لم اكمل العامين هربت من البارميسيو مادا افعل ؟

mahmoud yacine · 2012-08-21, 00:55

السلام عليكم خاوتي .... عاونوني ربي يجازيكم بخبرتكم لاني في سنة 1994 اعطاوني بارميسيون لم اعد الا الخدمة الوطنية مند تلك الوقت حتى الان لاني كانت عندي مشاكل وكنت متزوج ولديا ولد ولاتوجد عندي ورقة الاثبات الخدمة لاني تخليت عنها بعدم العودة واريد تسوية اوراقي مع العلم في عمري 43 سنة الان ..... لا اعرف مادا افعل وانا خائف من السجن او العقوبة عندما اعود لتسوية ملفي الرجاء افيدوني ...... لاني في مشكل عويص وشكرا لكم

mahmoud yacine · 2012-08-21, 01:00

ياخاوتي راني على النار ماتنساونيش

luky · 2012-08-21, 01:11

يا اخي هناك موضوع مثبت حول الخدمة الوطنية ربما يساعدونك فيه

مثبــت: كل مايخص الخدمة الوطنية نجده هنا ‏( 1 2 3 ... الصفحة الأخيرة)

hichamkem · 2012-08-21, 01:14

salam
khoya ana nhare ro7te renouvlite soursi ta3i sema3thom galo li fog 30 ans yatfadal
galhom fog 30 ans kamal mahma kanate wad3iya ta3o
balak ki fate 30 ans yatsahlo me3ak 3adi
w rabi me3ak nechallah

الأستاذ*عبد الحميد* · 2012-08-21, 01:19

الله يجيب لي فيه الخير

mahmoud yacine · 2012-08-21, 01:28

ربي يحفظكم يا ربي الله يعطيكم العافية والصحة

victor99 · 2012-08-21, 14:37

اقتباس:

المشاركة الأصلية كتبت بواسطة mahmoud yacine

السلام عليكم خاوتي .... عاونوني ربي يجازيكم بخبرتكم لاني في سنة 1994 اعطاوني بارميسيون لم اعد الا الخدمة الوطنية مند تلك الوقت حتى الان لاني كانت عندي مشاكل وكنت متزوج ولديا ولد ولاتوجد عندي ورقة الاثبات الخدمة لاني تخليت عنها بعدم العودة واريد تسوية اوراقي مع العلم في عمري 43 سنة الان ..... لا اعرف مادا افعل وانا خائف من السجن او العقوبة عندما اعود لتسوية ملفي الرجاء افيدوني ...... لاني في مشكل عويص وشكرا لكم

لا احد يستطيع ان يفيدك لان
البحث عنك لن يتوقف مالم تسوي وضعيتك لان ملفك الان ليس تابعا لوزارة الدفاع بل للمنازعات (المحكمة العسكرية) وانت في نضرهم عاصي انصحك بسؤال محامي خبير بامور الجيش
اذا كنت تابعا للناحية العسكرية الاولى فهنيئالك الاعفاء هذا امر اكيد لاني اعرف الكثير من الحالات وهم من اجابوني على سؤالك
ولا تنسى استشارة محامي

zaki dk · 2012-08-21, 15:51

يا خويا والله كاين واحد جارنا عندو نفس المشكل نتاعك وكان روشارشي وحكموه نهار العرس نتاعو قد قد (صبحة الدخلة ) وداوه ، حكموه وحد السمانة ولا شوية كثر ومن بعد على ما أظن شافلها معريفة وضركا راهو يسركل عادي .المهم عليك بالأطلاع على قانون الخدمة الوطنية وقراءته بتمعن فهناك ستجد عقوبة الهارب من الخدمة ومدة تقادمها وحتى اوضح لك الامر مثلا لي سرق بورطابل يعني دار جنحة والجنحة تتقادم بمضي 3 سنوات اذا لم يتخذ أي اجراء للتحقيق او المتابعة وبمضي 3 سنوات ابتداءا من تاريخ آخر اجراء المادة 7و8 من قانون العقوبات.رقم 06//23. هذا الشخص سرق البورطابل في 2008 ولم يتخذ أي اجراء في حقه الى غاية 2012 بلغ عنه الضحية فهنا تعيطلوا الشرطة ويديوه يشارع بصح القاضي يحكم ببراءته رغم أن التهمة ثابتة في حقه (جنحة السرقة) لكن القاضي يحكم ببراءته على أساس التقادم وانقضاء الدعوى العمومية (راني نقول مثلا برك ليتقرب لك الفهم)وحسب علمي انوا ميدورلك والوا والله تعالى اعلى واعلم ويربي يفرج عليك .سلام

starsharing · 2012-08-21, 20:31

أخي محمود سمعت واحد السيد العام لي فات عندك كا كيما نتايا هرب في العشرية السوداء وماولاش دار العام لي فات مشكلة كي راح الدرك لقاوه عاصي داوه للمحكمة العسكرية خرج براءة لأنه كبير وعنده ولاد هدا لنقدر نساعدك بيه وهدا خبر أكيد