صديقتي

[مشكلتي]

السلام عليكم
انا شاب في الطور الثانوي
كانت لدي صديقة ثم تفارقنا فاخدت عهدا على نفسي مانزيدش نمشي لكن لم استطع الوفاء به
العام هدا جاتني طفلة صارحتني بحبها انا وقعت في حبها لكن اليوم مع العلم انها ملاحقة من الاولاد الكل يحبها
انا كي مشيت معاها صارحتها بلي باغي نكمل معاها و المشكلة هي كل يوم اجيني طفل يقولي علاه مشيتي معاها و انت تقيم طفلة على راجل.ويديرو مشاكل يفتحو عضويات باسم بنات لي يخدعوني لكن الحمد الله مقدروش و درك ايفاتنو بيناتنا و انا ماني فاهم والو
الله يستركم احتاج رايكم

[سينو91]

ياخي جيل والله فات الضياع
عادت كلمة نمشي معاها عادية والله بكري كي يسمعو هذه الكلمة تقوم القيامة على الطفلة كيما على الطفل و الآن صبحت عادية!!!!!!!!!
أخطيك من هذ الصوالح والتهى بقرايتك وخاف ربي

[Floona]

ياأخي كل هذه خرطي في خرطي
أخطيك من الأشياء هذه كيم يجي وقتها إتزوج
ربي يهدينا

[مبروكة الصحراء]

الله يهديك

[adlan18]

راك تحكي منك صح ولا فيلم هندي
الله يهدينا

[imene12]

لا حول و لا قوة الا بالله... راك مازالك ذراري واش بيك؟؟؟ شحال حاب نكمل معاها الطفلة هاذي على الاقل 15 سنة باش توجد روحك
ماشي راح تستناك أنا نقولهالك.... اخطاك من اللعب و من المسلسلات التركية و روح تقرا على روحك يا ولدي

[~~نهال~~]

لا حول و لا قوة الا بالله

انا لاافهم كلمة نمشي هاذي وش الفائدة منها ياخي البنات تهدر معاهم في القراية و تتناقشو حتى قاعدين يعني لازم تمشيو باش تهدرو اخطاك يا خويا
النوع هاذا يجيبلك غير المشاكل و العداوات

[mouna lmd]

السلام عليكم ورحمة الله تعالى وبركاته.
انت مازالك صغيييييييييييييييييييييير....
وش داك لهذو الخوايج.......... اتق الله..... وخلي بنت الناس تعيش هانية باه تهنى انت ثاني....
ربي يهدينا كامل...............

[مريم الصابرة]

السلام عليكم
يا جماعة واشبيكم كليتوه زغمى لما كتو في سنو ما درتوش اكيد درتو اكثر حتى لو تنصحوه ماشي بالطريقة هذي مرات تقول المنتدى هذا المدينة الفاضلة إحنا بشر نغلطو ونتعلمو ربي يهديكم إنتم
اخي شوف الفترة هذي اللي راك فيها مراهقة ويعني الأاحاسيس هذي إنت تظنها صداقة لكن مازظال تدخل للجامعة ومازال مواقف بزاق تمر عليهم في حياتك غنت الطفلة هذي برأيك الكل يجيري موراها برأيك حاجة مليحة نفرضو يا اخي كاين حب بيناتكم تتزوج إنت بيها وتولي كل ما تمر علي صحابك واح ديقول انا كانت معايا ولاخر يقول كانت معايا ما نظنش تقبها هذا لو فرضنا تتزوج بيها
اخي العلاقات هذو سطحيين من راي خلي الأمور كيما راهي ممكن علاقتكم تستمر وربي يكتبها الزواج بعد الدراسة لكن لو صح تحبها بعدها على كلام الناس وخافو من ربي إنت وهي تفاهمو تبعدو على بعضاكم وتقراو وتنجحو ولما ربي يكتب روح اخطبها كان شايف روحك ما تتزوجشبيها خليك من العلاقة هذي من غير راك تلايم فالذنوب بارك الله فيك وموفق اخي

[mimi jiji]

مريوووومة راني معاك
هذه مجرد فترة من حياتك وماكانش اللي مايغلطش وفي هاذ الوقت يحاسبو الطفلة ويخليو الطفل يقولولو نورمال هو طفل
المهم اذا تحبها بعد عليها بويسك راك رايح ديرلها مشاكل تخيل يعرفو تاع الدار تخلى عليك وعليها
واتخيل معايا كل مايصرا مشكل راح زعمة تتعذب وهي تاني وتنساو لقراية وتقعدو غير تخمو علاه عليك السوق الفارغ

[~~نهال~~]

