هل أنا وقحة

[مشكلتي]

السلام عليكم

ربما ستكون قراءتكم لهذه المشكلة سببا في إستغراب الكثيرين ، لذلك أستحلفكم بالله و نحن في هذا الشهر الفضيل أن تنصحوني ، فأنا حقيقة أكاد أجن من وضعي الحالي .......و في بعض الأحيان أتخيل نفسي مصابة بإنفصام الشخصية
أرجوووووووووووووكم ساعدوووووووووووووووونــــــــــــــــي

لا أخفي عنكم أنني إنسانة ناجحة في دراستي فقد كنت متميزة دائما ، وياما سمعت التشكرات من الآخرين

كما أنني محظوظة في العديد من الأمور و الحمد لله و لطالمل أردد......أنا ربي يبغيني

إذا تعرفت علي أبهرت بطريقة تعاملي مبدئيا ، وقلت عني ماشاء الله إنسانة عاقلة

مايخفاش عليكم أنني نعرف نتكلم إذا أردت أنا ذلك......نعرف نقنع الآخر و نجبدو بالهدرة حتى يقولي سرو ،وقدحدث معي هذا كثيرا حتى أنه لا تكاد الفتيات يتكلمن معي و يتعاملن معي من حين لآخر لاجدها تحكي لي سرها و تقول لي بينانتا .....(على كل أنا لا أفشي الأسرار ) لكن ما أردت التنبيه له من هذا الحديث هو أنني موضع ثقة لدى بعض الزميلات ....

و المشكلة أين؟؟؟؟؟؟؟؟

المشكلة هي أني بالطول نمل من هذه العلاقة و كل ذلك بسبب مللي من الآخرين و شعوري أنهم غير مفيدين لي لكن مانبينلهمشي الله أعلم علاه

ومرات نحس بلي أنا خير منهم في كثير من الأشياء و ياويل من يبين لي بلي راني نغلط و لا مانفهمش حاجة .يبدأ الحقد يجتمع لدي ذاخليا و لكن ما نبينش بصح تلقايني نخمم كيفاش دار هاك وعلاه ..و الله غير نخلفها.....

و في الدار وليت منارفيا دايمن مع اللي أمي دايرتني لا يتكل علي نحاول نبينلها بلي راني نعرف هذك الحاجة و هي تقولي ماشي هاك مع اللي حنا متربيين مع النكد وواحد مايصبر للآخر يحبو كلش عالواجد و إذا قلتيلهم أصبرو يقولولك راكي فينيونت (كسولة) ومش حابا ديري هذك الحاجة وتبدا المشاكل هوما ينتقدوا و انا ندافع على روحي و مانسكتشي سوا مع أمي ولا أبي و لا خواتي
حتى ولاو يقولولي راكي وقحة ومغرورة
فهل ياترى انا كذلك
كيفاش نتخلص من مشكلة الملل من الآخرين
ونتخلص من المشاكل مع أهلي
أرشدوني بالله عليكم كيفاش ندير ؟؟؟؟؟؟؟؟؟؟

قولوا أي شيء لعله يفيدني لا تبخلو علي بالرد

[أم البشائر]

في الشخصية جوانب فطرية او بالاحرى بييئية

واخرة مكتسبة يمكن مثلا ان نقلل من حده الغضب ووو


لا اظن ان لديك مشكلا نفسيا


فقط بعض الغرور الذي تولد من تواجدك مع فة ربما اقب منك من الصديقات


وتحتاجين تعلم فنون التعامل مع الناس والله اعلم



تابعي هذه الاجزاء

https://www.youtube.com/watch?v=V_VXfSas1Zc

[lola-lola]

كل واحد وطبيعتو حاولي تبدلي روحك مداخل وشوفي كل حاجة بإجابية ......وصفي نيتك كلش يسهلك
سلالالالالالالامو

[وسام المؤمنة]

ابتعدي عن الافكار السلبية وحسب

[هدى البوزيدية]

نحي من راسك الأشياء السلبية

[النجمة القطبية]

ربى يصلحلك الحال
يعنى انا ما بانليش غرور
اما كونك تملين من الاخرين سريعا فاعتقد لان نية الصداقة غير موجودة من الاساس
اصلحى النية مع نفسك ومع غيرك تنصلح امورك
وبالتوفيق

[أم معاذ أم معاذ]

أختي بالنسبة للملل من الصديقات ممكن أصبح عندك بعض الغرور وناتج عن الثقة الزايدة بالنفس
يعني ربي يحبك و يسرلك أمور كثيرة ما تتماديش و تقولي أنك ما تغلطيش و أنو ديما الناس الأخرى على خطأ
يعني كي تخطئي إعترفي بالخطأ
و ربي يصلح الأحوال و يحسن أخلاقك أكثر و أكثر

و بالنسبة للعمل في الدار الأمهات الكل يتقلقو كي تقولك تخدمي حاجة عجلي و أخدميها خاصة إذا كنتي قاعدة و لا تتفرجي
لازم تحسي أمك أنك تحبي تسارعي بمساعدتها مش تثقليها حتى أنا أمي تتقلق كي نبطاو ما نخدموش حاجة طلبتها

