المراة و الرجل

[panpouna]

السلام عليكم
موضوع محيرني..في مجتمعنا عندما ينوي الرجل الزواج يضع شروط التي يجب توفرها في زوجة المستقبل شروط فيما يخص الشكل الحالة الاجتماعية حتى الولاية التي يريدها منها و المحيطون به و المجتمع بصفة عامة يتقل هادا الموضوع و يرى انا هاد من حقه اما عندما تضع المراة الشروط الكل يقول انها متكبرة وتبحث عن المال وووو.... رغم انا هادا من حقها ايضا ادا لمادا هادا التمييز:
ارجو منكم التفاعل

[knives55]

القوي يأكل ضعيـــــــــــــــــــــــف

كل واحد يخدم مصلحتوا رجال مدبيه تي بساهل ولمراة مدبيهاحتي هيا تفيد خلاص هذيك عقلية بكري ارواح نمولك وروح ضورك شروط

وقوانين ومشاكلومع الوقت يولي زواج أصعب من تنقيب على ذهب

[sarl02]

لكل الحق في وضع شروطه في اطار ما يناسب وضعيته ولا ترجيح لكفة احد على الاخر سواء من المراة او الرجل وكل شيء يتم بالتفاهم وبايجاب وقبول ولو ببعض التنازلات من احد او كلا الطرفين وربي اوفق الجميع.

[aminerag]

الاختلاف الموجود بين شروط المراة والرجل هو الشروط المادية المراة شروطها دائما مادية

[panpouna]

الاختلاف الموجود بين شروط المراة والرجل هو الشروط المادية المراة شروطها دائما ماديةا

الرجل ايضا شروطه مادية بما انه يدقق في شكل الخارجي للمراة و يضعه شرطا للقبول بها

[jackin]

إن مقياس الجمال عند الرجل يختلف عنه عند المرأة،
فالرجل يهتم بشكل المرأة وجاذبيتها،
ويسحره جمال وجهها ورقة صوتها وكمال أنوثتها،
أما المرأة فالجمال عندها في الرجل أن تشاهده رجلاً،
تستطيع أن تعتمد عليه وتشعر عند الاقتران به انه أهل لحمايتها،
وتلمس الأمن عنده،
فهذا هو الجمال في عين المرأة،
فجمال الشكل ووفرة المال مهم عندها،
ولكن الأولوية لأمر آخر تحتاجه ليسد النقص عنها ،
وتستمر الحياة بتكاملهما.

تنكح المرأة لأربع ...
أما الرجل فله فقط صفتين ....
ولهذا نلاحظ أن النبي عليه الصلاة والسلام،
عندما خاطب الرجل قال:

عَنِ أَبي هُريرة رضيَ اللَّهُ تَعَالَى عَنْهُ
عَنِ النبيِّ صَلّى الله عَلَيْهِ وَسَلّم قال:

" تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ "
ولكنه عندما خاطب المرأة قال:

قال صلى الله عليه وسلم:

" إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير "

فالدين والخلق هو الجمال في عين المرأة
وهذه مسألة جوهرية بين الرجل والمرأة.
فالجمال أنواع ...
جمال الشكل وجمال الحديث وجمال الهدوء .
فالدين والخلق للرجل بالنسبة للمرأة جمال ...!
الدين يعطي جمال .

" رُفِعَتِ الصُّحُفُ وَجَفَّتِ الأَقْلامُ "

[حضنية28]

كل واحد وشروطه الخاصة المراة لديها شروط والرجل عندو شروط واعتقد انشروط المراة تتلخص في شيئين اذا رات الرجل ذا اخلاق ودين فلتتزوج به بغض النضر عن الاحوال المادية

[panpouna]

الاخت asosa ادا جاك رجل دو اخلاق ودين وليس لديه عمل ولا بيت ولا مصدر نقود ليكون عائلة و يصرف عليها هل تتزوجين به

