مشكلة عقدتني

مشكلتي · 2012-09-22, 11:44

سلام الله عليكم
انا اعاني من مشكلة حيرتني
فانا الان عمري 28 سنة اعاني من نحافة شديدة جدا كما انها لا تتناسب مع طولي الدي هو 1.81 و بشرتي سمراء
و لست بجميل المظهر
مشكلتي اني كلما اسير في الشارع احسن ببعض الخجل لنحافتي الشديدة كما اني اعجبت مرة بفتاة لكني لم اعبر لها عن شعوري خوفا من ردة الفعل
كما اني لست اجتماعي حيث في غالب الاحيان اجلس وحدي

بنت الحجاج · 2012-09-22, 14:02

صدّقـني

الجمال جمالْ الروحْ

amine2004 · 2012-09-22, 14:33

ياأخي من حيث الجمال في الرجل هه الأخلاق و الرجولة عند العقلاء أما في هذا الزمان المال هو المقياس عند النساء مهما يكون شكل الرجل أو سنه الا مارحم ربي . أما عن النحافة فحاول تعمل رياضة و الأكل الصحي و أصيك بنسان الهمم لأن الهم ينحف صاحبه.

soheib+206 · 2012-09-22, 14:54

نظم عادات أكلك فقط و راح تشوف النتيجة يا أخي

يعني كول في الوقت ما تظلش تنتش ههههههههههه

أنا تاني كنت نوزن 60 كغ أما اليوم راني 85 كغ

و أنا أقصر منك في الطول ...... إن شاء الله مشافى يا أخي

حزن بحر · 2012-09-22, 22:19

هذا ماهوش مشكل خلاص
المراة تحب في الرجل صدقه ورجولته وكلمته
ماشي زينه

milka40 · 2012-09-22, 22:37

ادخل لla salle d sport درك تزيد في الميزان

karim.dz · 2012-09-22, 22:47

اقتباس:

المشاركة الأصلية كتبت بواسطة مشكلتي

سلام الله عليكم
انا اعاني من مشكلة حيرتني
فانا الان عمري 28 سنة اعاني من نحافة شديدة جدا كما انها لا تتناسب مع طولي الدي هو 1.81 و بشرتي سمراء
و لست بجميل المظهر
مشكلتي اني كلما اسير في الشارع احسن ببعض الخجل لنحافتي الشديدة كما اني اعجبت مرة بفتاة لكني لم اعبر لها عن شعوري خوفا من ردة الفعل
كما اني لست اجتماعي حيث في غالب الاحيان اجلس وحدي

واخيرا لقيت واحد نحيف كيما حالتي ههههه
سبحان الله كانك تحكي عليا ...
شوف اخي الفاضل في مثل سنك كنت نحيف ضرك
بالرياضة جبت روحي ...
وكيما قالك الاخ اللي قبلي عاداتك فالاكل ماهيش منتظمة
يعني مالازمش تاكل من والا ونقص من ماكلة برة
راهي تجيبلك المرض ..
وافطر فالوقت واتعشى فالوقت
اما الوحدة نظن راهي دليل نيتك الصافية
وماتحبش التنوفيق هي مليحة وماشي مليحة
الواحد لازم يعاشر الناس بكل انواعهم المليح ولا الدوني ...

~~أم البشائر~~ · 2012-09-23, 12:54

النحافه المفرطه احسن من السمنه المفرطه

وهناك عده عقدات بمواد طبيعيه تصنعها في البيت تزيدلك الوزن قليلا

اما قضيه الوحده فجميل ان نتعزل الناس الا من خير ولكن ليس لدرجه الانطواء

فالمومن يخالط الناس ويصبر على اذاهم

ويصلح بلسانه ان وجد الى ذلك سبيلا

قد يتعلم احد من افعالك

واخر يعتبر من اقولك

ونحن لم نخلق لنتصوف كما يعتقد بعض الجهله

لديك خلل في صورتك الذاتيه فهي مشوهه

وفي تقديرك الذاتي فهو ناقص

عليك بكتب المرحوم الفقي حول الثقه بالنفس

وفنون التعامل مع الغير
والانظمه التمثيليه تفيدك جدا

اما عن من اعجبت بها

فليست الرجله في ان تعيش معها الحب

وانما في ان تطرق البيوت من ابوابها
وربما قد اختار الله لك خيرا

موفق ولكن ثابر ولا تياس

j-med · 2012-09-23, 15:08

انت نحيف بالفعل، ويجب ان تزيد في الوزن و لكن ليس شحم بل عضلات ، ادخل الى قاعة musculation و في عام او عامين تصبح جيد

faty05 · 2012-09-23, 21:14

اخي حاول تعدل ريجيمك الغذائي و ما تخممش بزااف راح تلقى الي تختارك لجوهرك

redonne · 2012-09-23, 23:55

واش نقولك راك مغلط روحك برك
تصالح مع روحك وتقبل الشكل ديااك راح تلقى قاع الناس متقبلاتك غي نتا راك مكبرها في راسك
اما الفتاه استخر ربي و روح اخطب لي يبغيك يبغيك بخنونتك

abdel02 · 2012-09-24, 12:27

أولا......الشبوب للنسا..
ثانيا...الراجل ماشي وجهو...الراجل دراعو..
ثالثا...البنت تنتظر راجل يحبها ويكرمها ويحسسها أنها أهم شيء في حياته...والوسامة في التعامل ورصيد المعرفة.
نصيحتي لك...عليك بغداء متوازن...فيه السكريات والكالسيوم والبروتين...
عليك بالتجوال...وترك الشمة والدخان وممارسة الرياضة بانتظام .
عليك ب 4 وجبات يوميا وتفادي الاكل بينها...

دادي84 · 2012-09-24, 12:37

كونك راجل ولا بطل خويا و بركانا مالتمسخير ....عيش حياتك قبل ما تكبر و تندم على صغرك اللي ضاع هكاك
واذا على النحافة كاين زوج صوالح الرياضة و الاكل و الله المستعان

hamza touazi · 2012-09-24, 14:07

والله ياخو غير دوك المشيانين هم لراهم عندهم لاطاي متحشمش انا مش سمين مي منداك نتمنى نكون مشيان باش نحس روحي كما كل الناس لانو الان كلهم مشيانين وعمرك ماتخجل بجسمك هدي خلقة ربي ونتا شباب ياخو
ياك متقولش مشي شباب

panpouna · 2012-09-24, 14:54

احمد ربي على الصحة و الخلقة التامة و اعرف بلي الجمال شي نسبي يعني نتا راك تشوف في روحك ماشي شباب بصح كاين بنات كي يشوفوك تعجبهم و يتمناوك كخطيب او كزوج.نحي العقد من بالك نتا راجل و الراجل في عين المرا دايما شباب