قلب الوز بطريقتي الخاصة وناااجحة 100/100

لمسة حنية · 2012-09-30, 15:54

السلام عليكم ورحمة الله وبركاته
اليوم جبتلكم قلب الوز كيما تااع يتباع برا او احسن شوي ههه شكار روحه
المهم انا تعلمت تفصيل من واحده تعلم في الحلويات تقليدية ولما جربتها
في البيت جااني هاايل

اولا المقادير كيلو دشيش_ سمدي احرش خاص بقلب الوز
قليل من السمن
مغرفة كبيرة زيت
تقريبا كيلو سكر ورايح نقلكم على تفصيل
ماء الزهر
اولا كما في صورة رقم واحد
ناخد دشيش ونحط 700غ سكر
ونخلط ثم نبلله بكاس شاي
تاع ماء زهر ومغرفة زيت ورشة ملح
ونكسكسه مثل الطعام ونتركه يبات ليلة كاملة
صورة رقم 1

صورة رقم2
في الصباح نبسس بيدينا الدشيش وناخد كاس أنوكس تاع ماء الزهرونرش مثل الطعام نكسكس يعني مش نعجن نرش
الصورة رقم 2

وبعذالك نااخد صينية تاع الكيلو
ونستف الدشيش بدون منقص ولا شيء
وندخله للفرن يكون ساخن
مثل الصورة رقم ثلاثه
الصورة رقم 3

ونحطه يطيب تقريبا نص ساعه على نار متوسطه
حتى تشوفي بداو جوانب يصفارو مثل صورة رقم رابعه
تروحي تخرجيها وتقومي بقص
على شكل مربعات وترشقي حبة لوز او كاكاو
صورة رقم 4

مبعد ترجعيه للفرن حتى تشوفيه احمر من جوانب
تزيدي تشعلي نار من فوق حتى يطيب
مثل الصورة تاليه
صورة رقم5

ومبعد تحضري 250 غ سكر مع لتر وتزيدي شوي فوق لتر ماء وتخليهم يغلو مده 15 دقيقة
ولما تخرج الصينية اسقي بلنص الكمية تاع الشربات
ورجعيه للفرن وهو ساخن
ثم عاودي اسقيه وتركيه يرتاح ليلى كاملة
وبعد ذالك قصيه ونقلكم الذوق راائع
وسامحوني على اطاله الشرح لان هكا باش تفهمو لاني انا جربت شحال من مره ومصلحليش الا طريقة هدي جاتني راائعه وكل من ذاقه عجبهم وان شاء الله يعجبكم انتم تاني
الصورة رقم6

هدي هدية الا اول شخص يرد عليا وبصحتكم
صورة رقم7

*عاشقة الجنة* · 2012-09-30, 16:00

يعطيك الصحة اختي

شرح كاف وواف

قلب اللوز هدا هبلنا لازم نجربوه عدة مرات

باه نخرجو على الطريقة الصحيحة

chaima02130 · 2012-09-30, 16:21

بووووووووركت على الشرح الوافي.

لمسة حنية · 2012-09-30, 16:25

اختى عاشقة الجنة ويماء شكراا للمروركم العطر
والله جربوه ومتندموش مش خسارة في خوتاتي

bassouma 93 · 2012-09-30, 18:10

يعطيك الصحة اختي ميرسي

لمسة حنية · 2012-09-30, 18:58

اقتباس:

المشاركة الأصلية كتبت بواسطة bassouma 93

يعطيك الصحة اختي ميرسي

شكرا حنونه على مرورك الطيب اسعدني

بشرى2008 · 2012-10-01, 08:29

بارك الله فيك

لمسة حنية · 2012-10-01, 09:35

اقتباس:

المشاركة الأصلية كتبت بواسطة بشرى2008

بارك الله فيك

وفيكي باركه حنونه على مرورك الطيب

قاتلة الصهاينة · 2012-10-01, 12:14

ماشاء الله
ان شاء الله نجرب

zahra30 · 2012-10-01, 12:31

ما شاء الله ..... خرجلك رووووعة

لمسة حنية · 2012-10-01, 12:56

اقتباس:

المشاركة الأصلية كتبت بواسطة قاتلة الصهاينة

ماشاء الله

اقتباس:

المشاركة الأصلية كتبت بواسطة قاتلة الصهاينة

ان شاء الله نجرب

شكرا حنونتي جربيه ورديلي الخبر

لمسة حنية · 2012-10-01, 12:59

اقتباس:

المشاركة الأصلية كتبت بواسطة zahra30

ما شاء الله ..... خرجلك رووووعة

شكرااا على مرووورك الطيب اختى

الأمنيات · 2012-10-01, 14:51

لمسة حنية · 2012-10-01, 22:50

اقتباس:

المشاركة الأصلية كتبت بواسطة الأمنيات

اشكركي اختى الغالية على مرورك الطيب

بريق الامل& · 2013-05-18, 19:59

يبدو لذيذ وناجح عجبتني بزاف الطريقة تاعك وطبعا جيجل معروفين بقلب اللوز عندنا واحد هنا في بلادنا الناس كامل تشري من عندو في رمضان بلاشان
نجربو بطريقتك المرة الجاية يعطيك الصحة يا لمسة الحنية

ابدااااااااااااااااااااااااااااااااااااااااااااااع

ماشاء الله وتبارك الرحمن