للبنات : لماذا يكون شرط المنزل سببا في إعاقة الزواج

[OmarDz]

السلام عليكم و رحمة الله وبركاته
صح رمضانكم وتقبل الله منا ومنكم

عندي سؤال محيرني وحاب بعض الأجوية


لماذا البعض تشترطن البيت على الرجل و يكون سببا في إلغاء الزواج

هل تعلمون كيف يفهمها الرجال يعني لا تريد العيش مع أمه و أخواته

وأصلا أغلبية الرجال يديرو الدار من بعد عند الرزق بالأولاد بطبيعة الحال

والسؤال يبقى مطروح لماذا بعض البنات يشترطن بالمنزل ؟ ما سبب ذلك يعني


النقاش مفتوح

[soso sirin]

انا عن نفسي ماشي شرط اساسي مي المهم تكون الفكرة كاين معنتها ماشي الدهر نسكنو عند ماليه هذا اذا كان دارهم عادي مي باه تقولي كاين سلايف و حماتات و حما معنتها الدار فيها ناس بزاف و هو قادر يخرج و يقولي لالا معنتها هذا راه باغي المشاكل نيشان.تاني مرات الوحدا تشرط الدار لاتو تخاف من المشاكل انا مرات نخمم نقول الدار لازم ماشي لانو مانبغيش ماليه لالا كيما انا نبغي والديا و ماذا بيه يبغيهم ماليه علىالراس و العين مي انا نخاف من المشاكل مانبغيش غدوة الراجل الي نديه يقعد حاير بيني و بين ماليه و انا وحدا من الناس مانقبلش باه ممكن يسمح في ماليه على جالي و لا نخرجو بلا رضاية والديه و تاني اذا سمح في ماليه على جالي راح يجي النهار و يسمح فيها. مي ماشي شرط اساسي و ممكن مانقبلش الراجل على جالو سوغتو اذا كان انسان مليح

[OmarDz]

المشاركة الأصلية كتبت بواسطة soso sirin

انا عن نفسي ماشي شرط اساسي مي المهم تكون الفكرة كاين معنتها ماشي الدهر نسكنو عند ماليه هذا اذا كان دارهم عادي مي باه تقولي كاين سلايف و حماتات و حما معنتها الدار فيها ناس بزاف و هو قادر يخرج و يقولي لالا معنتها هذا راه باغي المشاكل نيشان.تاني مرات الوحدا تشرط الدار لاتو تخاف من المشاكل انا مرات نخمم نقول الدار لازم ماشي لانو مانبغيش ماليه لالا كيما انا نبغي والديا و ماذا بيه يبغيهم ماليه علىالراس و العين مي انا نخاف من المشاكل مانبغيش غدوة الراجل الي نديه يقعد حاير بيني و بين ماليه و انا وحدا من الناس مانقبلش باه ممكن يسمح في ماليه على جالي و لا نخرجو بلا رضاية والديه و تاني اذا سمح في ماليه على جالي راح يجي النهار و يسمح فيها. مي ماشي شرط اساسي و ممكن مانقبلش الراجل على جالو سوغتو اذا كان انسان مليح

شكرا الأخت سيرين على المشاركة
كلام مقنع جزاك الله خيرا

[المخليصة لله]

انا في رايي باش في وقت الشدة ما ترماء في اشارع

['' أمة الرحمن '']

المشاركة الأصلية كتبت بواسطة omardz

السلام عليكم و رحمة الله وبركاته
صح رمضانكم وتقبل الله منا ومنكم

عندي سؤال محيرني وحاب بعض الأجوية


لماذا البعض تشترطن البيت على الرجل و يكون سببا في إلغاء الزواج

هل تعلمون كيف يفهمها الرجال يعني لا تريد العيش مع أمه و أخواته

وأصلا أغلبية الرجال يديرو الدار من بعد عند الرزق بالأولاد بطبيعة الحال

والسؤال يبقى مطروح لماذا بعض البنات يشترطن بالمنزل ؟ ما سبب ذلك يعني


النقاش مفتوح

لأن الزمان قد فسد و حسب

[AyOuB0587]

عقلا ومنطقا الرجل لما يتزوج يلزم عليه تاسيس أسرة
وليس على أهله تحمل مسؤولية أسرته ربما لبعض الوقت فقط
لكن عليه السعي لايجاد منزل منفرد
نسأل الله الرزق الحسن

[maiar]

انا تاني لاحظت هذه تقول مش عايشين في زمان واحد زمان صعيب باه يوفر كل رجل سكن فردي للزوجة تاعو حتى و ان كان المزل العائلي يتسعهم و هذا من احدى اسباب عزوف الشباب من الزواج والله نورمالمو نسهلو على بعضانا و ربي يباركلنا فالزواج هذا و يفرج ربي ان شاء الله

[faty05]

انا عن نفسي لا اشترط البيت وحدي
لكن اشترط الأهل اذا سمعتهم مليحة يعني ناس يتعاشرو ما عندي حتي مشكل
لكن مع الوقت يكون هدفي انا و زوجي ان شاء الله نستقلو و نديرو دارنا مع الوقت
هذا رأيي
سلام