أما إذا كنت مشغولة بأمر آخر مهم
توقفي ثواني وقلها بضحكة درك نزرب نكمل و نجي نديرلك وش تحبي و بضرافة
واحد ما راح يتقلق عليك و ما راحش تكون مشكلة

و الإنسان ديما يتبع

قل لعبادي يقولو التي هي أحسن إن الشيطان ينزغ بينهم

يعني مش يقول الحسن برك لكن يقول أفضل الكلام حتى يقفل الباب على الشيطان لعنة الله عليه

أرجو أن أكون أفدتك

[مراد مجد]

"]نت غير ملزمة لارضى جميع الاطراف، ولكن من الممكن ان تحاولي منح نفسك فرصة لتغير آراء الناس حولك وذلك بالتحدث معهم بصراحة.

[إيمان إيمي]

السلام عليكم ورحمة الله وبركاته ..

حبيبتي أظن أن لديك ثقة زائدة في نفسك تطورت الى نوع من الغرور

هذا ليس مرض نفسي ولكن اذا لم تضعي حدا لهذا فستتطور حالتك إلى التكبر وبذلك تؤثمين

غاليتي لا تظني أنك أفضل من الآخرين فلربما هم لديهم محاسن ليست لديك ولكن ثقتك في نفسك أعمتك عن ملاحظة هذا

إذن حبيبتي لا تنظري إلى الآخرين نظرة احتقار فمهما كانوا يحبونك ويرتاحون لك سينقلبون عليك يوما ما

فكل شيء سيظهر واضحا جليا مع الوقت ... طبعا إذا لم تضعي حدا لتصرفاتك

صحيح أنت ممتازة في الدراسة وووووووو .... ولكن هذا لا يعني أنك الأفضل

فهناك من هو أفضل منك ... تعجبني ثقتك في نفسك ولكن كل هذا لديه حدود يا حبيبتي

فحاولي وضع هذه الحدود ..

تقبـــلي رأيي فأنا صارحتك

[ولد حمد الباتني]

اهلا بيك
بما انو علابالك بلي راك تغلطي ولكن ماتشتيش هادي يسميوها عزة النفس
مادام علابالك بلي راك تغلطي وكاين حوايج ماتعرفيهمش لازم تولفي روحك انك تتعلميهم وعادي
لنو مهما يكون افنسان فاهم كاين بزاف حوايج فايتينو

[مريم الصابرة]

السلام عليكم اختي صحا فطورك إسمحيلي نقولك والله اول جملة قريتها حسيتك مغرورة وإسمحيلي ف هذي الكلمة علاه لانو الإنسان مهما يدير مهما يكومن مليح مهما الناس تتحبو يخليها في قلبو وما يحكيش عليها وا يشوف روحو على الناس إنت دايرة ثقة في روحك كبيرة بزاف بزاف وتشوفي الناس كلها اقل منك حتى اهلك يا اختي لازم تواضعي ونقصي من الثقة الزايدة ولازم دايما حوالي تتعلمي امور لانو الدنيا مهما تتعلمي ماازالك تزيدي ما تقوليش نعرف ونعرف ما تعرفي والو الصراحة وكلنا هكطا سامحيني كان كلامي قاسي لالا لازم تشوفي نفسك كيفاه تعاملي غيرك لانو غرورك ممكن يخليك تفقدي ناس بزاف موفقة اختي

[جنة الورد]

هو غرور عزيزتي ..

حاولي ان تري الناس من خلال نفسك

و اسالي نفسك هل تقبلي ان يعاملك الاخرين بمثل معاملتك

و استعيني بالدعاء و قراءة القران عل نفسك تلين

و ربي يفرج عليك و يريح بالك اختي

[لحن الفرح]

اختي اشغلي وقتك اتعلمي اشياء تفيدك في المستقبل .

[مبروكة الصحراء]

المشاركة الأصلية كتبت بواسطة جنة الورد

هو غرور عزيزتي ..

حاولي ان تري الناس من خلال نفسك

و اسالي نفسك هل تقبلي ان يعاملك الاخرين بمثل معاملتك

و استعيني بالدعاء و قراءة القران عل نفسك تلين

و ربي يفرج عليك و يريح بالك اختي

ردي هو هذا الرد من أ إلى الياء سبحان الله تقول تفاهمنا كفات و وفات أختي جنة الورد
ربي يفرج اختي

[أم عبد النور]

أنت مغرورة جدا أختي كريمة ومتعالية أيضا

سمحيلي أنت من طلب أراءنا وهاذا ما لمسته

من خلال كلامك وديري في بالك الكمال لله

ودنيا دوارة أما اذا قالك واحد من عائلة كلمة

ترديله صاع صاعين ......راجعي نفسك ونتمنى

فترة من حياتك تغيريها لما هو أحسن لك وما دمت

غير راضية عن أفعالك فهذه بداية التغيير باذن الله

ربي يوفقك وكل النجاح ان شاء الله