BR annaba 3andhom problem M3a les universitaire

[chloroplaste]

galouli glati ki 9riti si non tu a eu ton carte jaune bond de battard je sais pas il reste derrier leur bureau et il disent aaaaaaa qui va defendre le pays ida 3itinelek el i3faaa w homa labbssine des combats w 9a3dine fi des bureau w el khiwa Te3 le service milliatire yjwzo fiha fi eljbel

[miyahydrau]

wallah 3andk 7a9 houma klab wlad klab w 7okouma ta3 klab ta3 ljami3a 9raw bah Y3agbo l3skar W nas les teddi fi drahm 3lla khadmathom m3agbinha ragda wtmanji tfo 3la had lblad w li 7at l9awanin faha

[khalede250i]

wallah sah ana tani kamalt fi 2009 w ma habouche yehkmo 3lia dossier ta3 i3faa walah karholi hyati

[scarface13]

المشاركة الأصلية كتبت بواسطة chloroplaste

galouli glati ki 9riti si non tu a eu ton carte jaune bond de battard je sais pas il reste derrier leur bureau et il disent aaaaaaa qui va defendre le pays ida 3itinelek el i3faaa w homa labbssine des combats w 9a3dine fi des bureau w el khiwa Te3 le service milliatire yjwzo fiha fi eljbel

ya khouya prck hna kréna f l'université w kréna gratuitement + la bourse+le transport+ la restauration + l’hébergement cé pour ça rahom habine yekhelfouha mena w 3la biha li makaryench may3agbouch service voila le systéme kifah raho yetmecha

[scarface13]

li krénah nkhelsoh f jbel w lgaréta

[rima_manaa]

عمرهم ماراح يشوفوني عندهم ههههههههههه

[YACINE ESM]

قالوها قدامي ونزيد نقولها انا
و الله مارحت للحشوة الوطنية

[chloroplaste]

jai mis un dossier de soutien de famille walah tres complet galek mjaweztech la visite tu peut pas bénéficie men heda al 9anoun apres 9oltelhom wech la solution 9ali makench 3andek hall imaginé toi une damme walahi un homme c'est pas une femme 9atli makench mossamha dork rak tale3 tale3 merde et un autre beyna Ma3rifa yakhdem fi BR ni corps ni decor 9ali chkoun y defender 3la el bled njibo el twanssa w lybiya bond de nulaire je reste tt ma vie en chomage w manrohech parceque 3andi el hak fi i3faaa vive l’Algérie w saha ba3d el ftor

[مجيد 88]

هههههههههههههههههههههههههههههههههههه البيار تع عنابة كامل يشوفوا فيرواحهم منهم هم وحبست الدنيا هههههههههههههههههههههههههههههههههههههههههههههههههه

[zohirgeo]

يا جماعة الثورة في العاصمة اللي باغي يجيب حقوا من هاد الدولة ...........ادا باغي تبدل من نظام الفاسد لازم نضحوا .........قالك ليفني راه باغي يخلطها الجزائر بصح لي راه باغي يخلطها راه باين شكون............ايها الشباب اول خطوة هي التحرك في جامعات الجزائر ...و هذا لقرب المسافة و كثرة الطلبة...........الخطوة الثانية التحاق باقي شباب الولايات المجاورة و نقم يالاحتجاجات السلمية ...........و الله معانا و ان شاء الله رايحين تشوفوا النتيجة غادي تفاجئكم .

[ليث الاوراس]

