سؤال حول النيسلي

مليكة01 · 2012-08-15, 04:02

السلام عليكم

اخواتي جربتو النيسلي اللي يتحول الى كراميل في الكوكوت ؟

انا خائفة حقا من التجربة

الكوكوت فيها الماء او لا و كم من الوقت ؟

قولو لي المراحل بالتفصيل اختي خوفتني من التجربة و قالت لو كان تتفجر في وجهك

lange2paradis · 2012-08-15, 04:12

hhhhhh nti raki kima kont ana lyoum derto
kounek hanya
haja lawla galei karat li lasag f laboite de nestlé
bech maybouchuch kokot
apré diri ma hata trati laboite
w baedeha baleiha normal w khaliha saa apré saa
nahih mla cocot wkhalih yabred w baed noss saa halih w bday teamri bark
b saha w raha elik
nchlhnkoun fahamtek bien

lilyana 12 · 2012-08-15, 04:24

allahe yjazike wallahe ana thani konte nhawasse kifahe ndire nesli demain inchalahe njarbha allahe yostrek wsaha shourek

مليكة01 · 2012-08-15, 10:19

شكرا لك على الرد والشرح بالتفصيل

اختي ركبتلي الوسواس كلما نجي نجرب نقول عندها الحق على حبة قاطو نتحرق
الحق عندنا واحدة في العايلة جات تفتح في الكوكوت جاتها ماماها في الطريق قالتلها بعدي خليني انا نفتحها تحرقت من صدرها
تحرقت هي و ماتحرقتش بنتها فتحتها بالغصبة ما خلاتهاش حتى تبرد
نجربها و اذا كاش ما صرا الله يرحم
صح فطورك وتعيدي بالصحة و العافية

biba04 · 2012-08-15, 10:33

اختي انا ديما نديرو هدا النيستلي مرة درتها في رمضان وكان رمضان غلبني
كي طاب نستلي بعد ساعة نحيتو وكانت هذيك العلبة منفخة رحت حليتها تفجرت في وجهي
وتحرق وجهي وش نقولك من لبكاء عيت نسكت انا قلت وجهي راح ستر ربي مجتش في عيني
امعد عالجتو بالماء بحر الميت جباتو ماء من الاردن تنحى هداك الحريق تماما ولحمد والشكر لالله
هدي تجربتي مع النستلي حبيت نخبرهالكم باش ديرو بالكم

loubna2 · 2012-08-15, 11:21

جامي تحلي حاجة وهي سخونة
الكوكوط لازم تكون تصفر وكي تغلقي عليها صبي عليها ماء بارد وكي تسمعيها تنفست اي قالت اششششششثث افتحيها او بدون اضافة الماء نحي الصفارة يخرج الهواء كامل امبعد افتحيها
ورايي كي متحبش تتحل الكوكوط لازم متحليهاش ابدا لانها متنفستش اكيد ولازم تراقبوا دوران الصفارة اثناء الطهي باش تتاكدوا
والاخت اللي انفجرت فيها علبة النيسلي لانها مخلاتهاش تبرد
يعني يا جماعة التريث وعدم التسرع والحذر مطلوبون
ربي ينجينا جميعا من الحوادث آمين

مليكة01 · 2012-08-15, 11:30

ها شفتو بديتو تهدروا في الصح

اختي عندها الحق قالتلي ضغط الكوكوت و ضغط العلبة المبلعة

كنت نغلبها بهذه الكلمة
في منتدى الجلفة راهم جربوه

تشوفني و تضحك و تقولي شحال زينتي في ذا رمضان؟؟؟؟؟؟؟؟؟؟؟؟؟ تجيب في الوقت عليا
و تزيدي تتحرقي ما نعرف وش ترجعي

omrahim5 · 2012-08-15, 11:30

اقتباس:

المشاركة الأصلية كتبت بواسطة مليكة01

شكرا لك على الرد والشرح بالتفصيل

اختي ركبتلي الوسواس كلما نجي نجرب نقول عندها الحق على حبة قاطو نتحرق
الحق عندنا واحدة في العايلة جات تفتح في الكوكوت جاتها ماماها في الطريق قالتلها بعدي خليني انا نفتحها تحرقت من صدرها
تحرقت هي و ماتحرقتش بنتها فتحتها بالغصبة ما خلاتهاش حتى تبرد
نجربها و اذا كاش ما صرا الله يرحم
صح فطورك وتعيدي بالصحة و العافية

ياختي الله لا يقدر ربي يحفظك انشاء الله ماتخافيش أنا أول تجربة ليا مع النيسلي كانت منذ 3 أيام فقط عمرت الكوكوت بالماء ونحيت الكاغط نتع لباط ولحتوا يطيب بعد ساعة خليت الكوكوت بردت جبدت لباط حركتوا لقيتوا مازال يتحرك عاودت رجعتوا حوالي نصف ساعة أخري كي برد حركتوا لقيتوا ثقيل ومنفوخ خليتوا بيرد مليح ومن بعد فتحتوا لقيتوا كارمال وراني طيبت بيه القاطو وكملت البارح لعقوبة ليك كوراج برك حنونة.نحي الهيبة من النيسلي كيما نحيتها أنا ونجحت في ذلك.

مليكة01 · 2012-08-15, 11:39

الحمد لله على سلامتك اختي biba

السلامة في الراس

كنت رايحة نوض نجربو انا قريت الرد نتاعك

لا لا خيتي واش داني نصنع قاطو اخر

ماء البحر الميت ومن الاردن!!!!!!!!!!!!!!!! انا هنا حوايج القاطو بالسيف يخرجو ويشرولنا

نتحرق تطفر فيا

مليكة01 · 2012-08-15, 11:44

شوفو كلما نقرا رد تتبدل الفكرة

بلاك بلاك نجربو كان خرجت سلامات راني نعاود نرجع واذا

وكيما قالت الاخت لالا نتفاءل و الله لايقدر الشر عليا و عليكم
ولكن الحذر صح مطلوب وخاصة في مشكلة الكوكوت

صحيتو على الردود

صح فطوركم