البراميديكال او اعادة الباك بليييييز راني حايرة

selma07 · 2012-10-06, 07:31

السلام عليكم و رحمة الله و بركاته

نتمنى تساعدوني راني حايرة وما عرفتش واش نخير
في البداية جبت الباك هاد العام ب 14.54 و سجلت مدرسة عليا للبيطرة لكن انا حبيت الطب فعملت ترونسفار علوم المادة في ولايتي على اساس باش نقدر نعود الباك هاد العام ان شاء الله وكذلك سجلت في الراميديكال و الحمد لله قبلوني لكن الكل قالول ما تقدريش تعاودي الباك وانت تقري براميديكال لانو صعيبة بزاف و كل سمانة كاين امتحان وفي نفس الوقت قالولي ما تفرطيش فيها لانو العمل فيها مضمون وانا درك حايرة بين البراميديكال او نعاود الباك ونحقق حلمي
بليييييييييييييييز عاونوني لحد الان مازال ما سحبتش الباك نتاعي من الجامعة وفترة تسجيلات البراميديكال قريب تكمل بلييييييييييييز

العلم5137 · 2012-10-06, 07:41

هادي ترجعللك نتي والاختيار لي تحبيه وأنا من رايي تكملي تقراي براميديكال مبعد كي تكمليها عاودي الباك واقراي التخصص لي تحبيه

زهرة الجزائر 07 · 2012-10-06, 09:27

اقتباس:

المشاركة الأصلية كتبت بواسطة selma07

السلام عليكم و رحمة الله و بركاته

نتمنى تساعدوني راني حايرة وما عرفتش واش نخير
في البداية جبت الباك هاد العام ب 14.54 و سجلت مدرسة عليا للبيطرة لكن انا حبيت الطب فعملت ترونسفار علوم المادة في ولايتي على اساس باش نقدر نعود الباك هاد العام ان شاء الله وكذلك سجلت في الراميديكال و الحمد لله قبلوني لكن الكل قالول ما تقدريش تعاودي الباك وانت تقري براميديكال لانو صعيبة بزاف و كل سمانة كاين امتحان وفي نفس الوقت قالولي ما تفرطيش فيها لانو العمل فيها مضمون وانا درك حايرة بين البراميديكال او نعاود الباك ونحقق حلمي
بليييييييييييييييز عاونوني لحد الان مازال ما سحبتش الباك نتاعي من الجامعة وفترة تسجيلات البراميديكال قريب تكمل بلييييييييييييز

سلمى؟ وقيل عرفتك ههه

تلاقينا في سيدي عقبة نهار الي كنتي رايحا للدزاير تسجلي ؟

و طاحت بينا الكار اونبان ؟؟ هههه نتي هي؟؟

ايه ختي انا تاني بعثوني لجامعة هواري بومدين و درت الدوسي تاعي في الباراميدكال و نجحت
و راح نكمل في تاع الباراميدكال و في نفس الوقت راح نعاود الباك

و يكذب عليك الي يقلك صعيبة و ماتقدريش

انا العكس نعرف وحدة تخرجت و راهي تخدم قاتلي ساهلا بزاف لقرايا و الستاج كيف كيف

سيرتو العام الاول

قاتلي اغتنمي الفرصة تاع العام الاول و عاودي الباك باسكو العام الدوزيام يبعتوك برى ولايتك

و زيد كاين ناس قراو مدارس عليا و كل شي مزير و عاودو الباك و جابو الله يبارك

سقسي العضو hichem4000

المهم ختي ادا حابا تعاودي عاودي و ثيقي في نفسك و زيد نورمالمو تجيك ساهلا بزاف

انا راح نعاود ان شاء الله و ربي يكون معانا

و بون كوراج لحبيبة

زهرة الجزائر 07 · 2012-10-06, 09:32

و عن رأيي ختي ادا مراكيش حابا تاع علوم البيطرة

اسحبي الباك نتاعك من الحراش و كملي في الشبه طبي

و عاودي الباك في نفس الوقت و ان شاء الله تجيبي معدل أحسن من الأول

لانو بالفعل هاد الدفعة تاع الشبه طبي اخر دفعة العمل تاعها مضمون

و هاد المديرة تاع المعهد شرحتلنا الوضع

قاتلنا هادي اخر فرصة بلك تضيعوها من يديكم
باسكو العمل مضمون و الأجر مليح

هادي الي قتلك عليها تخرجت و راهي تخدم ما شاء الله اول عام خدمت ليهاو مع البداية و تخلص 3 ملاين و 9000 *ربي يزيدها ههه*

المهم ختي و صلي و شوفي قلبك وش يقلك

انا ليوم ان شاء الله راح نروح في الليل للدزاير باه نجبد البيلتا تاعي

ادعيلنا *ههه*

hakima.s · 2012-10-06, 09:41

khti 3awdi hadh l3am khir madamek chafya 3la la9raya ana thani ra7 n3awed