عقدة حياتي

[مشكلتي]

قد تبدو مشكلتي للبعض بسيطة إلا أنني أتعذب منها
حين كنت أدرس بالصف الثالث متوسط كنت تلميذة ممتازة و معدلي لا يقل عن 18 هذا ما دفع بأستاذتي - سامحها الله - بأن تجلسني مع أسوأ التلاميذ أملا في أن يتحسن مستواهم و يقتدو بي
كانت تجلس ورائي فتاة قمة في الوقاحة - حشاكم - و كانت ما تقراش خلاااااااص تجيب معاها الكاوكاو و تبقى توكل و مبعد كي تكمل تولي تصدر وحد الأصوااااات بأسنانها مزعججججججة جدا باش تتخلص من بقايا الطعام في أسنانها
( آسفة و لكن علي نقل معاناتي )
تصورو اننا نقراو من 8 إلى 12 و من 14 للـ 17 نعديها كاملة و أنا نسمع في هذاك الصوت :'( و كي فاقت بللي ما نحملش تعمدت تكثر باش غير تغيضني ... عام كامل و أنا متحملة لدرجة أني وليت نحب نطلع للسبورة و نكتب في مكان الأساتذة غير باش ما نبقاش نسمع في هداك الصوت و كي قلت للأستاذة قتلي مستحيل أنتي الأمل في صلاحهم ابقاي برك
هي ما نجحتش في قرايتها و تزوجت صغيرة خلاص و أنا بقاتلي هاد العقدة في حياتي
صدقوووني و الله و الله و الله أحيانا نتمنى أني خلقت ما نسمعش و مبعد نستغفر ربي و نقول الحمد لله على هادي النعمة
درك أبي بعد كل وجبة يعملها لأنو مركب طقم و يا ريت بعد كل وجبة يكون يدور يدور في الدار يهز طرف gاطو ( خصوصا هاد الايام تع العيد ) يوكلو و يبدا .... قتلو يا ابي راني ما نحملش و عندي عقدة منها و الله تجيني البكية و لحمي كااامل يشوك كي نسمعها الله غالب يقوللي راني ما نفيقش بروحي
درك ولليت نخاف كي نشوفو يوكل و أول حاجة نديرها نحط الكيت في ودني و نسمع قرآن و أحيانا أغاني
نركب في حافلة ولا .. الشباب و الناس الكل يعملوها تقول نطيش روحي من الطاقة نولي نحط صوابعي في ودني و ما نسمع واااااااااااااالو

في الباك كنت متخوفة منها خلاص و قلت لوكان يحرس علي أستاذ(ة) يعملها راني نخللي الورقة و نخرج و حبيت ندي stop bruit و لاكن نسيت
نهار الرياضيات تقول حسيت ... كنت محضرة جيدا و معولة على 20 أنا قلت بسم الله راح نبدا و الاستاذ بدا يعمل فيها و المشكلة أني نسمعها على بعد كيلومتر و حساسة جدا ليها تقول نعس الناس باش يديروها و نقلق مبعد
ما قدرتش نقوللو حشمت منو ( أنا طبعي حشامة بزاف ) و السوجي كان ساااااهل ... نكتب و نبكي
تصورو واحد يحل في المات اللي لازمها تركيز كبير و في باك قافلة ودني بكتفي الأسمن و نكتب جاني قاللي واش بيك يا بنتي ( شافني نتحرك و مقلقة حط بالاك حاجة أخرى ) قتلو وااالو
عدا الوقت كامل و أنا نبكي و هو جاب كرسي قدامي باش زعما يونسني و ينحي عليا الخوف و بدا يدير فيها
حتان عن غير قصد ضربت الطابلة و خزرت معاه و قتلو ربي يخلليك يزيييييييييييي ( توقف !!!! )
المهم ديت 14.5 في المات و هي اللي طيحتلي المعدل تيعي لـ 15 فاصل
أنا كنت حابة طب و كون نقللكم واش بعثوني تموتو عليا بالضحك : طب أسنان - عقدتي في الحياة - و درك راني معولة ان شاء الله نداوي الناس الكل باطل غير باش نقضي على هاد الآفة ( الصوت المزعج ) اللي حطملي حياتي
و الله راني متعذبة و راني نكتب معاكم و الكيت في ودني و حتى خاوتي الصغار كي نتعارك معاهم يبداو يديروها باش يقلقوني
راني قريب نمرض بودني تالمون ديما حاطة موسيقى أو قرآن فيها باش ما نسمعهاش
و الله ما راني نبالغ حاولت نعالج روحي حاولت نحي العقدة لكن مستحييييييييييل ما نحملهااااااش و ربي يسامحها هاديك الطفلة اللي كانت سبب فيها
قولولي درك . هل أنا محتاجة لطبيب نفسي ؟ كيف اتخلص منها ؟

[مراد1234]

أنت التي تهولين الأمور فقط

تعودي على سماع الصوت أكثر من مرة ولا تهربي من ذلك حتى تتعودي

بالمناسبة مشكلتك طريفة

[الفقيرة إلى ربها]

السلام عليكم

قرات الموضوع و كنت معك قلبا و قالبا الا انني عندما وصلت الى عبارة " بعثوني طب اسنان " اصبحت امسك بطني من