[nibrasse76]

حتى البنات عندهم ما يتشرطوا ..خاصة اذا كانت جميلة ومن عائلة لازم يخطبها 79 واحد باش تقبل وتحطم الرقم القياسي تاع رفيقاتها من الخطاب المرفوضين ...وفي الاخير يديها غير مولا الشكاره ...يعني تباع بثمن وليس تتزوج .....انا اعتقد انو اي شخص رجل او امراة يحب الدلال اذا لقى الفرصة ....
كما ان الرجل يضع عشرة شروط ...لكنه لن يجد سوى واحد او اثنين من الشروط وهذا في احسن الاحوال ....شيعه بلا شبعة برك احنا مساكن ههههههههههه

[حضنية28]

المشاركة الأصلية كتبت بواسطة panpouna

الاخت asosa ادا جاك رجل دو اخلاق ودين وليس لديه عمل ولا بيت ولا مصدر نقود ليكون عائلة و يصرف عليها هل تتزوجين به

طبعا ممكن نقبل بيه لان ممكن العمل قدياتي الى حين هو صحيح العمل ضروري لكن ليس امام الاخلاق والدين بيناتنا لوكان يجيك واحد خدام ومعندوش اخلاق وميصليش تقبلي بيه اختي الكريمة

[soso sirin]

المشاركة الأصلية كتبت بواسطة panpouna

الاخت asosa ادا جاك رجل دو اخلاق ودين وليس لديه عمل ولا بيت ولا مصدر نقود ليكون عائلة و يصرف عليها هل تتزوجين به

هو سؤال لاسوسة مي ماعليش راح نرد بديتيها هايلة الاخلاق و الدين و مكانش كيما هوما.البيت معليش الوحدا تسكن مع ماليه مافيها والو حتى ربي يفرج و يدير دارو وحدو مي ماعندوش خدمة و ماكانش باه يصرف هذا كيفاه راح يتزوج علابانا الرزق على ربي ما ماشي واحد ماعندوش باه يتحرك و يقلك نتزوج انا وحدا من الناس مانقبلش نحتاج حاجة روح عند عجوزتي نقلها و لا الشابة هو يروح عند باباه و يقولو مدلي الدراهم بزاف.زاد انا كون يقولي مانخدمش و بابا عندو الدراهم نقولو مانحتاجش لانو انا يهمني واش انت اما باباك عندو مال قارون انا واش دخلني فيه

[soso sirin]

والله هوما يشرطو و حنا نشرطو حاجة ماتعجبنيش الغاشي مايسالنيش انا الي راح نتزوج ماشي الناس و الي شايفني نشرط ماراهش يصرف عليا راني عند والديا .كاين شي حوايج نبغيهم يكونو و مواصفات و هو تاني امالا خلاص.مي نقلك حاجة اختي في التالي الواحد مايدي غير مكتوبو برك.تعلمت مانهدرش بزاف لانو الحاجة الي نكرها و مانبغيهاش دايمن نطيح فيها على هكا راني نبغي كلشي ضروك هههههههه.

[panpouna]

asosa انا الحمد لله راني متزوجة من رجل دو اخلاق ودين لكن اموره المادية مليحة تاني..و الواحد لي ما عندوش الاخلاق والدين ما نصنفوهش اصلا في خانة انسان يا اختي حتى لو كان اغنى واحد فدنيا

[panpouna]

soso sirin غير نتي لي فهمتيني المرا عندها الحق تتشرط وترفض الخطاب ادا ما عجبوهاش شكلا ولا في الحالة الاجتماعية هي حرة لانها هي لي رايحة تعيش معاه وتاني كيم قلتي كلشي بلمكتوب

[الجليس الصلح]

الزواج أخي عقد بين الطرفين الرجل والمرأة ومن حق كل طرف وضع الشروط المناسبة والمساعدة له كطرف والإتفاق سيد الموقف ليتم العقد باتراضي