السلام عليكم
يبدو أنكم فتحتم باب الفتنة
الدي درس فلنفسه والدي لم يدرس فعليها
هل تعلمون معنى الخدمة الوطنية "والله عيب "
تتبعو في الفتانين والناس اللي ماقراتش
ياخي قريتو علاه راكم خايفين ولا أنانيش والفتو راقدة وتمونجي
قالو هاداك في الجامعات "عيب عليك في رمضان "
واش خصها بلادنا "ولا كيعاد نقصت فينا الرجلة نرجعو نهربو للفوضى وفساد البلاد"
رانا كيما نديرو حنا لجامعيين لفوضى "يعني نحكمو بلادنا من اليد لي توجع " على جال باطل واش يقول لغرب واش تقول لخنزيرة
مالا أنعلو الشيطان راكم رجال وزيد قاريين
هاد السارفيس راه حق لبلاد والمستضعفين فيها من نسائنا أطفالنا وشيوخنا
باه كاشمن وصل لبلاد حتى بكلمة ونودينا للدفاع عنها لانختبئ وراء النساء ونبدء بالتحسر "يا ليتني"
ولي قرا راهو يفوتها بانكس فهل ترضون ان يفعل بنسائنا وبناتنا وامهاتنا كما فعل في العراق ?
الراجل يجاوبني
المهم كونو رجال وماتكونوش قطيع غنم موجه بلوحة المفاتيح
الفاهم يفهم والحاضر يبلغ الغائب
وصح فطوركم

[chloroplaste]

المشاركة الأصلية كتبت بواسطة ليث الاوراس

السلام عليكم
يبدو أنكم فتحتم باب الفتنة
الدي درس فلنفسه والدي لم يدرس فعليها
هل تعلمون معنى الخدمة الوطنية "والله عيب "
تتبعو في الفتانين والناس اللي ماقراتش
ياخي قريتو علاه راكم خايفين ولا أنانيش والفتو راقدة وتمونجي
قالو هاداك في الجامعات "عيب عليك في رمضان "
واش خصها بلادنا "ولا كيعاد نقصت فينا الرجلة نرجعو نهربو للفوضى وفساد البلاد"
رانا كيما نديرو حنا لجامعيين لفوضى "يعني نحكمو بلادنا من اليد لي توجع " على جال باطل واش يقول لغرب واش تقول لخنزيرة
مالا أنعلو الشيطان راكم رجال وزيد قاريين
هاد السارفيس راه حق لبلاد والمستضعفين فيها من نسائنا أطفالنا وشيوخنا
باه كاشمن وصل لبلاد حتى بكلمة ونودينا للدفاع عنها لانختبئ وراء النساء ونبدء بالتحسر "يا ليتني"
ولي قرا راهو يفوتها بانكس فهل ترضون ان يفعل بنسائنا وبناتنا وامهاتنا كما فعل في العراق ?
الراجل يجاوبني
المهم كونو رجال وماتكونوش قطيع غنم موجه بلوحة المفاتيح
الفاهم يفهم والحاضر يبلغ الغائب
وصح فطوركم

الراجل يجاوبك ماتعرفش تحكي خلاه انتا يا اخي هادا قانون الخدمة الو طنية باين ادا كان واحد كفيل عائلة يسامحوه ادا كان عندو سبب طبي يسامحوه يا اخي انا في 2003 كان عندي باك+2 حبيت نكاجي قالك لازمك معرفا بعد عامين هاتيت ملف في مسابقة تاع الضباط نجحووليدات المعريفةو كي روحنا كملنا قرايتنا و عندي حق في كفيل عائلة شاف اليبلوم تاع الما جيستر قالي اههههههههههههههههههههه مادرتش الفيزيت ما نديرلك والو انتا روح روح استنا نعايطوللك و تاع الجامعة انانيش روح جربهم و مبعد احكي يا ليث الاوراس ولا تعلم تحكي خيرلك ماش الناس الكل كيف كيف

[ليث الاوراس]