المشاركة الأصلية كتبت بواسطة مريم الصابرة

السلام عليكم
يا جماعة واشبيكم كليتوه زغمى لما كتو في سنو ما درتوش اكيد درتو اكثر حتى لو تنصحوه ماشي بالطريقة هذي مرات تقول المنتدى هذا المدينة الفاضلة إحنا بشر نغلطو ونتعلمو ربي يهديكم إنتم
اخي شوف الفترة هذي اللي راك فيها مراهقة ويعني الأاحاسيس هذي إنت تظنها صداقة لكن مازظال تدخل للجامعة ومازال مواقف بزاق تمر عليهم في حياتك غنت الطفلة هذي برأيك الكل يجيري موراها برأيك حاجة مليحة نفرضو يا اخي كاين حب بيناتكم تتزوج إنت بيها وتولي كل ما تمر علي صحابك واح ديقول انا كانت معايا ولاخر يقول كانت معايا ما نظنش تقبها هذا لو فرضنا تتزوج بيها
اخي العلاقات هذو سطحيين من راي خلي الأمور كيما راهي ممكن علاقتكم تستمر وربي يكتبها الزواج بعد الدراسة لكن لو صح تحبها بعدها على كلام الناس وخافو من ربي إنت وهي تفاهمو تبعدو على بعضاكم وتقراو وتنجحو ولما ربي يكتب روح اخطبها كان شايف روحك ما تتزوجشبيها خليك من العلاقة هذي من غير راك تلايم فالذنوب بارك الله فيك وموفق اخي

خويا نقولك حاجة برك

لما كنت في سنو مادرتهاش و لهذا رح ننصحو حتى و لو باسلوب امر هكذا باش كون نهدرو بتاني يعتابرها نصيحة ممكن ياخذ بها و ممكن لا و لكن لازم ناخذوها بجدية شوي

[~~نهال~~]

و لكن في الحقيقة عندك الحق ماكانش اللي مايغلطش و لكن الحل انو مايعاودش الخطا هذا

[chou_int]

المشاركة الأصلية كتبت بواسطة مريم الصابرة

السلام عليكم
يا جماعة واشبيكم كليتوه زغمى لما كتو في سنو ما درتوش اكيد درتو اكثر حتى لو تنصحوه ماشي بالطريقة هذي مرات تقول المنتدى هذا المدينة الفاضلة إحنا بشر نغلطو ونتعلمو ربي يهديكم إنتم
اخي شوف الفترة هذي اللي راك فيها مراهقة ويعني الأاحاسيس هذي إنت تظنها صداقة لكن مازظال تدخل للجامعة ومازال مواقف بزاق تمر عليهم في حياتك غنت الطفلة هذي برأيك الكل يجيري موراها برأيك حاجة مليحة نفرضو يا اخي كاين حب بيناتكم تتزوج إنت بيها وتولي كل ما تمر علي صحابك واح ديقول انا كانت معايا ولاخر يقول كانت معايا ما نظنش تقبها هذا لو فرضنا تتزوج بيها
اخي العلاقات هذو سطحيين من راي خلي الأمور كيما راهي ممكن علاقتكم تستمر وربي يكتبها الزواج بعد الدراسة لكن لو صح تحبها بعدها على كلام الناس وخافو من ربي إنت وهي تفاهمو تبعدو على بعضاكم وتقراو وتنجحو ولما ربي يكتب روح اخطبها كان شايف روحك ما تتزوجشبيها خليك من العلاقة هذي من غير راك تلايم فالذنوب بارك الله فيك وموفق اخي

بارك الله فيك أختي مريم أحسن رد فقد راعيتي المرحلة و السن
إنها مشكلة المنتدى هده الردود المثالية
لي يشوف الردود يقول هدو الناس يسكنو في بلاد وحد أخرى غير الجزائر ههههههه
صح فطوركم

[البلبلة]

علاه كليتوه هكدا

راهو طالب نصيحة مشي اوامر وسخرية

اللي عندو نصيحة ينصح واللي لا يسكت

بركاونا من المثالية

بلادنا وشعبنا ونعرفوهم

[Floona]

والله عندكم الحق هو يحوس على حل وإحنا كليناه

مشكلتنا هي لا مثالية لا والو بصح الواحد منا كيم يكبر يعرف أن كل هذا لا معنى له

يا أخي ننصحك أنه كل هذا ماهو إلا تكسار الراس زايد راك في فترة مهمة من حياتك

أدرس وإبني شخصيتك وثقف نفسك صلي أوقاتك فالمسجد ومارس رياضة تفرغ فيها طاقتك الزائدة

صدقني لن تجد الوقت للوقوف في الشارع المليء بالفتياة والمغريات أعلم أن هذا صعب وكثير لكن مسيرة ألف ميل تبدأ بخطوة

والإنسان يخطئ عادي المهم يعرف خطأ تاعو

أنت تحبها ولكن هل تعلم أن الحب غير هذا

أنت تحب شكلها الخارجي ومظهرها الخارجي تسريحة شعرها ضحكتها وطريقة مشيها

تحبها لأنك دائما تجدها متعطرة وقمة فالأناقة تحبها لأنها الشخص الوحيد الذي فهمك وسمع كل قصصك

وتحمل في بعض الأحيان غبائك فلتعلم أنه كلنا نحب هذا الشخص ونبحث عنه والذي لاتعلمه أن الحب مواقف

فالشخص الذي يحبك يجب أن يتحملك في أي حال من الأحوال وتجده دوما معك في فقرك وغناك ضحكك وبكائك



المهم إنت درك إجبد روحك بالشوية ومتسمعش لصحابك