أول يوم الدراسة من سنة 2012*2013

bmaryam · 2012-09-09, 11:53

السلام عليكم،
انتهت الفترة الصباحية للدراسة من هذا العام الجديد و عدنا بعد حبورنا بالتقاء أوجه النور ولن تتصوروا مدى سعادتي الآن فدخولكم موفق مرة أخرى وكل ما أتمناه هو بقائنا نحن أعضاء هذا المنتدى مهتمين و حرصين على تبادل المنفعة العامة للاستفادة و الإفادة إن شاء الله
وأنتم كيف انقضى يومكم الأول ؟؟؟؟؟؟؟؟؟؟؟؟؟
وإلى اللقاء قريبا.

قابضة على الجمر · 2012-09-09, 12:25

كان سيئا لابعد الحدود

*imene* · 2012-09-09, 12:28

وعليكم السلام ورحمة الله

عودة موفقة للجميــع .. رزقني الله وإياكم النجاح فـي الداريـن ..
ووفقنا جميــعا ويسر لنا كل عسيــر

صراحة: من جانب لقآء الاحبة فالحمد لله،، الاجواء رائعة
ولكن بمجرد دخولي الى القسم الرياضي.. صراحة حسيت حالي غرررررريبة
وكأني داخلة بيت ضيفة والله المستعــان
وقاعدة نقول اواه لازم نبدل ماكاش منها انا ندرس رياضيات ؟؟
خاصة انو كلهم مآ شآء الله متفوققققيـن جدا
نسأل الله التيسير

عَتْمَـہとか · 2012-09-09, 12:44

بالنسبة للعودة للمدرسة من جهتي كان الأمر عاديًا نوعا ما

( أصدقكم القول أن بعض الشحنات الإيجابية التي إكتسبتها هنـآ قد ضاعت في تلك الثانوية البائسة !! )

ولكن على كل حال الحمد لله قسمي جيد نوعا ما (( أحسن بكثير من العام الماضي ))

من ناحية الفيزياء فقط انا مرتاحة أما الباقي « الله وحده يعلم»
نسأل الله التوفيق والسداد

في انتظار تجاربكم

نعمة القدوس · 2012-09-09, 12:45

للـــأسف

لا أستطيع إطالة الكلـام

فقط التقينا أستاذة اللغة العربية وكانت مقبولة

أما استاذة العلوم فلـا بأس بها

سوى حكايــة الوقوف

حيث أنها طلبت منا أننا نوقفولها لما دخلت
هادي ماخرجتش عليا هههه

ولكن إن شاء الله رايحين نتفاهموو ههه

بالتووفيق جماعة

الورود المنسية · 2012-09-09, 12:50

اكثر من رائع
الثانوية رائعة التلاميذ الاساتذة غير تاع المات
ما جتنيش على القوسطوا
واللهع المستعان اني مزروبة اسمحولي على الرد القصير

la pierre précieuse · 2012-09-09, 12:53

يوم عادي يميل الى السوء قليلا و هناك الكثير من الشرارات الكهربلئية بين التلاميد الممتازين تقبلي مروري و شكرا

نعمة القدوس · 2012-09-09, 12:58

تذكرت أمرا جيدا في قسمنا

وهو أنه فيه 25 تلميذ فقط

من بينهم 5 أو 6 ممتازين، والبقية كذلك راهم فالمستوى

في التوقيت تاعنا

عندنا نهار الأحد نقراو على الـ10
ونهار الخميس على الـ9 ونخرجو ع الـ11

فقط الشيء اللي ماعجبنيش هو أن الرياضة نديروها في الصباح علــى الـ10 يوم الثلاثاء

أنا جربتها من قبل
وهي مرهقة بعض الشيء

وفقط حاليــا

نَازِكْ · 2012-09-09, 13:27

-يوم عادي جدا تلاقينا انا وصحاباتي مطولتش معاهم بزاف قعدت مع صحبتب تاع العام ليفات
الاساتذة طلو علينا غير 2 تاع الفيزياء مليحة وتاع الفرنسي شوية جاتنا مقشطة سروالها وتمشي مشيل هايلة شخصيتها باينة 444444
بصح بيناتنا قلبي بقى عند الرياضين ورحت لمستشار التوجيه قالي نبدلك نورمال بصح خمي مليح +استاذي المفضل واينشتاين تاعنا تاعع الفيزيا طبعا طاولو يقري الرياضين اه كم انا حائرة

