية 1 · 2012-12-05, 15:07

اقتباس:

المشاركة الأصلية كتبت بواسطة الأمنيات

ما شي شرط مبتدئات خيتي انا مانديرهاش خبرة في المطبخ بصح البطاطة هاك ما نديرهاش هههههههههههههههه
راح نجربها ونرجعلك الخبر بالصور واذا ماكلاوهاش واش ندير لها وهرانية بنت عمي ههههه
شكرااااااااااااااااااااااا فحلة تاع الصحة

ارسليلي ناكلها معاك هههههههه نتمنى تجربيها فعلا روعة حبيبتي شكرا على المرور عطرتي الصفحة بوجودك