مشكلة

[مشكلتي]

السلام عليكم


اتيتكم بمشكلة صديقتي مع العلم عمرها 15 سنة
عادت تبكي بزاف حتا بش تركز ماولاتش تقدر و مع انا قليلة الخبرة ماوليتش عارفا بواه ننصحها

حتى انو كي تولي تحكيلي على مشاكلها تقلي قوليلي وش ندير نبقا ساكة ومنعرفش وش نقولها
كيما قتلكم انا بطبعي دايما ساكتة ومش من عادتي ننصح الاشخاص ولا حاجة بويسك مشموالفا وزيد تانيك ماجربتش باه ننصحامن تجربتي

صديقتي عندها اختها متزوجة وخوها تانيك وخوها واحد اخر يخدم مش متزوج هي وياه في الدار باباها متزوجين يعني مش مطلقين بصح باباها متزوج واحدة اخرى وعندو زوج وحدخرين مش متزوجهم يضرب مرتو او ولادو بزاف على اتفه حاجة لدرجة انو يدخل ولادو للسبيطار او مرتو بسبت المشاكل والضرب لي يديو فيه من عند باباهم
باباهم عسكري ومن كثر الدراهم لي عندو عاد يسرف على نساء وحدخرين ونسا ولادو او مرتوا لوكان مش ولدو هو لي يخدم او يصرف على دارهم لوكان راهم ضاعو

صديقتي هادي كل صباح تجيني بمشكلة

وهي دخلت للسبيطار وقاللها الطبيب قلبك تعب من التخمام بزاف
خطرة باباها ضرب يماها ولادو ولاو يدعيو عليه

لدرجة انو ولدو ولا يدعي عليه بالموت وقال ليماه لوكان ماجاش حرام راني قتلتو بيديا

تخيلو هذا ولد يدعي لباباه بالموت


ولا عادو يلبو منو يطلق يماهم باه يرتاحو بويسك ولا غير يتسببلها

وش تنصحوها ماولاتش حاملا المشاكل او قرايتها ضاعت بسبت هكذا؟؟؟

[faty05]

لازم تصبر
و الحل بين يدي والديها
علابالي راهي صغيرة عل هذ المشاكل و انا وجعني قلبي في مكانها
هذا ابتلاء و عليها بالصبر و تحاول تغلق غرفتها و تقرا قرايتها و باذن الله ربي يفرج عليهم

[شقراء سوف]

وين راه ربي في هذا كامل ؟؟

[الدكتور سام]

كي قولت يخدم عسكري فهمت الحكاية لانو عادة العسكريين قلوبهم ميتة و خالية من الرحمة و لا يعرفون الا العنف
الا من رحم ربي
اسال الله ان يفرج كربكي عاجلا

[يوسف مهدي]

إنصحيها أن تتمسك باخوتها وأمها .وأن لا تترك هذه المشاكل تأثر عليها نفسيا وصحيا وتضع في حسبانها أنها مشاكل مؤقتة وستزول مع الوقت.وأن لكل شيء نهاية وتعلم أن هذه الأحداث ستكون مجرد ذكريات من الماضي .وحاولي أن تساعديها وتبعديها قليلا عن جو هذه المشاكل العائلية .وأفهميها أن جل العائلات تعاني من هذه المشاكل وليست الوحيدة وإذا كان هناك طبيب نفساني بالمدرسة فيجب أن تخضع لبعض الجلسات العلاجية.
هناك الكثير من الآباء من يقسوا على أولادهم وأزواجهم .إنهم يعانون من أمراض نفسية.وأن الحل في بعض الأحيان يصل إلي المحاكم نظرا لتعرض الزوجة والأولاد للمعاملة القاسية بالضرب والجرح والمعاقب عليه قانونا. فالأب أب إذا عامل بالحسني وكان عطوفا وحنونا على أرسرته حتي ولو لم يستطع الإنفاق . ربي يكون في عون هذه الصغيرة ويلهمها الصبر .وإن الله بالغ أمره ....

[lilou f lilou a]

ربي يجيب الخير

[عطر الدنيا]

هذا دافع ليها باه تقرى على روحها ودير مستقبل ليها وتفرج على ماماها هكا قوليلها