hanna25 · 2012-09-09, 13:34

مرحباا
بالنسبة لي وصلنا تلاقيت شوي بنات
وبدات المشاكل المراقبة العامة في لباب لازم الطابلية بدرعين وطويلة وبلا دفتر المراسلة متدخلوش وعلاه نتا وعلاه هداك هك
يعني مرض
المهم دخلنا حيينا العالم وكنت متوجهت لمبنى 2 ثانوي فقالونا سنا راكم رايحين تقراو في مبنى 3 ثانوي وزيد المدير مالف يروح لتع تاغمينال بصح هادي المرة جا لينا مش مداير عليهم ههههههههههههه
ودخلنا للقسم لعباد تاعو معجبونيش بزااف أصلا نصهم غياااب
وحكمنا استاذ الاجتماعيات لي رح يقرينا هو مليح كيما سمعت عليه بصح ملي دخل وهو مع بنتو وصحاباتها مدارش عليناا
ههههههه بنت مبعد من هذاك لغروب لميهدروش مع الغاشي
المهم ملا علينا لبروغرام معجبنيش أصلا نهونا الدوام نصف داخلي بصح بالاك يبدلوه
هيه حكيت بزااف نسكت
ادعيولي برك الاساتذة يكونو ملاح
وغدوا نكمل نحكيلكم اصلا ليوم قعدنا نص ساعة برك
بااي

dadis · 2012-09-09, 13:37

اه يا ربي
والله كنت متفائلة وفرحة باختيار شعبة الرياضيات ومتشوقة لمعرفة من معي بالقسم
الا ان ثانويتي تحبط المعنويات تماما
فاول شيء هو ان قسمي متنقل بالرغم من اني شعبة رياضيات
وثاني شيء هو ان رفيقتي جعلوها في فرع الابتدائي
والله محزن محزن
الله يكون معانا
ان شاء الله الاساتذة يكونو في المستوى
والا ساتحول منها الى ثانوية اخرى في مدينة اخرى

besma 16 · 2012-09-09, 15:22

بالنسبة للقاء الاصدقاء فالحمدلله التقينا......و بالنسة للاساتذة حضر استاذان(الفرنسية و الشريعة)..الاجواء مقبولة على العموم ..و قسمي رااااااااااائع 35 تلميذ فقط مع الكثير من الممتازين..ربي يوفقنا و يوفقكم باذن الله

{ توبة } · 2012-09-09, 15:28

الحمد لله كان يومي الاول رائعا
لما دخلت للثانوية تفاجأت بالكم الهائل من التلاميذ
و فهمت بلي تلاميذ السنة الاولى بزآآف
و ثاني صغار بزآف ولينا نبانو معاهم جوادر
بعد ما درنا تحية العلم
دخلنا للقسم و خطفت مع الاول الطاولة الثالثة
و البعد رجعت للطاولة الثانية
الحمد لله طحت مع صحاباتي كامل و قسمنا عاقل نوعا ما
قرينا ساعة علوم عند استاذة قاللولي عليها بلي فووور و البعد عند استاذة جديدة تاع فيزياء
بصح تبان طموحة
و بعدها خرجنا و رجعنا على الوحدة ولقينا بلي رجعونا نقراو على 1.30
و كي مجاش استاذ الادب خرجنا مزدناش رجعنا و خلاص يومي في الثانوية

Faraoula Fraise · 2012-09-09, 15:36

السلام عليكم

اليوم كان عموما جيد لكن صااااااااااامط رهج

مع لول وصلنا بكري بزاف زعما تشوقنا لليكول انا دشنت الليسي غي فتحو لباب رحت نجري للبناية تاعي خيرت قسم عجبني جات المركلاسة عجبتني بزاف قاتلي بنت مراقبة ايه هدي هي كلاستنا استبشرت خير

جري جري حكمت لبلاصة لولا زدت حكمت لصحاباتي ga3 بلايص مريgلين

مي راطيت الساحة فخاطرها

ليسونسيال جا أستاذنا تاع العلوم نفسو تاع العام ليفات هو هايل مي قلي اقراي الدرس هداك الطويل تاع انجازات الجزائر بعد الاستقلال gorgorzia قتلني وانا نقرا mlgrs سوطيت بزاااااااااااااف

و قالونا أستاذنا تاع الفيزيا هاااااااااااااااااااايلة روعة و تاع المات ملييح

ملا الحمد لله سلكنا هاد العام

من بعد مزدناش قرينا gsart مع صحابتي شويا مي الصماطة نفس روتين العا ليفات

مما يخلي الجو ملااائم للقراية

ان شاء الله نطرطقها هاد العام

هدرت بزاف سلام

دمعة مظلومة · 2012-09-09, 19:19

انا كنت نستنا فالدخول المدرسي غيرعلاجال باش نشوف صحاباتي ولكن لما دخلت اليوم كرهت حياتي في هداك اليسي من لما دخلت حكمتني الغمة فيه الله يجعل الخير
والحاجة الي زادت سمطت الدعوة الساعتين اللوالا قرينا فيهم علوم وطحنا عند وحد الشيخ قرانا في هدوك السوايع في زوج بالاسئلة والشرح وبعدها خرجننا وجيت لوحدي للبيت
السماااااااااااااااااااااااااااطة فاليسي وبزااااااااااااااف انا كرهت السنة الثانية مالنهار الاول
(اسمحولي حسبت روحي راني في حصة سلي همومك)