شدة الضحك ، اعذريني اهلا بزميلتي المستقبلية و سترين في طب الاسنان ما ينسيك في ما تسمينه بالعقدة :d

اختي، كل شيئ ياتي بالتعود شيئا فشيئا و عدم الاستسلام للفشل ، وانت ما شاء الله يظهر انك تملكين ارادة لا باس بها,
عليك بالمحاولة و لا تنتظري النتائج من الوهلة الاولى، فكيف مثلا استطعت التمكن من محتلف المواد في البكالورياـ اليس بالارادة و المثابرة؟
وفقك الله

[مبروكة الصحراء]

نقولك حاجة أختي أنت انسانة حسااااااااااااااسة جدا و يبدو أن لكي شخصية متزنةو منظمة أليس كذلك؟؟؟؟؟؟
برأيي أن الأمر يحتاج لمعالجة نفسية
الأمر عادي أطباء النفس يعرفون أمور عن نفسياتنا نحن نجلها
حاولي الذهاب لطبيب نفسي و إن شاء الله يعطيك الحل
لا تقوليلي أن زيارته مخجلة أو .......
روحي عادي و لا شوفي في الانترنت بلاك تلقاي استشارات نفسية على النت و طرحي المشكل نتاعك و ان شاء الله خير
رغم أني أرى أن المشكل في الناس الذين يصدرون هاذ الأمر و ليس فيك
تقبلي تحية أخت متفهمة لكي جيدا

[الجواهر]

لم لا تجربين اصدار الصوت بنفسك و هكذا تتعودين عليه
بدون اللجوء الى طبيب نفسي

[نجمة ساطعة]

ههههههههههههه قصتك هايلة هههههههه بيني و بينك عندك الحق كاين اصوات تجيب جلطة

و زادت حلات القصة كي لاحوك طب اسنان مليح هاكة باش تخدمي من قلبك ربي يوفقك

[islam girl]

عذرا أختي بصح والله ضخكت على المشكل هذآ

مانيش عارفة واش بيك


نقلك حاجة السبة مالا كامل من هذيك الطفلة لي قعدت وراك

بالتوفيق ليك

[staifia]

ههههههههههه والله ضحكت صح انا تاني ندير هداكـ الصوت ,,, واختي كي تكوني قدامي تقولي خاصك غير الطبل هههههه
هي تاني متحبهاش لكن الحمد لله نحيتها هاديك الطبيعة ,...

[ولد حمد الباتني]

سبحان الله العظيم
ماكنتش علابالي بلي العقدة قادر تنشا في الكبر
كيما قالولك حاولي تسمعيها وماتنفاعليش حتى توالفي بيها
هذي تسمعيها في كل بلاصة ووين تروحي
حاولي نحي من بالك انك ماتحمليهاش وجربي ديريها نتي لروحك ههههههههههههه
سبحان الله ربي قدرك وحاولي اسمعيها بلا تفاعل

[عميروش الحر]

اسمحيلي اختي بصح نضحك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه
والله غير كنت نتخيل فيك كيفاش ديري بارسكو انا تاني نتضايق مالشخير و هادوك لي يديرو الحس كي ياكلو .. بصح نورمال نتجاوزها ...
قتلتيني مين قلتي بعتوني طبيبة اسنان هههههههه ربي يوفقك ..
المهم ما تفكريش كامل فالاصوات هادوك وحاولي تنسايهم تروحلك هاد العقدة ..

[aihemsara]

ههههههههههههههه شوف الدنيا كيفاش
تولي تداوي الناس و هوما يقرقرولك في ستيهم قدامك بعد هههه
و الله غير انا تاني نكرز من الاصوات لي يديروهم و مرات نتفادى ناكل مع عايلتي غير باش ا نسمعش الاصوات هادوك
و الحمد لله الحمد لله خطيبي لقيتو كيفي لايدير هادوك الاصوات و لا يحملهم
ماعليكي غير ب ستوب بروي و خلاص

[•~ندية الجوري~•]

صدقيني حاسة بيك
هناك بعض الأصوات تزعجني جداً لدرجة تكون لي ردّات فعل لا أتوقعها ... لا أستطيع التحكم في نفسي حيالها
فقط لا احب ذكرها و لفت الإنتباه لها حتى لا يتعمدها أحد لإخراجي من سيطرتي على نفسي

الله يكون في عونك ...~

و حظ موفق و مستقبل زاهر إن شاء الله .

[~~نهال~~]

راكي توهمي روحك بانها تقلقك مع الوقت ذرك تروح

[لكحل بلال]

شخصيا أكره ذلك الصوت وأنا مثلك ،،أي شخص نسمعه يفعل ذلك الصوت نقلق منه ،،والمشكلة أقل له ذلك ....واسمعه ما لايرضيه او اتجنبه ،،والحــــــــل سيتزول المشكلة مع مرور الوقت ،

[بسمة العمر]

حتى انا عندي هاد العقدة ......و كي نسمعها نغلق ودنيا و نهرب من داك المكان كي المهبولة........لكن التحسس لهده الضاهرة تكون قوية كي تبقاي غير تعسي فيها و تتخوفي منها..لازم تنحيها من بالك ...lلا طببب نفساني لا والو حاولي تبرمحي عقلك و تهدري مع روحك وحدك وحدك ......ادا صغرتيه يصغر و ادا كبرتيه يكبر.........و ما ديريش كيتمان .....