هل سكن الزوجين مستقلين عن الاهل ايجابي؟

sengra · 2012-10-26, 23:19

السلام عليكم
انتشرت او عمت في الاونة الاخيرة انفراد الزوجين بسكن مستقل عن أهل الزوج و أمست مطلبا ليس فقط من الزوجة بل من الزوج أيضا
مما أخر فرص الزواج عند الرجال و أحيانا يكون حملا ثيقلا عليه اذا كان مستاجرا فقط. و هناك من الازواج من رجع الى بيت اهله لعدة أسباب.
فهل السكن المستقل للزوجين هو ايجابي ؟
شكرااااااااا

السي محمد · 2012-10-26, 23:40

يا اخي

انا نقولك الصح

دعوة شر لو نخرج من البيت الكبير

هاذ وحدها تكفيني

الوالدة قالتلي دير راد وحدك و لكن بعد ما تدفنني

لهذا ان شاء الله لن اسكن لوحدي و اتركها

و ربي يطول في عمر والدتي

الجليس الصلح · 2012-10-27, 08:30

نعم البيت المستقل هو أريح للزوجين من البيت الكبير إذا عرف كيف يوفر ما يجب توفيره تجنبا للمشاكل الأسرية والمحافظة على ود الأسرة الكبيرة
عيدك كريم

ايمان نور الجزائر · 2012-10-27, 11:00

الضرورة تقتضي بعد مرور فترة معينة من الزواج الاستقلالية عن البيت الكبير
وذلك لتفادي المشاكل والصراعات والحفاظ على الود والمحبة وليس ذلك فقط
فبمرور الوقت وانجاب الاولاد يصبح من الضروري توفير الراحة من غرفة ومكان للعب وحرية بالبيت
ويمكن تشارك البيت مع العائلة في حال وجود ابن وحيد او وجود المساحة
شكرا لموضوعك

AMEL32 · 2012-10-28, 14:32

كل حسب ظروفه لكن السكن المستقل اريح للجميع, الا في حالة واحدة يجب السكن مع الوالدين اذا كان الولد الوحيد لديهم هو المعني.

oprah · 2012-10-28, 15:19

أكيد السكن المستقل ايجابي و من تجربه خاصه
مهما تكون الام و الكنه ملاح بصح ديما تكون حساسيه و هنا لي مضرور غير الكنة بويسك الراجل ميقعدش في الدار و الام هاديك دارها
متوليش الكنة مرتاحه في كل شي حتى الطبخ و مهما كانت شاطرة بصح تولي الام واقفه عليها و ترايي عليها
هادا اتفه متال خلينا على اللبسه و الحريه في اي شيئ
بصح هادا ميعنيش انو الكنه تخلي ام الزوج الا بدعوه منها و بدعاوي الخير
و لازم المرا تصبر بويسك كيما المرا عندها اهل تاني الراجل عندو عروق و ادا كرهتيهم راكي كرهتيه
الفكره انو أنا مع السكن المستقل أكيد و لكن تاني على حسب ظروف زوجي
حاجه ما تجي بين ليله و نهار
ربي يهنينا

*قطر الندى* · 2012-10-28, 20:07

السلام عليكم
أنا ما نعارضش السكن في البيت الكبير
لكن و بكل تأكيد السكن المستقل أريح و أحسن : سواء من ناحية الإبتعاد عن الحساسية و المشاحنة بين الأطراف أو حتى من ناحية الأسلاف أو من نظرة الآخرين للكنة العاملة ........الخ
و السكن المستقل أحسن و هذا متوقف على رغبة الزوجين مع بعضهما في خلق جو جميل في بيتهم الصغير
وربي يوفق الجميع باش يلقاو السكنى .....

moonlight19 · 2012-10-28, 21:18

حتى و لو كانو اهلو ناس طيبين
حريتهم ناقصة و محدودة
افضل بيت مستقل ان امكن

moonlight19 · 2012-10-28, 21:19

حتى و لو كانو اهلو ناس طيبين
حريتهم ناقصة و محدودة
افضل بيت مستقل ان امكن

زرابة · 2012-10-28, 21:24

خويا سكن في بيت الوحدو خير والله تكون هنالك حرية اكتر خاصة في ما يتعلق بالملابس

zennaf · 2012-10-28, 21:26

كل أم تحب ولدها قدامها شوية على الزوجة وشوية على الآم وتستمر الحياة

faiza09 · 2012-10-28, 22:52

personnelement rani m3a 3djouzti ou hiya sakna b3ida 3la la ville ou ana ou radjli nakhadmou f la ville ou makhalatnache nrouhou nesouknou wadna 9atli tba3di wlidi 3lya walah rana fi la soufrance

وردة أمل · 2012-10-28, 22:57

يلا الوالدين مش معارضين فكرة انو الابن يدير داروا وحدوا و راضيين بهاذ الشي فالبيت المستقل أحسن لانو يكونوا مرتاحين أكثر من عدة نواحي خصوصا بالنسبة للزوجة ,,,,,,و نظن لبنات فهموني,,,,,

بصح يلا الوالدين ماقبلوش رضاهم هو الأهم ,,,,,,,,,,,,,,,

الكـ الطيبة ـلمة · 2012-10-28, 23:02

نعم جدا إجابية من خلال ما رأي من ترجبة اخواني و اخواتي

... بشرط أن لا يقع الزوج في المحاذير كأن يترك امه لوحدها تماما و يسكن بعييييييييدا عنها

sengra · 2012-10-28, 23:17

السلام عليكم
أغلبية النساء تفضل السكن المستقل في هذه الحالة رايحين نستورد المشكلة المصرية في ايجاد السكن و بالتالي يؤخر الزواج و ينعكس سلبا على الرجل و المراة و المجتمع.
وشكرااااااااا