السلام عليكم
صح فطوركم
يا سي chloroplaste أول حاجة الهدرة تبدا بالسلام
وادا على القوانين راهو ماهوش شاف اليبلوم تاع الما جيستر قالك مادرتش الفيزيت ما نديرلك والو
" راك نتا لي مدرتش لا فيزيت " وما تخلطوهاش ياجماعة باراك الله فيكم
لاخر راهو في بحر ونتا تقلو كفيل راك نت لي فهمتها كيما حبيت واحد لا جبد دوي الحق في الاعفاء او الارجاء او التأجيل افهم السع ومبعد أهدر يا خويا وسي خونا الثاني راهو يقول
الثورة في العاصمة ونتا تقولي ما تعرفش تهدر ما نعرفش هيه
أرواح نحكيلك على القوانين نتاع الخدمة :
يا خويا لعزيز باه تستفاد من أي حق من حقوق الاعفاء او الارجاء او التأجيل لازم تسجل في البلدية مع كلاستك ومباعد تروح نت للبلدية تهز لوردر دفيزيت وتعقب لا فيزيت باه تثبت بلي راك تحترم بلادك وعلابالك فيها وادا ماسجلتش عندك فرصة مدة عامين اي حتان تبلغ 21 سنة ادا مارحتش تدير لا فيزيت تحرم اوتوماتيكيا من حق الاعفاء او الارجاء او التأجيل
وتعتبر مؤهل للتجنيد
يا خويا الدولة راهي خاطية في لحالة نتاعك وأنا راني ماهدرتش على الجامعيين راني نهدر على بعض الناس تحب الفتنة وكاين ناس " نيا " تحسب راهي عليها الهدرة وتقلق حاشا راني بغيت النوض لغيرة لي يمتاز بيها الجزائري باه نبعدو على هاد المواضيع . وأو ليو باه نبقاو نبريزيو في بعضانا علاه ما نديروش منتدى ولا نفتحو باب للحوار يحكيولنا الناس لي فوتو على تجاربهم خاصة الناس القارية أنا جارنا أنجينيور كمل قريتو في جويلية لبس في مارس راهو عندو عامين ونص ملي كمل بعد عام ترصم بعون ربي وصحابو ليكانو يضحكو عليه كاين لي دخل بعدو وسقد وكاين لي راهم مدرقين يتبعو في راهم رايحين يعفيو ونادمين أشد الندم وكي عفاو في جويلية لي فاتت مافاقوش .
يا خاوتي لي حاس بلي راني قستو غير يسامحني راني الله غالب نحب بلادي كيما نتوما ولا كثر
مالا نصارحكم راني هاد العام وين هزيت ديبلوم ماستر وراني ساكن في الجبل كيما يدل اسمي و راك يا chloroplaste لوكان تطل على حالتي تبكي وتلقى بلي راني كفيل عائلة ملي كنت 9سنوات الى يومنا هادا شاد في ربي سبحانو باغي نقاجي ما ردوليش مبصح ادا كتبة راهي كتبت وادا ماكانش مالفين بالله يخلف وبربي ادا ما صلحتش نروح نلبس في مارس بعد ما نكمل فورماسيون نتاع انفورماتيك وكشما تصلحلي فلي كونكور وجبت شهادة عمل ندير ملف كفيل المهم نجيب لا كارت جون في أقرب وقت وجماعة كلاصتي لاه يبارك عندهم دوسي ميديكال هزوها سايي مؤهل لايجند.
وربي يسهل للجميع.

[chloroplaste]

يا اخي راك باين تفهم و انا نحوس علي واحد يفهم باه يفهمني اناحالتي واش من حل يلزمني ولا راح تقولي كيما BRannaba روح شوف قنطرة ولا مايفهموش حالة الناس يا اخي لازم المشاكل باه يفهمو و صحا بعد الفطور (ربي اني اشكوك ظلم العباد للعباد)

[chloroplaste]

السلام عليكم
أخي العزيز
ادهب الى أقرب دار بلدية وستجد اعلان عن الاحصاء في الخدمة الوطنية مكتوب فيه قانون في اخر الصفحة حيث أنه يشدد على أن الشباب غير مسجل في قوائم الاحصاء يحرم من حق الاعفاء او الارجاء او التأجيل وبغيابك عن لافيزيت يبدو أنك حرمت من هادا الحق وأنصحك من الأفضل أن تحاول السؤال في مركز الخدمة "لأنك استفدة من التأجيل" فنصيحة لاتتأخر في السؤال فلن يكدبو عليك بدافع أنك درست او ما شابه وادا لم يقبل ملفك نصيحة كأخ ادهب بطوعك وتهنى ما دامك صغير
وصح صحورك

ادهب بطوعك وتهنى ما دامك صغير
ادهب بطوعك وتهنى ما دامك صغير
ادهب بطوعك وتهنى ما دامك صغير
ادهب بطوعك وتهنى ما دامك صغير

يا اخي راهو غير هوا و والدتو و انتا تقلو اذهب طوعا يظهر انك تفهم