الى كل بيولوجي حاب يفتح مخبر تحاليل طبية

mokh016 · 2012-08-04, 16:44

السلام عليكم ورحة الله تعالى وبركاته.اخواني واخواتي رمضان كريم ,حاببن انور عليكم باقتراح وارجوا هذه المرة التفاعل التام وليس كلام على الفاضي .نظرا للظروف القاسية والمزرية التي نعيشها نحن البيولوجيون في الجزائر .وعلى اثر قساوة المعيشة قررت ان نفتح انشاء الله مع بعض صفة من منتدانا الغالي صفة او قسم لنا هذا بعد اذن الادارة طبعا .يجب علينا ان نتحد ونطالب الحكومة باعطائنا ترخيص لفتح مخبر للتحاليل الطبية .وذلك كل واحد بيولوجي يخدم معه 5 او 4 بيولوجيون وبهذا يقص الععد وتتوفر اليد العاملة .مثلا في السعةدية رئيس المخبر ليس ب صيدلي او طبيب بل بيولوجي .والطبيب ماذا درس حتى يمسك المخبر فله وظيفته الاصلية وهي الطب وبالتالي توفر منصب في المشفى.واما عن الصيدلي ماذا درس ؟وله مهنته وهي الصيدلة .وبالتالي توفر المنصب في المشفي ؟لماذا هذا السكوت ,والحمد لله توجد تكنولوجيا الان وكل شئ لماذا لا نتواصل دائما واليد في اليد نبي بيولوجيا قوية في الجزائر ربما نلحقوا بها وانشاء الله والاكيد اخوتنا لي جايين ورانا راح يستفادوا .وفي الاخير كل شئ راح يزول ويبقى وجه ربي العظيم يارب صبرنا على محنتنا هذه.اخوكم البيولوجي مختار .
واذا اردتم فتح صفة في الفيسبوك اخبروني فلدي اراء انشاء الله تفيدكم وافيدوني انتم ايضا اخوتي في الله .

sahabet khir · 2012-08-04, 17:07

.....................

mokh016 · 2012-08-04, 17:56

اولا اخي وليس اختي يخي راكي مفرنسة mokh016 راهي راجل وتانيا اكتبي عربي ولا فرنسي باش نفهمك اوكي وثالثا مراقبة جودة ونوعية يقدر يفتح اذا تفاهموا اوكي وداروا طلب لانهم الوحيديين لي قراو على المخبر .وراني كاتب تفاعل مش ندبروا وشكون لي يفتح راني درت بيولوجيا ما درتش التخصص .وشكرا على الرد

faty05 · 2012-08-04, 23:57

اخي انا من رايك

mokh016 · 2012-08-05, 00:16

نظن بلي الموضوع يغلق خير على حساب ما نشوف

marouko1 · 2012-08-05, 05:12

السلام
بارك الله فيك
أنا مؤيدة

adel90 · 2012-08-05, 06:17

فكرة جميلة أرجو من المعنيين بالأمر أن يسهلو ويوفرو مخابر التحاليل

sahabet khir · 2012-08-05, 08:19

.....................

imene92setif · 2012-08-05, 11:03

السلام عليكم انا نظن هذي فكرة جد روعة وهكذا اوموا يطلع المستوى تاع البيولوجي ويوليو يشوفونا بنظرة احسن من قبل وانا بدوري نشكر الاخ الكريم اللي خمم في البيولوجيين كامل ونطلب من باقي الاعضاء انو يزيدو يشجعو الفكرة اكثر سلام وبالتوفيق

حنان89 · 2012-08-05, 11:13

فكرة جيدة .....انا من المؤيدين .....لكن ماهي الخطوة التالية ؟؟..نتمنى انو البيولوجيين يتفاعلو معانا هنا

hasouna · 2012-08-05, 14:08

lhadi lhaja madabina kamal mais je pense pas rayah yji hadak nhar li tetla3 b l biologie f pladna en tt cas jspr et je suis avec vous

mokh016 · 2012-08-05, 19:02

اولا والله تم والله فرحتوني كي هدرتو مليح ولكن لدي شروط اما الكتابة بلعربي فقط او الفرنسي فقط ’خلونا من الفرنسي المعرب .هذا والخطوة التالية هي التفاعل كي نشوف كاين التفاعل لانوا يكمن السر في التفاعل نتاعكم هذا اولا ةارجوا لي يهدر يقول التخصص نتعاو انا اسمي مختار .تخصصي مراقبة جودة وتحاليل

mokh016 · 2012-08-05, 19:05

خلونا من الناس لي تكتب نقاط وتروح وتهدر على الفاضي .انا حبيت نكتب في منتداي الغالي .لدي منتدى ومحبيتش نكتب فيه ’لانكم ناس بلادي ’يالا لنتفاعل شعاري الجديد هو #صناع حياة البيولوجيا#

mokh016 · 2012-08-05, 22:28

مشاء الله 186 مشاهدة والله مالا الناس دور تخدم

طالبة الرضى · 2012-08-05, 23:06

الفكرة مليحة بصح شكون اللي رايح يبدل القانون قالك البيولوجي ما يقدرش يحل مخبر وحدو
والله رانا مهمشين الواحد عندو مدة وهو متخرج بلا نتيجة بصح ربي يكون في العون
اؤيد الفكرة 100/100 ومشكور على الاقتراح